Izaía 7:2 - O Mikanda Ikola

² Anga a dimuna dibhata dia Davide, exi: O Sídia ua te kikutu ni Ifalaími. Bheneʼobho muẋima uê u di-vunza kumoxi ni muẋima ua mundu uê, kala ki di bhuka o mixi mu tutu, kʼiza o kitembu.

Izaía 7:2 ပူးပေါင်းရင်းမြစ်များ

II Samuuele 7:16

Dibhata dié-phe ni utuminu ué uà kola ku pholo ku uia, kiandu kié kià xala sé dizubhilu.

I Jisobha 11:32

Maji muene-phe ua kà tambula-ku muiji umoxi, mukonda dia henda i nga kuatela ngunza iami Davidi, ni mukonda dia henda i nga kuatela Jeluzaleme, o sanzala i nga tungula ku miji ioso ia Izalaiele.

I Jisobha 12:16

Izalaiele ioso-phe kia mono kuma, sobha ka a bhana mátui, athu oso a mu vutuila, exi: Mbandu iahi i tuala na-iu ni Davidi? Kua monʼa Jese kana-ku undundu uetu, Ndé ku jifundu jenu, eie u Izalaiele! Kindala soka ni dibhata dié, eie u Davidi. Bhenhobho Izalaiele ioso a di muangena ku jifundu jâ.

I Jisobha 13:2

Anga u dikola mu kuêlesa o kalatódio ni kizuelu kia tundu kua Jihova, uixi: Eie Kalatódio ka kime, kalatódio ka kime! Ngana uambe kiki: Ku hádia, mʼonzo ia Davidi, a kà vualamu mona ua diiala, ua kà kala ni dijina dia Joziia, muenhó o jinganga ja mu kuohela uasu ua dizumba ku thandu dié, ua kajisatela ku thandu dié o ku thandu dié anga à kohela-ku ifuba ia athu.

II Malunda 25:10

Amaziia anga uabhula o kibuka kia masoladi a mu tumikixine ku Ifalaíme phala a vutuke ku kididi kiâ; ene anga a kuatela Juda njinda iavulu, hé a vutuka kieneʼokio ni njinda ku bhata diâ.

II Malunda 28:12

Bhenhobho ku adiakimi a mu tumina mu kaẋi ka anʼa Efalaimi, ku balumuka athu: Azadiia, monʼa Nzuanana, Belekiia, monʼa Mesilemote, Jezikiia, monʼa Salume ni Hamasa, monʼa Hadilai, anga a lungulukila iá a mu tunda ku ita.

Jisálamu 11:1

Kua Jihova kuene ku nga lengela! Enu-phe muala ku ngʼila kiebhi, tuka lusolo kala kanjila, uà kale ku milundu kuná?

Jisabhu 28:1

Isuéia a di ta ku lusolo, nè-mbe ua a landemeka ka moneka; maji o athu oso a iuka-phe, a di fikidila kala hoje ia munzangala.

Izaía 11:13

Ifalaími dixinga dia-nda ku mu bhua muene, loló; o jinguma ja Juda a kà ji buikisa; Ifalaími ká ka a kuatela dingi dixinga, mba luimbi. Juda ue ka kà bhondeleka dingi Ifalaimi.

Izaía 22:22

O sabhi ia dibhata dia Davidi, nga kà i tula bhu kisuxi kié; muene kia kà jikula, kana muthu u tena kujika, muene kia kà jika, kana muthu u tena ku jikula.

Izaía 37:27

Kiene-phe kia bhangesa akua bhata diê kuenda ni maku ma botomoka, ezala ni uoma ni jisonhi; edile kala mvunde ku mábhia, mukuâ ni iangu ia uisu, kala iangu i sabhukila bhu hongo, mukuâ ni masa maúka ia a seluka kuila ene kiluua ngó a kola.

Izaía 37:35

Mbata eme nga-nda kubhângela mbanza iii, phala ku i kudila, mukonda diami ememuène, ni mukonda ue dia selevende iami Davidi.

Izaía 6:13

Maji se mbandu ia kakuinhi i subhuka-mu, a kà i buikisʼé dingi; mukuá ni mukaluvádiu, mba muzinhela, kioso ki i lalumuka mafe, hanji uemanʼé; kiene ue, o mbutu ikôla.

Izaía 7:13

Muene-phe, uixi: Kindala ivuenu, enu mu dibhata dia Davidi: O ki mua mu tatesa athu ki kia mi soko, hanji mu tatesa dingi Nzambi iami?

Izaía 7:17

Maji nʼeie, ni mundu ué, ni dibhata dia tatenu, Jihova ua-nda ku mi bhekela izuua ia iibha, ijila kua sobha ia Asídia; o ienhiʼiii kiluua mu i mona, tundé bhu kizuua kia batuka Ifalaími kua Juda.

Izaía 7:5

Mbata o Sídia ua ku tele kikutu kia ufue, kumoxi ni Ifalaími, ni monʼa Lemadiia, exi:

Izaía 8:12

Kima kʼila mundu iú exi, kubangana, ki mu kʼixane kubangana; ki mu kale ni hele ia uoma uâ, né ngó bhuòfele ki mu bhuuame.

Izaía 9:9

Ni mundu uoso uenhú ua kà kʼijiia muene, mukonda akua Ifalaimi ni iá a tungu mu Samádia, ala kuzuela ukumbu ni ku di zangeleka kua muẋima, exi:

Jelemiia 21:12

Eie u dibhata dia Davidi, Jihova uambe kiki: Mu imene endenu ni kubatula milonga mu kidi, nda uoso a mu bhundu mu mu sukunune bhu lukuaku lua kingumba; phala o njinda iami ki i tunde kala tuia, ni i uame hé i kamba uoso u i jima mukonda dia kuiibha kua ibhangelu ienu.

Hozeia 12:1

Ifalaíme uala ku di dikila ni kitembu, kumbi dioso dia kambamba u kaiela kitembu kia thunda; u nangena ku vudisa makutu ni kibuika izuua ioso; o kikutu u ki ta ni Asídia, maji mê uia mu ku mabheka ku Ijito, kuma diene o dibhôko dia mu bhana.

Matesu 2:3

Helode-phe, ki evu kiki, u tangalala, kia mu bhonzo ni Jeluzaleme ioso kiá.