Izaía 7:19 - O Mikanda Ikola

¹⁹ Anga jiza, jibutama mu makôlo a iphenza, ni mu mitanji ia matadi, ni mu minha ni mu matutu oso.

Izaía 7:19 ပူးပေါင်းရင်းမြစ်များ

II Malunda 33:11

Ki kia bhangesa Jihova kutulula ku thandu diâ o ilamba ia kifuxi kia sobha ia Asídia; ene anga Manasa a mu kuatela mu minha, hé a mu kuta ni malubhambu anga a mu ambata aia-nê ku Babilónia.

Izaía 2:19

Kieneʼokio athu a kà bokona mu mabanda a matadi ni mu makungu bhoxi, mukonda dia kutukuluka kua Jihova kukola, ni mukonda dia fuma ia unéne uê, kioso muene kia kà balumuka phala kudiuanesa oxi.

Izaía 2:21

Anga a kà di-suetesa ni ku di xinjika mu misula ia matadi, ni mu mitanji ia matadi a makota, mukonda dia kutukuluka kua Jihova kukola, ni mukonda dia fuma ia unéne uê, kioso muene kia kà balumuka phala kudiuanesa oxi.

Izaía 5:6

Ngi di bilula kikangalakata; ki bhua-nda kukala dingi ku di sola jithangu; ku di tela ue mavu bhu ixina, kana dingi; inda mu sabhuke kiá isasa ni misonge ia minha; ngʼa mbela ue matuta, phala ka noke dingi mvula ku thandu diê.

Izaía 55:13

bhu kididi kia musonge, bhua kà sabhuka mufaia; o bhu kididi kia musuna, bhua kà sabhuka mumurta; anga kia kà fumanesa dijina dia Jihova, kià kala kijimbuete kinangenena ki kia kà bua-ku dingi.

Izaía 7:24

O kubokona-mu ki kale u kuata mifula ni matoma, kuma oxi ioso ia-nda kuizala isasa ni misonge.

Izaía 7:25

O mu milundu ioso ue, muene mu dima ni matemu, ka kà ia-mu dingi, mukonda dia uoma ua mazalakata ni misonge, ki kale muia jingombe ni jimbudi ku titidila-mu.

Jelemiia 16:16

Talesa nga-nda ku tuma atona a nzungule, eme Jihova, ene a-nda ku a tamba; anga ngi kasa kiua nzungule ia manhanga ene a-nda ku a tomba ku milundu ioso, ni ku tu-thuthulundu tuoso katé ni mu mabanda ku jindanji.

Mikeia 7:17

A kà lesa fufutila ia mavu kala jinhoka, hé a kâ tunda ni kuteketa mu jingenda jâ kala ibamba iaʼxi ia mu huhutila bhoxi, a kʼèza kua Jihova Nzambi ietu ni kimbuua, eie muene a kà ku kuatela uôma.

Zakadiia 10:8

Eme nga kà exana ni supiia, nga kà a bhongolola kuma eme nga a kula kiá; anga a kà di sokolola dingi kala kia di sokoluele mu ukulu.

Matesu 7:16

Mu ejidila ku ibundu iâ. Manhi athu a kanza ji-uva ku minha, mba jifiku ku musonge?