Izaía 7:18 - O Mikanda Ikola

¹⁸ Mbata kià kala kiki: Jihova, mu kizuua kiókio, ua kà xika muixi mu kuixana o jihamue, jène kua suku o jihonga ja Ijitu kumoxi ni jinhuki jène mʼoxi ia Asídia.

Izaía 7:18 ပူးပေါင်းရင်းမြစ်များ

Jisálamu 105:31

U zuela, anga mu iza matuta ma jihamue, ni jina katé kua suku o mabhata mâ moso.

Jisálamu 118:12

A ngi salumukina kala jinhuki; maji a jimi kala túbhia tu uamena mu minha; kuma mu dijina dia Jihova nga a batela muene bhoxi.

Makatukilu 8:21

O ki uila kana, povo iami ngué ku a eha, ngi tuma jinzungule ja jihamue ku thandu dié, ni ku thandu dia mbèle ié, ni ku mundu ué, ni mu jinzu jé; o jinzo ja akua Ijitu jʼizala jinzungule ja jihamue, katé ni bhoxi bhua diota.

Makatukilu 8:24

Jihova anga u ki bhanga; hé kuiza matuta a makota a jihamue mʼonzo ia Falaó, ni mu jinzo ja akua mbèle iê; o ixi ioso ia Ijitu anga i sekala mukonda dia jinzungule ja jihamue jenʼiji.

Izaía 13:5

Iú uiza kiá ku ixi ia dikanga ni kuxindumuka tunde kua suku o diulu, muene Jihova ni falamenda ia njinda iê uiza na-iu, phala kusengulula oxi ioso ieneʼoio.

Izaía 31:1

Kokolo dia ió oso a kulumuka ku Ijitu mu ku sota-ku dikuatekesu, anga a ta o muẋima ku jikabalu; a dielela o makalu mukonda a di-xala, ni a-mondadi ala i-mazonda ionéne; maji ka xikina kusuua Dilemba dia Izalaiele; ka xikina ku sota Jihova.

Izaía 5:26

Muene ua kà leka Dibandela diê muʼaxaxi ka miji ia makanga, hé u a kà exana ni muixi, tundé ku maẋokololo maʼxi; anga a kèza ni malusolo.

Izaía 7:17

Maji nʼeie, ni mundu ué, ni dibhata dia tatenu, Jihova ua-nda ku mi bhekela izuua ia iibha, ijila kua sobha ia Asídia; o ienhiʼiii kiluua mu i mona, tundé bhu kizuua kia batuka Ifalaími kua Juda.

Zakadiia 10:8

Eme nga kà exana ni supiia, nga kà a bhongolola kuma eme nga a kula kiá; anga a kà di sokolola dingi kala kia di sokoluele mu ukulu.

Matendelelu 1:44

Akua Mamodi-phe, a tungile ko mulunduʼoko, hé a mi endela; anga a mi landameka mukuá ni kiene kubhanga o jinhuki; a tunda mu Seíle ni ku mi tolola katé bhu Holoma.

Matendelelu 28:49

Jihova ua kà ku kasela muiji ua akua makanga ku jihota jʼaxi, uijiia bhulu mukuâ ni holokoko ia di ambatesa ni kuôna; muiji ua athu a dingula a bhingi o dízui dia zuela eie ku tena ngó ku dʼivua;

Matendelelu 7:20

O luamukuá-phe dingi, Jihova Nzambi ié ua-nda ku a tumikisa i-madimbuende, katé kia jima o mbutu oso a xialele-ku, anga a ku-bhua ku mesu.

Josuué 24:12

Eme nga tuamekesa imadimbuende ku pholo ienu, enhá ene a mi kaiela lusolo o jinguma bhu pholo ienu, kiòmuene ue ni sobha jiiadi ja Mamodi; xibhata ié-eie ki iene ia ki bhange, o mufula ué ki uene ue ua ki bhange.