Izaía 7:16 - O Mikanda Ikola

¹⁶ Kia kidi kiene, kioso mona iú kiluua eza mu kitala kia kuijiia ku di tuna kia iibha ni kusola kia uabha, jixi ja jisobha jiiadi jiji, ja ku kuatesa uoma, ja kà buika.

Izaía 7:16 ပူးပေါင်းရင်းမြစ်များ

II Jisobha 16:9

O sobha ia Asídsia iú ua mu ivu muene; mbata o sobha ia Asídia ua bande iú ueza mu kukonda Damasku, iú ua mu tolola; o mundu ia keximu ua ambata iú uai-nâ ku Kîdi, o Lejime ua mu jibha.

Izaía 8:14

Bheneʼobho-phe muene ua-nda ku di-bhanga dibhezelu dienu di kôla; maji ua kà di bhanga ditadi dia kidibhukanu, ndanji ia iẋanju ku mabhata maiadi ma Izalaiele; ua kà kituka mubhetu ni múkala phala iá a tungu mu Jeluzaleme.

Izaía 8:4

Mbata mona muenhú kioso kiluua ejiia kuila, tatʼetu, mba memʼetu, o jimbongo ja Damasku a kà ji bhunda, ni madibhundila ma Samádia a kà ma ambata bhu pholo ia sobha ia Asídia.

Izaía 9:11

Kala kiki, o Jihova ua-nda ku mu fundumuina jinguma ja Lejime, o nguma jê ue muene ua-nda ku ji funhisa.

Jelemiia 7:15

Hinu ngi mi texi koko, mu ngi bhue ku mesu, kala ki nga texi koko o jiphange jenu joso, o muiji uoso ua Ifalaíme.

Hozeia 5:3

Eme Ifalaíme nga mu ijiia kiambote, o Izalaiele ue ua di kasanesa.

Hozeia 5:9

Ifalaíme ua-nda kubhondalala, bhu kumbi dia ku mu bazela, kuma ua kà xala ngùndu; kienhiki-phe nga ki tende muʼaxaxe ka ibuka ia Izalaiele, kuila kia-nda kubhita muene.

Jona 4:11

Kífua eme ki nga tokala kukala ni henda ia mbanza iadikota ia Ninive, muala hama ni makuinhi a iadi a midi ia muthu ndenge, athu kejiia lukuaku luâ lua kadilu ni lukuaku luâ lua kiasu, ni ibhaku iavulu?

Matendelelu 1:39

O anʼenu-phe, u muedi, muixi: Anda kukituka mbole, o anʼenu a kambe o kuijiia kiauabha ni kiaiibha leluʼidi, ene a-nda kukutuka-mu, ene nganda ku a bhana-iu anga a iʼvua.