Izaía 7:13 - O Mikanda Ikola

¹³ Muene-phe, uixi: Kindala ivuenu, enu mu dibhata dia Davidi: O ki mua mu tatesa athu ki kia mi soko, hanji mu tatesa dingi Nzambi iami?

Izaía 7:13 ပူးပေါင်းရင်းမြစ်များ

Dimatekenu 30:15

Muene anga u mu vutuila, uixi: Kífua kia tolo ki ua ngi tambula o diiala diami? ua mesena ue u ngi tambula dingi o mandalákula a monʼami? Lakele-phe uixi: A zeke lelu ni eie, mu mandalákula a monʼé.

II Malunda 21:7

Maji-phe o Jihova kʼandalele ku muanga dibhata dia Davidi, mu kuxinganeka o kikutu kia tele ni Davidi; mukonda ue muene ua kiʼambele kuila ua-nda ku mu bhana jinga mu izuua ioso, dimuikinu, ni muene ni anʼê.

Jisálamu 45:5

Misongo ié i uasa, iatu muene o jisungu, ia kuata mu mixima ia jinguma ja muenexi; ifuẋi ia dibhale, eie hé u bhita ni ku a diota.

Izaía 1:14

O jimbeji jenu jathjethama, ni ionge ienu ia ujitu, muenhu uami ua di kumu-naju; ja ngi nemena kiá; ja ngi kumu kiá o ku ji xididikila.

Izaía 1:24

Uila kiki, Jihova, Nzambi ia Ilômbo Ieta, o Dizonda dia Izalaiele, uixi: Sembele nga di-bhângela bhu pholo ia jinguma jami, ku muẋima ni ku ngi zele, o athu a ngi zembe anga ngʼa vutuila phonzo.

Izaía 22:22

O sabhi ia dibhata dia Davidi, nga kà i tula bhu kisuxi kié; muene kia kà jikula, kana muthu u tena kujika, muene kia kà jika, kana muthu u tena ku jikula.

Izaía 25:1

Jihova, Tata, eie muene u Nzambi iami; ngi ku zangeleka muene, o dijina dié ngi di ximana jinga, mukonda ua bhange madiuanu; ima i ua tanga, mʼukulu kidi, iakuata, iakolo.

Izaía 43:24

Kua ngi sumbila lumbungu lua uasu ua dizumba mu kitadi, ku ngʼikutisa ue ni matheka ma jisata jé; maji ua ngi kumisa ngó ni ituxi ié, eie ua ngi bhuidisa ni ikuma ié.

Izaía 63:10

Maji ene a baluka, a luualesa o Nzumbi iê Ikôla; kia mu bhangesa ku kituka nguma iâ, anga muene-muène u zoka-nâ.

Izaía 7:12

Kuala-phe Akaze, uixi: Eme ki nga-nda kubhinga kijimbuete; Jihova ki ngi tena ku mu lola.

Izaía 7:2

Anga a dimuna dibhata dia Davide, exi: O Sídia ua te kikutu ni Ifalaími. Bheneʼobho muẋima uê u di-vunza kumoxi ni muẋima ua mundu uê, kala ki di bhuka o mixi mu tutu, kʼiza o kitembu.

Jelemiia 21:12

Eie u dibhata dia Davidi, Jihova uambe kiki: Mu imene endenu ni kubatula milonga mu kidi, nda uoso a mu bhundu mu mu sukunune bhu lukuaku lua kingumba; phala o njinda iami ki i tunde kala tuia, ni i uame hé i kamba uoso u i jima mukonda dia kuiibha kua ibhangelu ienu.

Jelemiia 44:22

Kí kia bhekela kuila Jihova ue ka tenene dingi kulendukila mu kithangana kia vulu o kuiibha kua ibhangelu ienu ni ima ia isunji i mua bhanga jinga, ixi ienu iú ua i bilula kikangalakata, ia di bhange kima ki kuatesa uoma, ia kituka ixi ia mázui, ki i moneka athu a tungamu, kala ki muala ku i mona leluʼidi.

Jelemiia 6:11

Mu kiki ngezala ni njinda ia Jihova; nga bhuila kiá, ki nga tena dingi ku i fudisa: ngi i lunduluila mu nzunga, ku thandu dia tumbonga ni bhu mabhongolokelu a minzangala bhuamoxi; kuma katé ni diiala ni mukajiʼê a kà a kuta, ni ua kuka kumoxi ni ió uezala ndumba dia izuua.

Izekiiele 16:20

Sumbala ua bhange iii, maji uate-ku dingi o kukatula anʼé a mala ni anʼé a ahetu u ua vuala nʼeme, eie ua a satela iteka iènhʼoio, phala ku a jikinisa; manhi o undumbu ué iú, ua tolo?

Izekiiele 16:47

Sumbala kiene, maji eie mu njila jâ ua lémbua kuenda-mu, né ngó kubhanga maufusa kala mâ-ene; maji mukuâ ni kuila kala o ia bhange ene iii, ia tolo, eie mu njila jé joso ua beta dingi o ku di iibhisa ene ndenge:

Izekiiele 34:18

Manhi ki ki mi soko o kudia sabhelela iambote, mbé mu táku dingi o kudiota-diotela bhoxi o sabhelela ienu ia mi subhuka-ku ni ikoto ienu? Ni kunua ue o menha a zele kiambote, manhi a mi subhuka-ku mu a vunza-vunza dingi ni mikônzo ienu?

Izekiiele 6:9

Kienhokio-phe, amoxi-mu mudienu a-nda kua kà ngi lembalala dingi oso a kà bhulaka mu miji iengi ia makanga, kuene kua ambata ku ubhikʼoko; kuma eme nga luuala mukonda dia kubola kua muẋima uâ, ua ngi xisa eme, ni mukonda dia mesu mâ ma landukila undumbu ua iteka iâ. Hádia-phe a-nda ku di kala ni fuokoso eneʼâmuène, mukonda dia kuiibha kuavulu kua bhange mu maufusa mâ moso.

Amoji 3:13

Ivenu-kiu, mu te nzongo mu kuzoka ni dibhata dia Jakobo, kiene kia tange Jihova, Nzambi ia Ilômbo Ieta:

Malakiia 2:17

Ngana, mua mu kumisa ni uzuelelu uenu; anga mu ila, muixi: Tua mu kumisa mu kima kiahi? Ki muala kuzuela, muexi: Uoso u bhanga kiaiibha, u lunga; ku mesu ma Ngana, ki kima; athu kala kiki ene a mu uabhela muene; Nzambi ia ku fundisa-phe, iú kuebhi?

Dialuilu 16:13

Manhi kia ku tolela, ki ua tu bhangesa o kutunda mu ixi izunzumuka lete ni uemba, phala ni u tu jibhile mu kikangalakata mumu, anga u mesena u di bhanga dingi u ngana ietu?

Dialuilu 16:9

Manhi enu kia mi tolela kia kuila o Nzambi ia Izalaiele ua mi uanununa ku kionge kia Izalaiele, phala ku mi bhangesa o kubhixila kokuê-muène, mbé muende ni kubhanga o kikalakalu kia balaka ia Jihova, ni kuimana bhu pholo ia kionge, phala kuenda ni ku mu bhangela o ukunji;

Luka 1:69

ua tu zangelekela Mubhuludi ua nguzu phala ku tu bhulula u tundu mu mbutu ia mubhikʼê Davidi—

Jipoxolo 7:51

Mu kuzumbuka Xitevá, uixi: Enu mua thathamena-hi kiosuʼiki, tata! Mua kolela-hi kinéne o muẋima, matui a mi xiluka, mua lémbua kuivua o maka ma Nzambi! Enu izuua ioso mua di bhange kala o jitata jenu, nuka mu kamba kuẋinukina o Nzumbi Ikôla!

Jihebeleu 3:10

Kia ngi bhekela kufutuluka ni muiji uenʼ ió, ngixi: O kulueza mu ixinganeku iâ iaiibha ka ku eha, jinjila jami a tokoka ku jʼ ijiia.