Izaía 66:5 - O Mikanda Ikola

⁵ Ivenu kizuelu kia Jihova, enu oso muala ni uoma ua kizuelu kiê; jiphange jenu, oso a mi zemba, ia ene ku mi takujula dikanga mukonda dia dijina diamiʼeme, exi: Jihova a mu fumanese; mbebhu tu mone o kusanguluka kuenu, maji eneʼô-phe sonhi ja-nda kua kà a kuata.

Izaía 66:5 ပူးပေါင်းရင်းမြစ်များ

I Jisobha 21:29

Eie Akabe kua mu mono kuila uala ku di tululula bhu pholo iami? Mukonda-phe ua di tululula bhu pholo iami, uíndua iú u nga tange ku mu bhanga ki nga-nda ku u bheka mu izuua iê, kana; nga kà u bheka-phe mu izuua ia monʼê ku thandu dia dibhata diê.

II Jisobha 22:10

O musoneki Safane, uejidisa ue sobha, uixi: O nganga ia dikota, Hilikiia, ua ngi bhana divulu. Safane anga u tanga-mu hanji bhu pholo ia sobha.

II Malunda 34:27

Kuma o muẋima ué eie ua teketa, eie ua tolokela Nzambi, kioso ki uevu o maka ma tange kubhanga o kididi kiki, ni ió oso a tungu-bhu, eie ua toloka bhu pholo iami, eie ua tandula o izuatu ié, eie ua ngi didila, eme ue nga kuivu, kienhiki kiene kiambe Jihova.

Ejidala 9:4

Ene oso a kexile mu ku teketela o maka ma Nzambi ia Izalaiele, mukonda dia kutondala kua iá a tundu mu ubhika anga a ngi bhongolokela, eme-phe, kiene ki nga xikama ni kimbulambulʼiki kiene, katé mu kumbi dia Sata ia ngoloxi.

Jisálamu 119:120

Xitu ja ngi teketa mukonda dia uoma ué, kuma o kufundisa kué, Ngana, ku kôla.

Jisálamu 38:20

Ni ió akua kubhanga phulu kua mukuâ ua a bhange mbote, a ngi zembe uâ, mukonda eme nga solo kubhanga o mbote.

Jisabhu 13:13

Uoso u tènda o phangu ia mu bhana, u jikinina; uoso-phe u xila ngonge, ubhanduluka.

Mukumbi ua Mikumbi 1:6

Ki mu ngi tonginine o ku kusuka ku ngala na-ku, kuma ku kusuka kuami kua ngi tundu ku muanha ua ngi tuila iu ua ngʼaúla. Anʼa mamʼetu a ngi thathamena, ia a ngi te mú kuinga mábhia ma mivide; maji o díbhia diami-phe dia ngi tokala ki nga dʼingi.

Izaía 26:11

Jihova, tata! Sumbala lukuaku lué lua zangalala muene, maji ene hanji a tokoka ku lu mona! Maji-phe, a kà lu mona anga adiuana, mukonda dia muanu u ua kuatela o mundu ué; o túbhia-phe hádia tua kà buikisa o jinguma jé.

Izaía 5:19

Exi; A lenguluke, a zubhe kikalakalu kiê, nda tu ki mone; o phangu ia Dilemba dia Izalaiele, ize, idi-tukulule, nda tuʼijiie.

Izaía 60:15

Bhu kididi kia ku kuehelela, ni ku ku buakulula bhua ku tula, kia bhingi ki bhu kexile u bhita momué, eme-phe nga kà ku bhangesa kukala ni kuzangalala ku nangenena, kutana muene, kutunda muiji kuiza muiji.

Izaía 65:13

Kala kiki, Jihova Nzambi, uixi: Talesa, jiselevende jami a kà kala mu kudia, enu-phe mua kà tala hadi ni nzala; talesa, jiselevende jami a kà nuá, maji enu-phe mua kà kala ni dinhota: talesa jiselevende jami ja kʼènda ni kutana, maji enu-phe sonhi ja kà mi kuata;

Izaía 66:2

Kuma lukuaku luami luene lua bhange imbamba iosuʼiii, imbamba iosuʼiii í iòbhange, kiene kiambe Jihova; maji, ivua uoso ngi mu tala: Eme ngi suua uoso ngadiama uala ni muẋima ua toloka, anga u kenanena kizuelu kiami, ió muene ngi mu suua.

Jelemiia 36:16

Anga ki bhita kuila, kia zubha kuivua maka oso enhó, uoma ua a kuata, anga a di lungulukila mudiâ ni ku di iala-iala, hé ambela Mbaluke exi: Ni kidi muene, maka oso iá, sobha tua-nda ku mu tangela-nâ.

Hozeia 11:10

Ene a kʼenda ni kukaiela jinga Jihova; muene ua-nda kukoma kala hoji; o kia koma, tuana tuoso tuene ku mufuila-kumbi a kʼèza ni kuteketa.

Matesu 10:22

Enu a kà mi zemba kuala athu oso mukonda dia dijina diami. Uoso-phe u kolokota katè bhu dizubhilu, muène uà bhuluka.

Luka 13:17

Muène kia zuela kiki, jinguma jê joso, jisonhi ja a kuata. Maji o kifuẋi-phe ki kala mú sanguluka, mukonda dia madiuanu moso ma uabha ma-la kubhanga muène.

Nzuá 16:2

Mu malombe, jinzo ja kusambela Nzambi, a-ndu mi kaia-kaia-mu! Kumbi dia-ndu kuiza dia kuila, uoso u mi jibha, u fika muene kuma ua bhange kia uabhela Nzambi.

Nzuá 9:34

Ene a mu vutuila, exi: Eie u muthu a ku vualela mu nzungule ia ituxi, ua-nda ku tu longa etu? Mu dilombe anga a mu kaiesa-mu.

II Tesalonika 1:12

Phala mu kienʼiki o dijina dia Ngana ietu Jezú di fumane mudienu, ni enu mua muène, kala kia tokala mu kiadi kia Nzambi ietu, ni kia Ngana Jezú Kristu.

Tito 2:13

O kiadi kienhiki ki tu longa ue kukala mù kingila o kizuua kietu kia kuzediua, kioso kia kà tukuluka ni fuma Nzambi ia dikota, Mubhuludi uetu, Jezú Kristu.

Jihebeleu 9:28

Kiene ue, Kristu kia di lumba lumoxʼ iki kala sata, mu kukatula o ituxi ia mundu. Hádia ua kà tukuluka lua kaiadi, kana dingi mu kufuila ituxi, maji phala kubhulula ió oso ala ku mu kinga muène.

I Nzuá 3:13

Ki mu di uane-kiu, enu phange jami, se mundu ua mi zembe.