Izaía 66:4 - O Mikanda Ikola

⁴ Eme uami nga kà a solela lusebu phala ene, ima ia a kuata uoma iene i nga kà a bhekela ku thandu diâ; mbata kioso ki ngʼexana, né-ku uetaia; o ki nga zuela, ki bhuala ua ngʼivu; inda, a bhange phulu ku mesu mami, a solo ima i nga di-zemba na-iu.

Izaía 66:4 ပူးပေါင်းရင်းမြစ်များ

II Jisobha 21:2

Iu ua bhanga jinga ima ia ibha ku mesu ma Jihova, kala kiene o maufusa oso a matumbu, a a kaiesa kuala Jihova bhu pholo ia anʼa Izalaiele mu jixi ja mautuminu mâ.

II Jisobha 21:6

Katé ni monʼé muène ua mu bhitisa ue mu túbhia; ua kexi ue mu kuzambuila mu matuta; ua kexile ue mu xingila, iú ua lumbile ue ndumba dia azambuidi ni imbanda; anga u suina muene mu kubhanga kia ibha bhu mesu ma Jihova, mbé o ku mu lokalala o njinda iê.

Jisálamu 81:12

Eme ue kiene ki nga ehela, a kaiele o kuxibhaka kua muẋima uâ, aie kuoso kua a tumu o jivondadi jâ.

Jisabhu 1:24

Maji-phe o ki ngʼedi ngʼixana, enu-phe mua di tunu kuitaia; nga sunununa o lukuaku luami, ki bhuala ua ngi batekela,

Jisabhu 10:24

Mukua-phulu kima kioso ki mu kuata uoma, kiene ki mudia; muthu ua iuka-phe Nzambi u mu bhana kioso kiendi o muẋima uê.

Izaía 50:2

Mukonda diahi, kioso ki ngeza, ki ku moneka muthu? ngʼexana, ki bhuala muthu uetaia? mbé lukuaku luami lua kotanana kiavulu, lú lua lémbua kukula muthu? Inga momuami kana-mu dingi nguzu ia kubhulula? tala-ze, eme se ngi bazela lumoxi ngó, Musanza ua kalunga u kukuta, jingiji jithothuena kala oxi ia kisèkele, anga jimbiji jê ji nuha kibuzu, kuma se ja lémbua menha ji di-fuila ni dinhota.

Izaía 59:15

Kiene muene, o kidi a ki jimbi, uoso uila nguami kubhanga phulu, o ió, bhulubhulu dia ku mu bhunda. Jihova ua ki mono, ki kia mu iibhila ku mesu mê, kuila, o kubatula milonga mu kidi, ki kuala-ku.

Izaía 59:7

Inama iâ i lenga mu ku bhanga phulu, a sakalela mu kubhubhisa manhinga ma muthu ua kambe kikuma; o ilunji iâ i funha ikuma mu ikuma; kubuika ni kubhondalala kuenhé mu njila jâ.

Izaía 65:12

eme ue nga-nda ku mi xinda kúfua ku xibhata, anga enuoso mua kà bhetamena bhu kijibha; mbata ngʼexana, enu nguenu kuitaia; nga zuela, enu nguenu kuívua; o kialabhu, mua bhange kiaiibha ku mesu mami, enu mua solo-bhu kioso ki nga di zemba na-kiu eme.

Izaía 65:2

Kumbi dioso dia kambàmba nga sunununa maku mami ku mundu ua xibhaka, akua kuendela mu njila ia kambe kuiuka, ni kukaiela mabanzelu mâ;

Izaía 65:3

athu a kuata ku ngi thathamesa kiki bhu pholo iami izuua ioso, a bhela jisata mu mábhia, ohela uasu ua dizumba ku matijolo;

Izaía 65:7

Jihova uambe: O ikuma ienu, ni ikuma ia jitata jenu bhamoxi, a kexe mu kuoha o fumasa ku milundu, anga a ngi ẋonguena ku tuthuthulundu; kienhiki ngi vutukila ku a zongela o futu ia ikalakalu iâ iòkulu anga ngʼa lukuila-iu bhu homba iâ.

Jelemiia 35:17

Kienhiki-phe Jihova, Nzambi ia Ifuẋi, o Nzambi ia Izalaiele, uambe kiki: Nga-nda ku bheka ku thandu dia Juda ni ku thandu dia oso kiá a tungu mu Jeluzaleme, ku ibha kuoso ku nga tange ku thandu diâ, mbata eme ngène mu zuela, ene nguâ kuivua; nga kolo kokuâ, ene ka ngʼitaia.

Jelemiia 7:13

Kindala-phe, kuma enu ima ioso iii, iene i mua mu bhanga, eme Jihova, o ki nga zuela, nga mi tela maka, enu o kuivua nguenu, o ki nga mʼixana, nguenu kuitaia.

Jelemiia 7:30

Mbata anʼa a Juda a bhange muene kia ibha ku mesu mami, eme ngi Jihova; isunji iâ a i tula muene mʼonzo iʼexanena mu dijina diami, phala ku i kasanesa.

Izekiiele 11:8

Muala ni uoma ua xibhata, xibhata-phe nga-nda ku mi bhekela naiu ku thandu dienu, Jihova Nzambi ua ki tange.

Izekiiele 14:4

Kala kiki, zuela-nâ ua ambela, kuila: Jihova Nzambi uambe, kiki: Muthu uoso-uoso mu dibhata dia Izalaiele, uimika o iteka iê mu muẋima uê, anga o kidibhukanu kia kuiibha kuê hé u ki tula bhu pholo iê, nʼeze ku musesedi, eme, ngi Jihova, hé ngi mu mona, Ememuène nga-nda ku mu vutuila kala kia soko o ndumba dia iteka iê.

Izekiiele 20:25

Kiene ue kia ngi bhekesa o ku a bhana o jingonge ki ja uabha, ni mabatuilu a bhingi kuila ene uâ ka tena ku-laiela-mu;

Matesu 24:24

Mbata kua ká tukuluka Jikristu javulu ja makutu, ni jipolofeta ja makutu. Ene à kedikiza isuma ni madiuanu mavulu, katé se kuila ki xikina, ni athu a Nzambi ene ósole, eji ku a jimbidisa.

I Samuuele 8:19

Mundu-phe aditunu dízui dia Samuuele; exi: Kana; tu kala muene ni sobha i tu tumina,