Izaía 66:3 - O Mikanda Ikola

³ Uoso u jibha ngombe ia sata, mukuâ ni ua jibha muthu; uoso u satela kambudi, mukuâ ni ua batula ómbua xingu; uoso u bhana mubhaku ua musa, mukuâ ni ua bhakula manhinga ma ngulu; uoso u ximika fumasa ia dizumba, mukuâ ni ua benzela dihamba. Mbata eneʼâ ue ala kusola jinjila jâ-ene, muẋima uâ ua sendukila ku ima iâ ia ufusa.

Izaía 66:3 ပူးပေါင်းရင်းမြစ်များ

Jisabhu 15:8

Jihova ua di-zemba ni sata ia athu abhumu; maji ki mu uabhela muene, o kuividila musambu ua athu aiuka.

Jisabhu 21:27

Sata ia akua kubhuma, kisinji kua Nzambi; kuambe dingi-phe ki a i bheka ni muẋima ua kubhanga phulu!

Izaía 44:19

Ki bhuala u ki ta ku muẋima, a lémbua kuijiia, a lémbua kilunji kia kuxinganeka, kuila: Mbandu nga i oha mu túbhia, ku makala mê kuene ku ngʼohela o mbolo, kuene ue ku ngohela o xitu, eme nga i di; abha-phe o luhuinhi lua subhuka-bhu mbé ngi lu bhanga kiá kima kia kisunji? Kifua o kima kia tundu ku muxi kiene muene ki ngi fukamena?

Izaía 53:6

Etu oso tua kexi mu kuenda kala jimbudi ja jimbidila; kala muthu u di-texila ni njila iê; maji-phe o mulonga ua tu tokala etu-oso, Jihova ua mu xina-u kiá muene ku thandu diê.

Izaía 57:17

Njinda ia ngi kuatele mukonda dia usuéia ua unjenje uâ anga ngʼa beta; kuma kia ngi kuata o kutema, pholo nga i sueka; maji ene, hanji-phe, mu kubhukumuka kuâ, akaiela njila ia muẋima uâ.

Izaía 65:12

eme ue nga-nda ku mi xinda kúfua ku xibhata, anga enuoso mua kà bhetamena bhu kijibha; mbata ngʼexana, enu nguenu kuitaia; nga zuela, enu nguenu kuívua; o kialabhu, mua bhange kiaiibha ku mesu mami, enu mua solo-bhu kioso ki nga di zemba na-kiu eme.

Izaía 65:2

Kumbi dioso dia kambàmba nga sunununa maku mami ku mundu ua xibhaka, akua kuendela mu njila ia kambe kuiuka, ni kukaiela mabanzelu mâ;

Izaía 66:17

Ene oso akua ku dilumba anga a di-bonzela mu mábhia, ki aia ni ku-dikaiejela mudiâ, a kuata lubhandu luâ, ni kúdia xitu ia jingulu, ni xitu iôkidike, ni mabengu; ene-oso-â a-ndu jikinina bhuamoxi, Jihova ua ki tange.

Jelemiia 6:20

Uasu ua dizumba-phe uahi uene, ua mu ngi tundila ku Seba kuná, ni lumbungu lua beta kuiuka lua ima ia mazumba lua tundu ku jixi ja makanga? mibhaku ienu ia kuoha ki ia ngi uabhela, o jisata jenu ue ki ja ngi kala ku vondadi.

Ijila 2:2

anga u u bheka ku jinganga anʼa Alá; umoxi mudiâ anga u katula-ku dibhûbhu dia fuba ia fina, ni ku maji u katula-ku, ni uasu uê uene uoso ua dizumba. Ienhiʼii nganga anga u i ohela ku kalatódio, ujitu ua dilembalelu, ujitu ua kubhakula ni túbhia, ua dizumba diambote kua Jihova.

Ajeu 2:14

Bhenhobho Ajeu u a vutuila, uixi: Ngana uambe kuila: Kiene ue kiala o mundu uenhú, ni muiji uenhú ku mesu mami; ikalakalu ioso ia maku mâ, ni sata ioso ia ngi bhakuila eme, ia xidi muene.

Matendelelu 14:8

O ngulu ue ki iafuama ku idia, kuma O ku batuka kikoto iú-naku, maji ki iene ku di andununa mu kanu; ió-phe iókidike, xitu iê kana ku idia, kimbi kiê kana ku ki kuata.

Matendelelu 23:18

Kioso ki uiza mu kumbidila hasa ié mʼonzo ia Jihova Nzambi ié, kana kubheka-mu kitadi kia lumbula kidianzunga mu uuaia, mba suilu iatundu ku uenji ua imbua i ua sumbisa. Mbata ima iiadi ienhiʼii Jihova Nzambi ié ua di zemba na-iu, kuma ufusa.

Afundixi 10:14

Ndenu, ka di kodienu ku nzambi jojo ji mua solo, jene ji mi kudile mu thembu ienu ia kubhondalala.

Afundixi 21:25

Izuua ienhoio mua Izalaiele ki mu kexile sobha, kala muthu-phe u bhanga kioso kia mono kuila kiene kia mu iukila ku mesu-mê.

Afundixi 5:8

Izalaiele kiedile a sola jinzambi jengi; ku mabhitu a imbaka kua a tukuluka ita; ni ngubu ngó ni sosa ki i moneka dingi, mu makuinhi auana a midi ia akua Izalaiele.