Izaía 66:24 - O Mikanda Ikola

²⁴ Ene-phe a kà tunda mu kutala, anga a kà mona imbi ia athu oso a bhangele ima ia ku ngi bhumina; mbata dibhuka diâ ki dia kà fua, o túbhia tuâ ki tua kà jima dingi; anga enhá a kà kala kisunji ki kuatesa uoma ku xitu ioso.

Izaía 66:24 ပူးပေါင်းရင်းမြစ်များ

Jisálamu 110:6

Muene u batula o milonga muʼaxaxi ka jixi, bhoxi bhuizala imbi, u bula-bula muene o mítue ia atumini mu ngongo ioso.

Izaía 1:28

Maji atondadi, ni akua-ituxi-phe, a kà a buikisa kumoxi; ni ió oso a xisa Jihova, a kà jima mbutu.

Izaía 1:31

Anga o dizonda ua kà biluka kibhiaẋi, o kikalakalu kiê mukua ni soso ia túbhia, anga kiiadi kiâ a kà uamena bhuamoxi, u a jimina ka moneka.

Izaía 14:11

Ulolo ué a u kundumuina kiá muʼalunga, kumoxi ni mbinbi ia tukoxi tué, maminhu a kà biluka izalelu bhoxi dié, o ibamba ia-ndu ku ku vunga.

Izaía 24:20

Oxi ia kà bhendujuka muene kala hôlua, itunguta, itona, kala kitelembe a ki nhikisa mʼusuku; mulonga uê a kà u xina ku thandu diê; anga idibhala; o ki iia kiá bhoxi, ki ia kà bhetuka dingi.

Izaía 26:11

Jihova, tata! Sumbala lukuaku lué lua zangalala muene, maji ene hanji a tokoka ku lu mona! Maji-phe, a kà lu mona anga adiuana, mukonda dia muanu u ua kuatela o mundu ué; o túbhia-phe hádia tua kà buikisa o jinguma jé.

Izaía 34:10

Ni mu muanha ni mʼusuku ki ia kà jima; o dixi diê di banda jinga katé ku hádia ni hádia; ku tunda muiji kuiza muiji ni ku i buikisa; ku tunda mivu kuiza mivu nuka mua kà bhita dingi muthu.

Izaía 34:3

O imbi iâ ibhinga ku i texe-texe ngó mu kanga, anga o mikutu iâ ikuata kunuha kibuzu; o milundu ià kʼèzala ni manhinga mâ.

Izaía 48:22

Maji o athu abhumu, kala ni kutululuka; Jihova ua ki tange.

Izaía 5:25

Ki kia bhangesa o njinda ia Jihova ku uama ku thandu dia mundu uê, iú ua sunununa lukuaku luê, iú ua a bhana kaxitiku, katé ni milundu ia teketa; o imbi iâ iedile kala maxita muʼaxaxi ka nzunga; ku thandu dia iosuʼiii, njinda iê ki ia suku, maji lukuaku luê hanji ua luʼoleka.

Izaía 51:8

Kuma axikamena ku a kesa kala kabamba ki ka kesa o kizuatu, makèke ma-nda ku a dia kala kia dia o lã; maji o uiukilu uami ua kà xalèla katé ku hádia ni hádia; o ubhulukilu uami kutunda muiji kuiza muiji.

Izaía 65:15

Mua kà xisa o majina menu kuma dilebhu kua athuʼami ósole; Jihova Nzambi phe ua-nda ku mi jibha, anga jiselevende jê u a luka kiá dijina diengi.

Izaía 66:16

Kuma Jihova ua-nda kuila o kuku u kuata túbhia, o kuku xibhata, anga ua kà funda ni mundu uoso; o imbi-phe ia-nda kúfua bhenhobho kua Jihova ia kà vula.

Daniiele 12:2

Ndumba ia athu ió aia ku kilu mu fufuta ia mavu ma ʼxi, a kà fukunuka, amoxi a kʼàia ku muenhu ki uàbhua, amukuá a kʼàia ku kididi kia phaxi, kuà kala o sonhi ni lusebu lu nangenena.

Zakadiia 14:12

O dibhebhu, Jihova dia-nda kuà kà jikinisa na-diu akua jixi oso alu ita ni Jeluzaleme, dienhidi: Xitu iâ ia kà sekumuka ku mukutu kuila ene hanji emana; mesuʼâ a kà bolela mu mútue; o dimi diâ, mu kanu, dia kà lutuka.

Matesu 3:12

O mbangu iê ia kubhiatela uiza na-iu bhu maku, o kididi kiê kia kuvundila ua-nda ku ki zelesa katé kia zubha. O jimbutu jê u ji bhongolola hé u ji bheka mu kitula; o ibhiate-phe u ioha mu túbhia ki tuene dingi kujima.

Dijingunuinu 21:8

Maji oso-phe akua uôma, akua phulu, a bhanga isunji, ijibhanganga, jindumbu, ni aloji ni abhezi a itèka, ni akua makutu oso, o mbandu iâ ià kala mu kizanga kia uama túbhia ni xofidi; kuène o kùfua kua kaiadi.