Izaía 66:19 - O Mikanda Ikola

¹⁹ Nga kà ta kijimbuete muʼaxaxi kâ, oso-phe a bhulaka-ku nganda ku a tumikisa ku ifuẋi, ku Talxixi ni ku Phulu, ni ku Ludi, akua kuoleka o mufula, ku Tubale ni ku Javane, katé ku ikolo ia makanga, kua oso fuma iami kiluua a ivua, kijingo kiami ue nuka a ki muene; kuenhoko a kà tanga-ku o fuma ia ungana uami muʼaxaxi ka akua jixi.

Izaía 66:19 ပူးပေါင်းရင်းမြစ်များ

Dimatekenu 10:13

Mizilaime anga u vuala Ludime, Anamime, Lehabime, Nafutuhime,

Dimatekenu 10:2

Anʼa Jafete eniá; Ngomele, Mangongo, Madai, Javane, Tubale, Meseke ni Tilaji.

Dimatekenu 10:22

Anʼa Seme enhá: Elame, Asula, Alufaxade, Lude, Halá

Dimatekenu 10:4

Anʼa Javane eniá: Eliza, Talxixi, Kitime ni Dodanime.

Dimatekenu 9:27

Nzambi a kudise jimbambe ja Jafete, A tunge mu jibalaka ja Seme; Kanana a kale mubhikʼê.

I Malunda 1:11

O Mizalaimi uvuala akua Ludime ni akua Anamime, ni akua Leabime ni akua Nafutuhime.

I Malunda 1:7

O ana a Javane: Eliza, ni Talxixi, ni Kitime, ni Dodanime.

I Malunda 16:24

Tangenu muʼaxaxe ka ifuẋi o fuma ia unéne uê, ni madiuanu mê muʼaxaxi ka mundu uoso.

Jisálamu 72:10

Jisobha ja Talxixi ni mu ikolo a kà mu bhana o lubhaku; o jisobha ja Xeba ni Saba ja kà mu bhekela maujitu.

Izaía 11:12

Ua kà leka o mvela muʼaxaxi ka akua jixi; akua Izalaiele a a balakalele ua kà a ongeka, u bhongolola ue akua-Juda a di-muangene tunde ku hota jiuana jaʼxi.

Izaía 18:3

Enu oso mua tunga kulu dia mundu, nʼenu mu akua-bhata mu ngongo, kumbi di bhekela o bandela ku milundu, mu ki monenunu; o kia kà xika ue o mbungu, mu kʼivenunu.

Izaía 18:7

O Kifuẋi-phe kia athu a lebha, ala ni kikonda ki lujela, o mundu ua ẋinuka tundé ukulu, katé ku pholo; kifuxi kia kubhunda, a bhindamena kutumina, kifuxi ki talesa hadi, ene mʼoxi iouane ku jingiji, mu thembu ienhoio a kà bheka ujitu kua Jihova diua Ilômbo Ieta, bhu kibúta kia dijina dia Jihova dia Ilômbo Ieta, ku mulundu ua Ziione.

Izaía 2:16

O jinaviiu joso ja Talxixi, ni jifikula ja fumana, jiia bhoxi.

Izaía 29:24

O oso a tondala mu nzumbi, ia ela kuengi, a kà tambula kilunji; o akua kulongolola, a kèjiia ulongelu, kuma a kà xikina kiá ku a longa.

Izaía 42:12

A bhane fuma kua Jihova, o diximanu diê a di tange mu ikolo.

Izaía 42:4

O muene ka kà fula, ka kà mu tolojola katé kia bheka o uiukilu mu ngongo; o ikolo ia kà kingila o ulongelu uê.

Izaía 43:6

Ngambela mbandu ia suku, ngixi: Bhana! Anga ngambela mbandu ia sulu ngixi: Kana ku a bhaka; ngi bhekedienu anʼami a mala ene dikanga; ni anʼami a ahatu ene kua suku oxi.

Izaía 49:1

Ngʼivienu, mu ikolo, enu mu athu muene ku makanga batekelenu: Jihova ua ngʼixana hanji kioso ki ngala mu mala, eme hanji mu divumu dia manhiʼetu, muene-phe ua tumbula kiá o dijina diami.

Izaía 49:12

Talesa, o iá a kà tunda makanga, o ianá a kà tunda ku suku ni ku mazanga, amukuá a kà tunda kʼoxi ia Sinime.

Izaía 49:22

Jihova uambe kiki: Nga kà zangula lukuaku luami, ngi lu lungisa ku ifuẋi, ngi futununa mvela iami ku ifuẋi ioso; ene-phe a kà ku bhekela anʼé a mala bhu maku, o anʼé a ahatu ejiia bhu isuxi.

Izaía 51:5

O uiukilu uami ua zukama; ubhulukilu uami iú tomboka kiá; maku mami mene ma-nda kutetuluila o mundu; ikolo ia-nda ku ngi xikamena ni kukinga, ene a-nda kudielela kubhandulukila ku lukuaku luami.

Izaía 52:10

Jihova ua funha lukuaku luê lu kôla bhu pholo ia ifuẋi ioso; o maẋokololo moso maʼxi ma-ndu mona ubhulukilu ua tundu kua Nzambi ietu.

Izaía 52:15

Mu kiki, muene uà kʼeẋika ifuẋi ia ndumba ku dibônzo, o jisobha a kà jika makanu mâ mukonda diê-muène; kuma kima ka a tangelele na-kiu a kà ki mona, kima ka kʼivile luua, kia kà a jimbulukila muene.

Izaía 55:5

Tala-ze, eie ua-nda kuixana kifuxi kua kʼijidile, ifuẋi ia kambele ku ku ijiia ia kèza malusolo kokué, mukonda dia henda ia Jihova Nzambi ié, ni ia Dilemba Dikola dia Izalaiele; kuma muene ua ku zangeleka.

Izaía 60:9

Ni kidi kiene, o ikolo ia kà ngi xikamena, jinaviio ja Talxixi jene ja kà tuama, phala kuiza kuxila dijina dia Jihova, Nzambi ié, ni kua Dilemba Dikola dia Izalaiele, mukonda muene ua ku jingisa.

Izaía 62:10

Bhitenu, bhitenu bhu mielu; iudikenu njila phala o mundu; sokelesenu, sokelesenu o kikoka, nonenu-mu o matadi; lekenu mvela phala o Huxi.

Izaía 65:1

A ngi sota kuala athu ka kexe mu ngʼibhula; a ngi sange kua ió ka kexi mu ngi sota; ku athu mu dijina diami ka tokalele-mu, nga a tambuijila, ngixi: eme bhabhʼú!

Jelemiia 46:9

Enu jikabalu bandenu, enu mu makalu numinenu, mazonda ende ni kutunda; akua Itiiópia ni akua Pute ejiia kubhânga ni ngubu, ni akua Lida ejiia kubhânga ni kuoleka o mufula.

Izekiiele 27:10

O Jipelesa, ni akua Lídia ni akua Pute ene a kexile o masoladi é a ita mu ilômbo ié; ni jingubu ni jikapasete, a ji nhenga jinga momuʼé; ene a di bhangele o makembu mé.

Izekiiele 27:13

Ni Javane ni Tubale ni Meseke, ene o ngenji jé; ni mienhu ia athu ni itutu ia ngòndo, uene o uenjʼú ua-ta jinga nʼeie.

Izekiiele 30:5

Ni Itiiópia, ni Pute ni Ludi, ni difungisa dia athu oso kiá, ni Kube, ni ana a jixi ja te kikutu ni Ijitu, a kà tenuka ku xibhata kumoxi ni ene.

Izekiiele 32:26

Muenhomo muene muala Meseke ni Tubale ni mundu uâ uoso; o mu jimbandu jâ muene muala o jimbila ja ene; ene oso muene akua mabôlo a a kubujula ku xibhata, kuma a bhanga jinga ima i kuatesa uôma mu ngongo ia athu a muenhu.

Izekiiele 39:1

Eie-phe monʼa diiala, zambula hanji mu ku bilukila Ngongo, u tange kuila: O Jihova Nzambi uambe kiki: Tala-ze, kuma eme nga ku bilukila, eie Ngongo, eie u kilamba uene mu tumina bhu Meseke ni bhu Tubale.

Izekiiele 39:6

O Mangongo nga kà mu tumikisa túbhia, ni muʼaxaxe ka ió a tungu a somo mu ikolo; anga a kʼijiia kuila eme ngi Ngana.

Daniiele 11:18

O ki kia kà bhita, ua-nda ku lunga kiá pholo ku ikolo ia musanza ua kalunga, anga u tolola-ku ikolo iavulu, maji bhu kala-phe kilamba kimoxi, o muenhú ua-nda ku mu tolola, kifua ua mu bhuisa ukumbu anga u mu bhangesa kuila o izala ia ukumbu uê i laukila ku thandu diê muene.

Sofoniia 2:11

Jihova ua kà a lungulukila, o jinzambi joso ja mu ngongo anga u ji jikinisa; akua jixi ene oso a kʼèza kua Muene ku mu bheza, tunde mu ididi iâ ni miji ioso mu ikolo.

Sofoniia 3:10

Katé ni ku sámbua diná dia Jihonga ja Etiiopia, ku kala abhezi ami a kidi, anʼami a ilalu a di muangene, a kèza ni ujitu mu ku ngi bhekela jisata.

Malakiia 1:11

Kuma tunde bhu tundila dikumbi katé bhu di fuila, o Dijina diami dia kà kala kima kionéne ku miji ioso. Mu ididi ioso Dijina diami a kà di ohela uasu ua dizumba ni ku di bhela jisata ni maujitu mazele kiambote. Mukonda Dijina diami dionéne mu miji ioso. Kiene kia tange Jihova dia Ifuẋi.

Matesu 28:19

Enu-phe ndenu, mua ka longe jixibulu ku akua jixi joso, ni ku a batizala mu dijina dia Tata, ni dia Mona, ni dia Nzumbi Ikôla;

Marku 16:15

Jezú anga u ambela, uixi: Ndenu mu ngongo ioso, mua ka boke o Njimbu Iambote, kate kua suku Nzambi ni kubhanga athu.

Luka 2:34

Ximinhá anga u mu benzela, hé uambela Madiia, manhiʼâ, uixi: Monʼóze Nzambi ua mu solo phala kukala ubhulukilu ni kusenguluka kua athu andumba mu Izalaiele. Mona iú ua-ndu kala kijimbuete kia Nzambi ki kuatesa jiphata ku athu avulu.

Loma 15:21

Kala kia ki soneka mu Mikanda Ikôla, exi: Oso ka a tudila-kiu, a ká ki mona. Oso ka kʼ ivile, a kà kʼ ijiia.

Efezo 3:8

Eme muene ngala ngi ndenge ia jindene mu ʼaxaxe ka akua Ngana oso. Maji o Nzambi ua ngi bhange ujitu uosʼú ua ku ngi bhana o kutudila matumbu o Njimbu Iambote, ia jimbongo ja Kristu, jolémbue ku ji tongolola.