Izaía 66:18 - O Mikanda Ikola

¹⁸ Mbata o ima iâ ia bhanga nga ʼijiia, katé ni ixinganeku iâ! Thembu ii iza-bhu, nga-nda kubhongolola miji ioso ni madimi; a-nda kuiza, anga a mona kijingo kiami.

Izaía 66:18 ပူးပေါင်းရင်းမြစ်များ

Jobe 42:2

Nga kʼijiia muene kiambote kuila, eie ioso ua soko na-iu; ki bhuala kima ki u xinganeka kubhanga anga a ku lembuesa na-kiu.

Jisálamu 139:2

Ua ngʼijila ni kuxikama kuami ni kubalumuka, o ilunji iami ni mu kanga muná ia ku jimbulukila kiá.

Jisálamu 67:2

phala njila iê aʼijiie mu ngongo, ku jixi joso ejiie o ubhulukilu uê.

Jisálamu 72:11

Katé ni jisobha joso ji diunda bhu pholo iê; ilômbo ia miji ioso i kala mu mu bhikila muene.

Jisálamu 72:17

Dijina diê di nangenena katé ku hádia ni hádia; diia ni kusambuka muene ni ku mululu ni ku mulaula, kioso hanji ki kala mu nangenena o dikumbi; athu a kala mu ku a bhana dibesá mu dijina dia muene; o ifuẋi ioso mu ngongo a mu ixana kuma Mukua jimbote.

Jisálamu 82:8

Balumuka, eie u Nzambi, u fundise mu ngongo; kuma madiembu moso ma ku tokala.

Jisálamu 86:9

Mbutu joso jʼathu, eie-muène ua a bhanga, hádia a kèza kubheza bhu pholo ié, u Ngana; a kà jingisa o dijina dié.

Jisálamu 94:11

Jihova uejiia muene o kuxinganeka kua muthu, kuma usemenhi uoso.

Jisálamu 97:6

Maúlu ma kola kutetuluka kuê, o ifuẋi ioso ia mono o kubenha kuê.

Izaía 11:9

Ka kà bhanga-mu kiaiibha mba phulu ioso-ioso, mu mulundu uami uoso, u nga kôlesa; mukonda oxi ioso ia kèzala ni kuijiia Nzambi, kala o menha kiezalesa kalunga.

Izaía 2:2

Anga kia kà bhita-phe kuila: Mu izuua ia kà sukidila-ku, o mulundu kua tungu o inzu ia Jihova, ua kà beta kuzangalala o milundu ioso ni tumilundu tuofele, ndenge; o ifuẋi ia jixi joso ia kà lengela kué muene.

Izaía 37:28

Eme-phe nga ku ijiia ni uxikamenu ué, ni utundilu ué, ni Ubokuenu ué, ni njinda ioso i ua ngi kuatela.

Izaía 40:5

O fuma ia Jihova anga i tukuluka, o xitu ioso kumoxi ia kà ki mona, kuila Dikanu dia Jihova dia ki tange.

Izaía 45:22

Talenu kokuami, nda mu bhuluke, enu mu masukilu oso kua sukaʼxi; mbata eme-muène ngi Nzambi, ki kuene nzambi iengi.

Izaía 52:10

Jihova ua funha lukuaku luê lu kôla bhu pholo ia ifuẋi ioso; o maẋokololo moso maʼxi ma-ndu mona ubhulukilu ua tundu kua Nzambi ietu.

Izaía 55:8

Mbata mabanzelu mami ki mene o mabanzelu menu, o jinjila jenu ue ki jene o jinjila jami, kiene kiambe Jihova.

Izaía 56:8

Jihova Nzambi, uene kubhongolola oso a muangana mu Izalaiele, uambe kiki: Hanji nga kà bhongolola dingi athu kumoxi ni iá u nga bhongolola kiá.

Izaía 57:12

Eme nga-nda kutadika kuiuka kué, ni ikalakalu ié ia kingoho ki ia-nda ku ku bhandulula ni kima.

Izaía 59:7

Inama iâ i lenga mu ku bhanga phulu, a sakalela mu kubhubhisa manhinga ma muthu ua kambe kikuma; o ilunji iâ i funha ikuma mu ikuma; kubuika ni kubhondalala kuenhé mu njila jâ.

Izaía 65:2

Kumbi dioso dia kambàmba nga sunununa maku mami ku mundu ua xibhaka, akua kuendela mu njila ia kambe kuiuka, ni kukaiela mabanzelu mâ;

Izaía 66:10

Tanenu kumoxi ni Jeluzaleme, sangulukilenu-nê bhuamoxi, oso kiá mua mu zola; izalenu ni kusanguluka mukonda diê, enu-oso mua kexe kudila-nê o jingololo;

Jelemiia 16:17

Mbata mesu mami ma lungu muene ku jinjila jâ joso; ene ka suama bhu pholo iami, mba o ikuma iâ i di sueka ku mesu mami, lémbue!

Jelemiia 3:17

Mu thembuʼomo Jeluzaleme a kà mu luka Kiandu kia Jihova, ni miji ioso ia kà di bhongoluela kua muene, ku Dijina dia Jihova, mu Jeluzaleme; ki mungu dingi enda kala kioso kia tumu o muẋima uâ ua usuéia.

Izekiiele 38:10

O Jihova Nzambi uambe kiki: O mu kizuuʼomo kia kà bhita kuila o ku muẋima ué ua kà kala ni ixinganeku, hé ua kà funha kima kia ibha.

Izekiiele 39:21

Eme anga nga kà ta o matunda mami muʼaxaxe ka akua jixi, o mautuminu oso a kà mona o ufundisilu uami, u nga-da kua kà bhanga, ni lukuaku luami, lu nga-nda kua kà bekula ku thandu diâ.

Jouele 3:2

Miji ioso nga kà i bhongolola, hé nga kà i bhangesa ku kulumuka mu dikôlo dia Jozafate; mueneʼomo-phe kiá, nga kà funda-nâ mukonda dia kifuxu kiami, ni undûndu uami, Izalaiele, a mu muanga-muangena mu jixi kuala ene, ixi iami iá a di uanena-iu.

Amoji 5:12

Mukonda eme nga kʼijiia muene kuila itondalu ienu ia ndumba, ituxi ia mi kala jinzungule; muthu ua iuka, enu mu mu tatesa; ku milonga, mu tambula nduta; a bhindama kia kuendela, eie ua a jikila dibhitu mu pholo.

Zakadiia 14:16

Kieneʼokio, ene oso a subhuka ku miji ioso iejile mù-lua ni Jeluzaleme, a kà banda muvu ni muvu phala kubheza Jihova dia Ifuẋi, o sobha, ni kubhanga ue o fesa ia jifundu.

Malakiia 1:11

Kuma tunde bhu tundila dikumbi katé bhu di fuila, o Dijina diami dia kà kala kima kionéne ku miji ioso. Mu ididi ioso Dijina diami a kà di ohela uasu ua dizumba ni ku di bhela jisata ni maujitu mazele kiambote. Mukonda Dijina diami dionéne mu miji ioso. Kiene kia tange Jihova dia Ifuẋi.

Matesu 12:25

Jezú-phe kuma uejiia ioso iala kubanza, uixi: Kilômbo kioso kia sobha se kia di balukila ene mudiâ, kindala ki muangana; mba sanzala ioso, mba dibhata, se a di balukila ene mudiâ, dibhata diodio ki di tungu.

Matesu 9:4

Jezú kuma uejiia mabanzelu mâ, uixi: Phala-hi muala mu xinganeka kiaiibha mu miẋima ienu?

Luka 5:22

Jezú-phe kievu o kulongolola kua miẋima iâ, u a vutuila, uixi: Jiphata jahi, ji mua kuata ku miẋima ienu?

Nzuá 17:24

Tata iami! Nga mesena enhó oso ua ngi bhana-nâ, a kale ni eme koko kuoso ku ngà kala. Nga mesena kuila a mone kijingu kiami ki ua ngi bhana, kuma eie ua ngi zola tunde ʼbhuoso bhaná, mu ngongo kiluua mu kala dimatekenu diê.

Nzuá 5:42

Eme nga mono kuma, Nzambi ki mua mu zolo mu kidi moxi dienu.

Loma 16:26

Maji mu kindalʼ iki, o kijinganuʼ okio kiòtukulule mu Mikanda ia soneka o Jipolofeta. O Nzambi ua kaiela-ku, iú ua tumu kuila a kʼijidise mu miji ioso, phala athu oso a xikane, nʼ a ki tumake.

I Kolindo 3:20

O bhuamukuâ, exi: Ngana uejiia kuila o ixinganeku ia jinjimu iala kingoho.

Matendelelu 31:21

Kioso-phe kia-nda ku a tula o nzungule ia mavuua ma hadi ni mbùnda, o mukumbi iú uene ua-nda ku ngi kala mbangi iami, uixi: Mua bele; mukonda ka-nda kutena ku u jimba, ua-nda kuxalela mu kanu dia mbutu iâ; kuma eme ngʼejiia kiambote o ilunji iâ, iala ku di funina kiá lelu, sumbala kiluua ngʼa tula mʼoxi i nga a lokela.

Jihebeleu 4:12

Kuma o kizuelu kia Nzambi kima kia muenhu, ki ala ni kutena. Kia beta kutua o xibhata ia mazu a iadi ndenge. O kubatula kuê, ki sesa ni muenhu, ni nzumbi, ni masokuelu, ni uongo ua ifuba. Ki tungula ni jivondadi, ni mabanzelu ma miẋima ia athu.

Dijingunuinu 11:15

Anju ia kasambuadi anga u xika o koloneta iê. Hé kukala mazui a makota mu diulu, exi: Kiki o Utuminu ua jixi mu ngongo, ua biluka Utuminu ua Ngana ietu, ni ua Kristu iê. Muène kiá ua kà tumina katé ku hàdia ni hàdia!

Dijingunuinu 2:13

Nga ku ijiia bhu ua tungu. Bhene bhuala o kiandu kia Satana. Eie-phe dijina diami ua di jijila, kua ngi di tunu o kixikanu kiami, né mu izuua ia Antipa mbangi iami, fiiele iami, a mu jibhila muʼaxaxe kenu bhenhobho bhua tungu Satana.

Dijingunuinu 2:2

Nga ku ijiia ima i uene kubhanga. Nga ku ijiia ue o kukalakala kué ni kukolokota kué ku uene na-ku. Ngejiia ue kuma akua phulu kutena ku a ehela, o ió a dʼixana jipoxolo, manhi ene ki jipoxolo, eie ua a lola, ua a mono makutu.

Dijingunuinu 2:9

Nga ku ijiia o hadi ié i uene kutala. Ngejiia ue o uadiama ué u uala na-u, maji ni kidi eie uala-phe u mvuama! Ngejiia ni kuxinga kua ió oso ambe exi tu Jijudé, manhi ki Jijudé, maji ene ala kibuka kia tokala Satana!