Izaía 66:15 - O Mikanda Ikola

¹⁵ Mbata, talesa-ze, Jihova ua-nda kuijiia mu túbhia; o makalu mê mu kuenda mukuâ ni kitembu kia kita-phe-phe nʼa kà bilula njinda iê anga i uama, o kibazu kiê milengo ia túbhia.

Izaía 66:15 ပူးပေါင်းရင်းမြစ်များ

Jisálamu 11:6

Enhó a bhumu hinu u a nokesa mvula ia makala ku thandu diâ, ni túbhia ni xofidi, kumoxi ni kitembu kia kibhungu kia dikota; ene o mahitula a a lungila mu nganza iâ;

Jisálamu 18:9

Diulu ua di bheteka iu ua tuluka; o bhoxi dia inama iê kitombe kʼila muene bui.

Jisálamu 21:9

U a oha kala mu forno iakusuka ni túbhia, kizuua ki u a tukulukila; Jihova hinu u a minha ni kutema kuê, a kà jikinina mu túbhia.

Jisálamu 50:3

Nzambi ietu iú uiza, ka xikina kudixibha; ku pholo iê túbhia tuia ni kuaúla, mu jimbandu jê uenda ni kibhûngu kiavulu.

Jisálamu 68:17

Makalu a Nzambi a ita makuinhi aiadi a midi, ni jimidi ja jimidi ja ndumba; o Ngana uala muʼaxaxi kâ, mukuâ ni mú Sinai, o kididi kiê kia isuma!

Jisálamu 97:3

Ku pholo Iê ku tuamena túbhia, o jinguma jê ji jokotela mu jimbandu.

Izaía 10:17

Mbata mukengeji ua Izalaiele ua kà di bhanga kala túbhia, Dilemba diâ, ukituka mulengo, uene uximika hé u jikinisa o misonge iê ni ivunda iê mu kumbi dimoxi.

Izaía 26:11

Jihova, tata! Sumbala lukuaku lué lua zangalala muene, maji ene hanji a tokoka ku lu mona! Maji-phe, a kà lu mona anga adiuana, mukonda dia muanu u ua kuatela o mundu ué; o túbhia-phe hádia tua kà buikisa o jinguma jé.

Izaía 30:30

Jihova ua kʼèvisa o fuma ia dízui diê, anga ua kà bhangesa kutala kia tulula o lukuaku luê ni kutemanana ni njinda, ni mulengo ua túbhia tuê tu buikisa, ni jinzaji ni dilúviu ni matadi ma mvula.

Izaía 30:33

Kuma Tofete a i iudika kiá, tunde mazá; xi, a i iudikila sobha; a i zongolola, a i kudisa; o sáma iê túbhia mu túbhia, o jihunhi jivula jala-mu; o muha ua Jihova ua kà uama kala muxónge ua xofidi.

Izaía 31:9

Muene ua kà di-texila ku ndanji iê ia dilengelu, maji iene ka kà i mona mukonda dia uoma; o ilamba iê ia kà bhondalala ni uoma, kia kà mona mvela: Kiene kiʼambe Jihova, mukua túbhia tuene mu Ziione, ni dijiku diê mu Jeluzaleme.

Izaía 5:25

Ki kia bhangesa o njinda ia Jihova ku uama ku thandu dia mundu uê, iú ua sunununa lukuaku luê, iú ua a bhana kaxitiku, katé ni milundu ia teketa; o imbi iâ iedile kala maxita muʼaxaxi ka nzunga; ku thandu dia iosuʼiii, njinda iê ki ia suku, maji lukuaku luê hanji ua luʼoleka.

Izaía 5:28

O matoma ma mifula iâ, ma kà songoloka, ni mifula iâ ioso, muene, iolama; o ikoto ia jikabalu jâ, ufika kala ʼtadi dia holototo, o malola ma makalu mâ malenga mukua ni ngumba ia kitumba.

Izaía 51:20

O anʼéambuka kiá, usanga a tandelela mu mabokuenu ma jinjila joso, edi kala jisoko jafu mu uanda; a bhondalala, ni kutema kua Jihova, ni kibazu kia a bazela Nzambi ié.

Jelemiia 25:37

Mbata ilunga iâ ia uembu a-nda ku i sengulula mukonda dia kutema kua njinda ia Jihova;

Jelemiia 4:13

Talesa, muene ua-nda kuiza ni kubanda mukua ni matuta, ni makalu mê mukua ni ngûngu; ʼkabalu jê mu sangama jiholokoko ndenge ku lusolo. Kokolo dietu, etu tua buikʼó!

Jelemiia 4:3

Mbata Jihova uambela mala ma Juda ni Jeluzaleme, kiki: Dimenu mavu enu a maxinde, ki mu kune jimbutu jenu mu minha.

Jelemiia 46:15

Kia bhiti kiebhi mazonda mé oso a a te bhoxi? A lémbua kuimana mukonda Jihova muene ua a tolojola.

Izekiiele 38:17

O Jihova Nzambi, uambe kiki: Eie kʼeie-muène ió nga mu tange mu izuua iókulu, ku ukunji ua abhikʼami, o jipolofeta ja Izalaiele, ió a tange o upolofeta mu ndumba dia mivu mu izuuʼomo, ngixi, nga-nda ku ku bheka mu kuzoka-nâ?

Izekiiele 5:15

O kusebuluka kué ni fuma iaiibha i ua-nda kukala na-iu, i di-bhanga disá ni kisuma ki bhekela kukakuka ku miji iengi iala mu jimbandu jé, kioso eme ki nga-nda kubhitisa o mabatuilu mami ni njinda, ni kutema ni jikaxitiku ja nguzu. Eme-muène, Jihova nga zuela.

Daniiele 11:40

O kia kà bhua o jithembu-phe, sobha ia ku sulu ua kà lua-nê, o sobha ia ku suku ue ua kà di lukula mukuâ ni kibhungu mu kúlua-nê ni makalu, ni akua jimonde, ni jinaviiu jandumba. Muenhú u bokona mu jixi u di-zanza momo mukua ni ngiji iezala, anga u somboka.

Daniiele 7:10

Bhu pholo iê bhu kunguluka ngiji ia túbhia. Jimidi ja jimidi ja kuata ku mu xibhidila, jifuku ni jifuku jemana bhu pholo iê. Kufundisa kueza-bhu, madivulu a ma jikula.

Hozeia 8:7

Kuma a kunu kitembue, ia a-nda kumuna kibhungu; ki bhuala díbhia dia kumuna; o iangu ia hatu ki i tena kutunda fuba, lémbua; né i bhana fuba, a kà i dia kuala athu akua jixi jengi.

Amoji 7:4

Jihova Nzambi anga u ngi londekeza dingi kiki: Talesa, ngi mona Jihova Nzambi iú handekela, uala kuixana túbhia phala ni tu mu batuila milonga ioso; tuene anga tu jikinisa o kidikungu kia dikota, anga tu sota kujikinisa ue o mikáu ia undundu uangene ua Jihova.

Nahumu 1:6

Nanhi ua kèmana bhu pholo ia njinda iê? Nanhi ua kà kolokota mu kutema kua njinda iê? Kutema kuê kala túbhia tua muzukuta, o matadi moso muene u a lundumuna.

Habakuke 3:8

O kuila, eie Ngana, ua thathamena o jingiji? Mba o jihonga jʼòfele ji ua thathamena, inga o musanza ua kalunga u ua temena, phala eie uendele kiki ku thanduʼa jikabalu jé ku ua mondala ni kuthanduʼa makalu mé ma kutoluela ita.

Zakadiia 6:1

Lua mukuá dingi, ngi zangula mesuʼami mu kutala, ngi mona makalu a uana, a tundu bhu kaxi ka milundu i iadi; o milundu ienʼiii, milundu ia utadi ua ngòndo.

Matesu 22:7

Sobha anga njinda i mu kuata; u katula ita iê, ijibhangangʼoio anga u i buikisa, mabhata mâ u ma ta mu túbhia.

Matendelelu 28:20

Jihova ua kà ku tumikisa mázui ni lusébu ni kubhondalala ku ima i u bhanga, o ku ua kà sukʼoko usekumuka muene, anga utukumuka uajimi o mbutu mu kathembu kófele ngó, mukonda ua di bhange phulu mu ku ngi ta dikunda ni ikalakalu ié ia iibha i uala kubhanga.

II Phetele 3:7

O maulu kiki ala-ku, ni oxi-phe, mu kizuelu kiene kimoxi kia Nzambi, ia xikamena tubhia. A i bhake katé bhu Kizuua kia Kufundisa, kia kubuikisa athu abhumu.