Izaía 66:1 - O Mikanda Ikola

¹ Jihova uambe kiki: O diulu kiandu kiami, oxi kibhuna kia inama iami; enu mu ngi tungila onzo ia kidifua kiahi? Kididi ki kuebhi ki ngi nhohena?

Izaía 66:1 ပူးပေါင်းရင်းမြစ်များ

I Jisobha 8:27

Maji, ku kidi-phe, Nzambi mbé u tunga mu ngongo? Eie ua lembela maúlu, ni diulu dia maúlu, ku tena kusoka-ku, kuambe dingi o inzo iii i nga ku tungila eme!

I Malunda 28:2

Sobha Davidi anga uimana, uixi: Ngʼivienu, phange jami, ni enu mu mundu uami. Mu muẋima uami nga tele kikutu kia kutunga inzo ia dinhohenu phala o Álaka ia Kikutu kia Jihova, i kale kibaka kia inama phala Nzambi ietu. Eme-eme nga lùngu o ima ioso phala ku i tunga.

II Malunda 2:5

O inzu-phe i nga-nda kutunga, ia-ndu kala ia dikota, mbata o Nzambi ietu Munéne o jinzambi joso ndenge.

II Malunda 6:18

O kuila ni kidi kiene, Nzambi u tunga ni athu mu ngongo? Tala-ze o diulu ni diulu dia madiulu dia lémbua ku ku kondeka, kuila eie u soka-ku, kuambe dingi o inzu iii i nga ku tungila?

Jisálamu 11:4

Jihova-phe uala hanji mu Tembulu ie ikôla; Jihova kiandu kiê kia xikama ku diulu; mesuʼê a tono muene ni kengelela, o ibhebhetela iê iala mù tonginina kiambote anʼatu mu ngongo.

Jisálamu 132:7

Tu bokone mu balaka ia Ngana, tu bheze bhu bangu ia inama iê.

Jisálamu 99:9

Jingisenu Jihova, Nzambi ietu, mu diundilienu bhu mulundu uê uangene; kuma Jihova, Nzambi ietu, ukôla.

Izaía 57:15

Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Izaía 60:13

O kutunzama kuoso kua Libano kua kèza kokué, ni faia, ni pinho ni buxo bhuamoxi, phala kukembesa o kididi kiami kia dibhezelu; eme-phe o kididi kia kutula inama iami nga kà ki jingisa.

Jelemiia 23:24

Jihova uixi: Saiku muthu u suama muene mu masuamenu, eme hé ngi lémbua ku mu mona? Manhi eme ki ngiʼzala mu diulu ni mu ngongo? Jihova ua ki tange.

Malakiia 1:11

Kuma tunde bhu tundila dikumbi katé bhu di fuila, o Dijina diami dia kà kala kima kionéne ku miji ioso. Mu ididi ioso Dijina diami a kà di ohela uasu ua dizumba ni ku di bhela jisata ni maujitu mazele kiambote. Mukonda Dijina diami dionéne mu miji ioso. Kiene kia tange Jihova dia Ifuẋi.

Matesu 12:6

Ngi mi ambela-phe, kuila bhenhabha sai-bhu ua tundu o Tembulu.

Matesu 24:2

Muène-phe u a kumbulula, uixi: Ima ioso iíi mua i mono, kuambe? Kidi kiene ngi mi ambela, bhenhabha ni ditadi dimoxi ngó hinu ki di xala-bhu ku thandu dia mukuá, dià kamba ku di lundumuna.

Jipoxolo 17:24

Nzambi i tena kubhanga oxi, ni ioso ialamu, muene kuma Ngana ia diulu ni oxi, ka tena kutunga mu jitembulu jokalakale ni maku.