Izaía 65:9 - O Mikanda Ikola

⁹ Nga ká sokolola mbutu mua Jakobo, o mua Juda nga kà tungula-mu mulundudi, muene u tambula konda ia milundu iami; jithungunu jami a kà lundula oxi, jiselevende jami muene mu a kà tunga.

Izaía 65:9 ပူးပေါင်းရင်းမြစ်များ

Izaía 27:6

Bhua kèza izuua ia kuila Jakobo u ta jindanji, o Izalaiele ua kà sabhuluka u fuafua anga u bhana itulu ni ibundu; enhá anga a kèzalesa oxi ioso ni ibundu, kulu dia mundu.

Izaía 30:19

Mbata athu a kà tunga muene mu Ziione, mu Jeluzaleme; kua kà dila dingi, kana; kidi kiene, Muene ua kà ku kuatela henda, kabasa eie udikola, o muene kia ku ivua dízui, uà kuitaia.

Izaía 32:18

O athu ami anga a kà tunga mu diembu dia batama, ni mu madiembu a kondama, ni mu ididi ia tululuka ia kunhoha.

Izaía 45:19

Eme ki nga tela maka mu kasuekele, ki nga zuelela koxi a mavu kua vundu, kana; ki nga tangela mbutu ia Jakobo, ngixi: Ngi sotienunu mu kingoho; eme ngi Jihova ngi tanga o kidi, ngi boka ima iaiuka.

Izaía 45:25

Mbutu-phe ia Izalaiele ia kà lungila mua Jihova, ia kà bhandulukila kua muene.

Izaía 49:8

Jihova ua zuela kiki: Sai thembu ia tokala i nga kuividila, sai kizuua kia kubhuluka ki nga ku kudila, nga-nda ku ku langa, nga-nda ku ku bhanga u kikutu kia mundu, phala u bhangulule oxi, maubhinganu ma buikisile u ma bheka dingi bhu maku ma athu oso ma a tokala.

Izaía 57:13

O ki u dikola, ngiia: o akuenu u ua bhongolola ió, a ku kudile-ze; maji kitembu kia-nda ku a phephulula ene oso, o izala ia-nda ku a hungumuna; maji uoso ua ngi dielela eme, muene ua kà vua oxi, ulundula mulundu uami uangene.

Izaía 60:21

Ene oso ku mundu ué a kà kala athu aiuka; ene a kà lundula oxi katé ku hádia ni hádia; a kà kala thangu ja ubhe ji nga phaphe eme, kikalakalu kia maku mami, phala eme a ngi ximane.

Izaía 65:15

Mua kà xisa o majina menu kuma dilebhu kua athuʼami ósole; Jihova Nzambi phe ua-nda ku mi jibha, anga jiselevende jê u a luka kiá dijina diengi.

Izaía 65:22

Ene ka kà tunga phala akuâ engi kukala-mu; ka kà phapha phala athu engi ku i dia; mbata o izuua ia mundu uami ia kà soka ni izuua ia ukudilu ua muxi, ni athuʼami òsole a kà kemba ni ikalakalu ia maku mâ katé mu ukukilu.

Izekiiele 36:24

Hé nga kà mi katula muʼaxaxe ka akua jixi, ni ngi mi bhongolola ku jixi joso, anga ngi mi bheka dingi mʼoxi ienu.

Sofoniia 3:20

Mu izuua ienhoio nga kà mi vutula dingi, anga ngi mi bhongolola; ni kidi muene, eme nga ka mi bhana dijina ni diximanu muʼaxaxi ka mundu uoso mu ngongo, kioso ki nga-nda kuendesa mu kuvutula dingi o mundu uenu a kexi ku ubhika, bhu pholo ienu muene, Eme ngi Jihova nga ki ambe.

Matesu 24:22

Maji o Ngana Nzambi, izuua ienhoio ia phaxi, ua i tolesa. Mbata o izuua ienhoio, se a kamba ku i tolesa, kana xitu i bhuluka. Maji mukonda-phe dia akua Nzambi ósole, izuʼuoio a kà i fikisa.

Loma 11:28

Jijudé a di tunu o Njimbu Iambote, iá a di bhange jinguma ja Nzambi mukonda dienu-enu. Maji o ku mbandu ia ku a tungula kuala Nzambi, a di bhange makamba mê mukonda dia jitata.