Izaía 65:8 - O Mikanda Ikola

⁸ Jihova uambe kiki: Mukuâ ni mu kisaka kia jiʼuva kia sanga-mu o vinhu iobhe, ene kuila, exi: Ku i zange, kuma muenhomo muala kubhanduluka; kiene ue ki nga-nda kubhanga mukonda dia henda ia jiselevende jami, phala ki ngʼa jikinise ene oso.

Izaía 65:8 ပူးပေါင်းရင်းမြစ်များ

Dimatekenu 18:26

Jihova anga u zuela, uixi: Se nga sange mu Sodoma makuinhi atanu a muthu a iuka dibhata dioso ngi di eha mukonda dia iá aiuka ala-mu.

Izaía 1:9

Se o Jihova dia Ilombo Ieta ua kambele ku tu xila tumbalu-mbalu, eji ku tu buikisa kala Sodoma, tueji ku di fuangana ni Ngomola.

Izaía 10:21

O masúbhu ma kà biluka; kiene muene, o masúbhu ma Jakobo ma kà biluka kua Nzambi ia Nguzu.

Izaía 10:22

Mbata, eie Izalaiele, o mundu ué né-mbe u vula kala kisekele kia kalunga, tumbalumbalu ngó tua kà biluka mu kudiela, kuma kibuika a ki xindi kiá, kiezala, kia ẋamuka ni kubatula mu kidi.

Izaía 48:9

Mukonda-phe dia dijina diami, o njinda iami nga-nda ku i kokolokesa, mukonda dia diximanu diami, nga-nda ku ku lendukila, phala ki ngize mu ku ku katula.

Izaía 6:13

Maji se mbandu ia kakuinhi i subhuka-mu, a kà i buikisʼé dingi; mukuá ni mukaluvádiu, mba muzinhela, kioso ki i lalumuka mafe, hanji uemanʼé; kiene ue, o mbutu ikôla.

Jelemiia 30:11

Mbata eme ngala kumoxi nʼeie, phala ku ku bhulula, Jihova ua ki tange; mukonda miji ioso mu nga ku muangena, nga-nda ku a bhana o zubhilu diâ; maji eie-phe, ki nga-nda ku ku zubhidisa, suke nga-nda ku ku bhana ue kaxtiku ké mu kizongelu kia fuama, kuma eie muene ue, ki ngi ku mono ni kukala kidi u muthu ua bene.

Jouele 2:14

Nanhi ua kijiia kuila muene ualulukê nʼa diela, phala kuema diê nʼa kʼàxa-ku kizediuise mu mibhaku ia makúdia ni makúnua phala Jihova Nzambi ienu?

Matesu 24:22

Maji o Ngana Nzambi, izuua ienhoio ia phaxi, ua i tolesa. Mbata o izuua ienhoio, se a kamba ku i tolesa, kana xitu i bhuluka. Maji mukonda-phe dia akua Nzambi ósole, izuʼuoio a kà i fikisa.

Marku 13:20

Ngana se ua kambele kufikisa izuuʼ oio, kana xitu ieji kubhuluka. Maji mukonda-phe dia athuʼê angene a Nzambi, a solo muene phala ku a bhulula, izuua ienhoio a i fikisa kia.