Izaía 65:7 - O Mikanda Ikola

⁷ Jihova uambe: O ikuma ienu, ni ikuma ia jitata jenu bhamoxi, a kexe mu kuoha o fumasa ku milundu, anga a ngi ẋonguena ku tuthuthulundu; kienhiki ngi vutukila ku a zongela o futu ia ikalakalu iâ iòkulu anga ngʼa lukuila-iu bhu homba iâ.

Izaía 65:7 ပူးပေါင်းရင်းမြစ်များ

I Jisobha 22:43

Jozafate anga uendela muene mu njila joso ja tatʼâ Aza, ka ji bhambukile né ngó; hé u kala mu kubhanga jinga kiaiukila ku mesu ma Ngana.

I Jisobha 22:44

Inda o ididi-ku ia matala kʼa i katuile luua; athu hanji a kexi kusatela ni kuohela uasu ua dizumba mu ididi ia matala ienhoio.

II Jisobha 12:3

Inda ngó o matala ka ma katuile; mukonda hanji o mundu a kexile mu ku bhela jisata ni kuoha uasu ua dizumba bhu ididi ia dileka.

II Jisobha 14:4

Inda kia ngoho o matala ka ma katuile; mbata o mundu ua bhela jinga hanji o jisata ni kuoha o uasu ua dizumba bhu ididi ia dileka.

II Jisobha 15:35

Inda ngoho o matala ka a katula; mukonda o athu hanji a kexi mu kusatela bhu ididi ia di leka ni kuoha o uasu ua dizumba; muenʼiú ua tungu o dibhitu dia thandu dia inzu ia Jihova.

II Jisobha 16:4

Ua bhana ue jisata ni kuohela o uasu ua dizumba ku matala ni ku tumilundu ni bhoxi dia ixina ia miẋi ioso ia di zandela.

II Malunda 21:11

Iu ua bhange ue matala mu milundu ia Juda; ua bhangesa akua Jeluzaleme kutondala ni akua Juda ua a bhangesa kukaiela kienhiki.

Makatukilu 20:5

Kana ku i fukamena, kana ku i bheza; kuma eme Jihova, Nzambi ié, ngʼene ngi Nzambi ia difuba; ana ngʼa a bhesa kaxtiku mu ituxi ia jitata, katé ku mululu ni ku muláula ua iá a ngi zemba,

Izaía 10:12

Mukonda dia kienhiki, kia kà bhita-phe kuila: Kioso Jihova kia kà zubha o kikalakalu kiê kioso ku mulundu ua Ziione, ni mu Jeluzaleme, kiene ki nga kà futa o kibundu kia muẋima ua di-zangeleka ua sobha ia Asídia, ni ku di mona o kukula kinène ku mesu mê muene-muène.

Izaía 13:11

Kuma nga kèza kufuta o phulu ia mundu, akuaphulu nga kà a futa kikuma kiâ; akua kudikaka nga kà a bhuisa o izala; o ingulungumba ukumbu uâ ua kà bhua.

Izaía 22:14

Maji Jihova dia Ilômbo Ieta ua ngʼivisa-kiu mu mátui, uixi: Kikuma kiki, kana, ki nga-nda ku mi loloka-kiu, katé ki ki mi-dia muene o muenhu, eme Ngana, Jihova dia Ilombo Ieta, nga ki tange.

Izaía 26:21

Mbata, tala-ze, Jihova ua kà tunda bhu kididi kiê, nda uiza kubhana o njumbu ku iá a tunga mu ngongo, mukonda dia ikuma iâ; o ixi ia kà tukulula manhinga mâ, ki ia kà sueka dingi ió oso a a jibha.

Izaía 28:21

Mbata Jihova ua kà balumuka kala ku mulundu ua Pelazime, anga ua kà thathamana kala kia bhangele mu dikôlo dia Ngibiione, phala kubhanga kikalakalu kiê, kia di tungula kene kuvudila ku ki bhanga, phala kuzubha o kibhangelu kiê kiokio kene ku vudila ku ki bhanga.

Izaía 29:14

Uila kiki, eme hanji ngi kolokota ni kukalakala kima kia madiuanu muʼaxaxi ka mundu iú; ngi bhanga kisunji nda adiuane, kuma o unjimu ua jinjimu jâ, ua kà jikinina, o kuijiia kua jingânji jâ kua kà suama.

Izaía 3:11

Mukua phulu-phe, lamba diê, ua-nda kutala hadi; mbata a-nda ku mu vutuila kioso kia tokala mu ikalakala ia muku mê.

Izaía 30:13

Kala kiki, o phulu ia kà mi zenzamena mukuâ ni kipena kia lumbu kia zendalala, kia bhana kiá mulumba, o mu ku lundumuka kia kà mi tukumuisa.

Izaía 30:14

Jihova ua kà a sasula kala ombia ia mavu, kioso kia a bula a sasaka muene; ki bhuà kala dingi kavumbi; o mu ienga iê ki mua kà kala ngó kimoxi ki uabha kunomuena túbhia bhu jiku mba kuvuotela menha bhu fiẋi.

Izaía 57:12

Eme nga-nda kutadika kuiuka kué, ni ikalakalu ié ia kingoho ki ia-nda ku ku bhandulula ni kima.

Izaía 57:7

Muanza ué kaxi ua u zale bhu thalʼa milundu ia di-leka; kuene ku uene kubanda mu bhana o jisata.

Izaía 59:18

Kioso kia tokala mu ikalakalu iâ, kiene kia kà a vutuila muene, … ulundulula ngânji kua iá a mu kuatela luma, u bhana futu ku jinguma jê; o ikolo ua kà i bhana ue o futu iâ.

Izaía 65:6

Tala-ze, kienhiki kiosoneke bhu pholo iami; ki nga-nda ku di xibha; maji ene nga kà a futa, kidi muene nga kà a bhana o kisakidilu bhu homba iâ.

Izaía 66:4

Eme uami nga kà a solela lusebu phala ene, ima ia a kuata uoma iene i nga kà a bhekela ku thandu diâ; mbata kioso ki ngʼexana, né-ku uetaia; o ki nga zuela, ki bhuala ua ngʼivu; inda, a bhange phulu ku mesu mami, a solo ima i nga di-zemba na-iu.

Jelemiia 13:25

Jihova uambe: Ioso nzongo i nga-nda ku ku zongela eme, diene o dikanda dié; oko ua ngi jimbi eme, eie ua dielela ku makutu.

Jelemiia 13:27

Isunji ié nga i mono, ni jiphanda jé, ni kuzuluma kué kala kabalu, ni undumbu ué ua vulu kinéne u ua bhangela ku milundu mu mukáu; Jeluzaleme, lamba dié! Abha ngué ku di zelesa? Ukala kienhokio ʼté bhebhi, tata?

Jelemiia 16:18

Kima kia dianga nga-nda kua bhana futu luiadi mu kuiibha kuâ ni kituxi kiâ, mukonda oxi iami a i kasanesa ni imbi ia ima iâ iaiibha kinéne i kuatesa fuokoso, ni undundu uami a uizalesa ni isunji iâ.

Jelemiia 5:29

Manhi ima iii ngeji ku i talela ngó, se ku i bhesa kaxtiku, Jihova ua ki tange; mbé o muenhu uami u kamba kuvutula phonzo muiji kala iú?

Jelemiia 5:9

Manhi ima kala iii ngeji ku i talela ngó, sè ku i bhesa kaxtiku, eme ngi Jihova? inga muenhu uami u kamba kuzoka ni muiji u kala kiki?

Izekiiele 18:6

u fula kudila jisata ja iteka ku milundu, mba kubhetula mesu mê ku mahamba ma dibhata dia Izalaiele, ka xikina kukasanesa muhatuʼa mukuá, mba ku di takanesa ni muhatu uala mu ijila ié;

Daniiele 9:8

Jihova, tata, pholo ia tu sonoka ni jisonhi, maji kia tu fuama, nʼetu ni jisobha jetu, ni ilamba ietu, ni jitata jetu, mukonda tua ku te kituxi.

Hozeia 11:2

Uila Eme ki nga jiji ni ku a exana, ene uâ kiene kia kuata kuendelela dingi ni kusondoloka bhu mbandu iami; a bhakula jisata ku jibaale, oha uasu ua dizumba ku iteka ia kusonga.

Hozeia 2:13

O izuua ia bheza jinga Baale, nganda ku mu bhela-iu muene o kastiku kê, kia kexe ku mu bhangela o dixi dia dizumba, ni ku mu kembela ni jibixa ni malenge moso, hé uia ni kukaiela o jisaii jê, iu ua ngi landuka jinga, eme ngi Jihova.

Ijila 26:39

Akuenu oso asubhúka-ku, kikote kia kà a hohesa mu jixi joso ja jinguma jenu, kia kà banza o ituxi iâ, o kia ta-ku o dibuaha dia ikuma ia jitata jâ, muthu iu bhele ngohʼú.

Dialuilu 32:14

Ua mono-phe, enu mua kudila bhu kididi kia jitata jenu, mu mbutu ia abhukumuki, muandala mu bandekeza dingi, ku njinda ia Jihova ia kuatela Izalaiele.

Luka 6:38

Bhanenu akuenu, enu uenu Nzambi a mi bhane. Kienhiki-phe Nzambi ua-nda ku mi bhana kizongelu kiambote, kiòbate, kiòsakese, kia ẋamuka, a mi bhana bhu homba ienu. Mukonda ioso o nzôngo i mua zongela akuenu, iene ue Nzambi ia mi zongela enuʼenu.

I Tesalonika 2:16

Etu tuandala tu zuela ni akua jixi jengi, phala a bhuluke, maji ene a tu kidika. Mu kubhanga kiki-phe, hanji a kuata kutenesa o konda ia ituxi iâ iene mù ta. Maji-phe kindala kua a tulukila o njinda ia Nzambi, katé bhu mbambe ku thandu diâ!