Izaía 65:6 - O Mikanda Ikola

⁶ Tala-ze, kienhiki kiosoneke bhu pholo iami; ki nga-nda ku di xibha; maji ene nga kà a futa, kidi muene nga kà a bhana o kisakidilu bhu homba iâ.

Izaía 65:6 ပူးပေါင်းရင်းမြစ်များ

Jisálamu 107:17

Sai amoxi-mu, mukonda dia kudianguka kuâ, a kala ni mahaxi, a kata muene, a tala hadi.

Jisálamu 109:14

Jihova ende ni kuxinganeka jinga muene o kubhukumuka kua jitata jê; o kituxi kia manhʼâ ka ki jimune, lémbua!

Jisálamu 50:21

Iene ima i ua bhange iii; mukonda-phe dia kudixibha kuami, ua ngi fika ngi mukuenu, nga soko ni ki ualʼeie; maji-eme-phe ngi ku bazela, o ikuma ié ngi i ta muene ku munôno ku mesu mé.

Jisálamu 50:3

Nzambi ietu iú uiza, ka xikina kudixibha; ku pholo iê túbhia tuia ni kuaúla, mu jimbandu jê uenda ni kibhûngu kiavulu.

Jisálamu 56:8

Inhunginu iami ioso eie uaʼijiia: o masoxi mami moso, eie ua a bhake mu kisudi kié; manhi, ni mu divulu dié, kua a soneka-mu?

Jisálamu 79:12

Athu engiʼó u tua zukama-nâ a fute lusambuadi bhu homba iâ, o kusebha kuâ kua ku ku tobhesa eie u Ngana.

Makatukilu 17:14

Jihova anga u ambela Mozé, uixi: Kiki soneka-kiu, ki kale musêndu mu divulu, u ki jimbuile ue mu mátui ma Josuué; kuma Amaleke ngi mu jimisa o mbutu, bhoxi a diulu u bhua-bhu.

Izaía 26:21

Mbata, tala-ze, Jihova ua kà tunda bhu kididi kiê, nda uiza kubhana o njumbu ku iá a tunga mu ngongo, mukonda dia ikuma iâ; o ixi ia kà tukulula manhinga mâ, ki ia kà sueka dingi ió oso a a jibha.

Izaía 3:11

Mukua phulu-phe, lamba diê, ua-nda kutala hadi; mbata a-nda ku mu vutuila kioso kia tokala mu ikalakala ia muku mê.

Izaía 42:14

Muene, uixi: Nga dixibha kiá thembu ia vulu; ngʼedile hudí, nga di kondeka; maji kindala-phe ngi ta kiá mitendu kala ia muhatu uala ku isènda, ene-oso ngʼa buikisa hé ngʼa minhina kumoxi.

Izaía 59:18

Kioso kia tokala mu ikalakalu iâ, kiene kia kà a vutuila muene, … ulundulula ngânji kua iá a mu kuatela luma, u bhana futu ku jinguma jê; o ikolo ua kà i bhana ue o futu iâ.

Izaía 64:12

Kifua, Jihova tata, mu ima iosuʼiii, hanji u di xibhʼé muene? Uilʼé muene hudí, anga u tu tatesa kiosuʼiki?

Izaía 66:6

Mu mbanza mumu mua-nda kutunda dízui dia kibulukutu, mu Tembulu mu di tunda, diene dízui dia Jihova, dia-nda ku bhana futu ku jinguma jê.

Jelemiia 16:18

Kima kia dianga nga-nda kua bhana futu luiadi mu kuiibha kuâ ni kituxi kiâ, mukonda oxi iami a i kasanesa ni imbi ia ima iâ iaiibha kinéne i kuatesa fuokoso, ni undundu uami a uizalesa ni isunji iâ.

Izekiiele 11:21

Maji o ió ala ni muẋima ua kuenda kala kia xindi o muẋima ua ima iâ iaiibha, ni ima iâ ia isunji, eme nganda kua kà bhangesa kuila o njila jâ ji buila ku thandu dia mítue iâ, Ngana dia Jihova ua ki tange.

Izekiiele 22:31

Kiene-phe ki nga lunduluila o njinda iami ku thandu diâ; eme nga a jimi o mbutu ni túbhia tua kutema kuami; o jinjila jâ eme nga ji bhangesa muene kusonokena ku thandu dia mítue iâ, Jihova Nzambi ua ki tange.

Izekiiele 9:10

Kala kiki, eme uami ue, diesu diami ki dia-nda kukondeka muthu mba ngi kuatela henda; nga-nda kulunduluila o njila iâ ku thandu dia mítue iâ.

Jouele 3:4

Enu ue mua kuataʼhi nʼeme, enu Tilu ni Sidone, ni enu mu jimbambe joso ja ixi ia Fidíxia? Mbebhu enu muandala ku ngi tata phonzo? Kuabhu-phe, hé kiene ki mu ngi futʼokio, eme ue muʼanzanzaʼumu ngi lenguluka mu ku sonuena futu ienu bhu thala dia mítue ienu.

Malakiia 3:16

Maji kienhiki-phe akua kuxila Jihova enda ni ku di kunda-kiu mudiâ muthu ni mukuá; Jihova anga ua a suua; ua evua; anga u ki soneka mu divulu kuma dilembalelu bhu pholo iê, kua iá akua uoma uê; iá ene mu kuxila Dijina diê.

Luka 6:38

Bhanenu akuenu, enu uenu Nzambi a mi bhane. Kienhiki-phe Nzambi ua-nda ku mi bhana kizongelu kiambote, kiòbate, kiòsakese, kia ẋamuka, a mi bhana bhu homba ienu. Mukonda ioso o nzôngo i mua zongela akuenu, iene ue Nzambi ia mi zongela enuʼenu.

Matendelelu 32:34

Kʼeme muene nga kʼijiia kiasoko? Ki nga ki jika muene ni idimbu mu malundilu mami?

Dijingunuinu 20:12

Anga ngi mona ue o madifundu, makota ni jindenge, emana bhu pholo ia kiandu. Anga a jikula madivulu, ni divulu dia mukuá a di jikula, diene o divulu dia muenhu. O madifundu anga a a fundisa o ima ioso iosonèke mu madivulu, hé a a bhana kioso kia tokala mu imbamba iâ ia bhanga jinga.