Izaía 65:4 - O Mikanda Ikola

⁴ a xikama bhu jimbila, o mausuku a ma bhitila mu ididi ia tuhôio ni kúdia xitu ia ngulu, ni mizonge ia ima ia isunji ia kala na-iu mu jímbia jâ;

Izaía 65:4 ပူးပေါင်းရင်းမြစ်များ

Makatukilu 23:19

O ibundu ioso i dianga kúbhia ku ibundu ienu i tunda mu mavu, mu i bheka mʼonzo ia Jihova Nzambi ienu. Mona hombo kana ku mu lambela mu lete ia mamʼâ.

Makatukilu 34:26

Ibundu ioso i dianga kúbhia ku ibundu ienu i tunda mu mavu, mu i bheka mʼonzo ia Jihova, Nzambi ienu. Monʼa hombo kana ku mu lambela mu lete ia manhʼâ.

Izaía 66:17

Ene oso akua ku dilumba anga a di-bonzela mu mábhia, ki aia ni ku-dikaiejela mudiâ, a kuata lubhandu luâ, ni kúdia xitu ia jingulu, ni xitu iôkidike, ni mabengu; ene-oso-â a-ndu jikinina bhuamoxi, Jihova ua ki tange.

Izaía 66:3

Uoso u jibha ngombe ia sata, mukuâ ni ua jibha muthu; uoso u satela kambudi, mukuâ ni ua batula ómbua xingu; uoso u bhana mubhaku ua musa, mukuâ ni ua bhakula manhinga ma ngulu; uoso u ximika fumasa ia dizumba, mukuâ ni ua benzela dihamba. Mbata eneʼâ ue ala kusola jinjila jâ-ene, muẋima uâ ua sendukila ku ima iâ ia ufusa.

Izekiiele 4:14

Eme bhenhobho, anga ngʼila: Àhá! Jihova, Jihova, tata! Tala, muenhu uami ki u di kasanesa, mukonda nuka ngi dia kima kia di-fuila mba a ki kuata ku iama, tundeʼami undenge ʼté kindala; mba ngó xitu ia ibha i bokona mu kanu diami! Kikola!

Ijila 11:7

Ngulu ue ia uanunuka kikoto, o mbatu iê ia uanuna o kikoto mu mbandu jiiadi, maji ki i tena ku di andununa mu kanu; ʼió ue xitu ia musékanda.

Zakadiia 9:7

O manhinga ma jisata ja iteka nga kà a katula mu kanu dia enhâ, ni kubhanga isunji iaíibha ngi ku katula ku mazu mâ; bheneʼobho muene ue ua kà xala kala kisubhuke, kia subhuka phala Nzambi ietu; ua kà di bhanga kiá mukua dijiku dia Juda, o Ekolone uà kela kiá kala Jebuzeu.

Dialuilu 19:11

Uoso u kuata ku file ioso-ioso, mba ku kimbi kia muthu, u kasana mu sambuadi dia kizuua.

Matesu 8:28

Kia zubha kukuaka ku sámbua, kʼ oxi ia akua Ngandala, u takanesa ni mala kiiadi, ala ni madimonho. A mu tunda mu jimbila mua balukila. A saluka kinéne, kua bhingi kana muthu ua tena kubhita-bhu, bhua batukila ene.

Luka 8:27

O kia zubha ku tomboka ku kanga, u takana ni diiala dia mukua bhata kuenhoko, uala ni madimonho. O muenhú tunde okulu kiá kene kuzuata, ka kala mʼonzo, maji u kala ngó mu jimbila, bhu mbalale.

Matendelelu 14:21

Xitu ia di fuila ki mu idié; sembele ua i bhana muthu uengi, o nzuángiza, uoso ua tungu-nê mu sanzala ienu muene u i dia, mba-phe sumbisa-iu ku akua mundu; kuma eie ki ualʼokio uala u kifuẋi kiótungule phala Jihova Nzambi ié. Monʼa hombo ue kana ku mu lambela mu lete ia mamʼâ.

Matendelelu 14:3

Kana-phe kúdia jinga ima i ibhila Nzambi.

Matendelelu 14:8

O ngulu ue ki iafuama ku idia, kuma O ku batuka kikoto iú-naku, maji ki iene ku di andununa mu kanu; ió-phe iókidike, xitu iê kana ku idia, kimbi kiê kana ku ki kuata.

Matendelelu 18:11

mba mukua kubhuuíka, mba mukua kutaha ngombo ia jinzambi, mba mukua kubhanga iphata; ki mu kale ue mukua kuibhula phangu ku ma-difundu afua kiá.