Izaía 65:1 - O Mikanda Ikola

¹ A ngi sota kuala athu ka kexe mu ngʼibhula; a ngi sange kua ió ka kexi mu ngi sota; ku athu mu dijina diami ka tokalele-mu, nga a tambuijila, ngixi: eme bhabhʼú!

Izaía 65:1 ပူးပေါင်းရင်းမြစ်များ

II Samuuele 1:7

Kia sakuka u ngi mona eme, anga u ngʼixana.

Jisálamu 22:27

Katé ku maẋokololo a jixi athu a xinganeke, a vutuke kua Jihova; mbutu joso ja athu, eze a bheze bhu pholo iê.

Izaía 11:10

Kia kà kala-phe kiki, kuila, mu kizuuʼomo akua jixi a kà di ta mu kusota Lundanji lua Jese, a lu te mu ku kala mvela ia ifuẋi; o kididi kia dinhohenu diâ kia kʼèzala fuma ia tenena.

Izaía 40:9

Eie, tata u muboke-a-njimbu iambote kua Ziione, banda-phe, ku mulundu ua di leka. Eie, tata, u muboke-a-njimbu iambote kua Jeluzaleme zangumuna dízui dié ni nguzu ioso; zangula-diu muene, ku kale ni uoma, u tangele o madiembu ma Juda, uixi: Talesenu, Nzambi ienu iú bhabhʼú!

Izaía 41:27

Eme, eme-muène ngi dianga kutangela Ziione kuila: Talesa, iá bhaná; O Jeluzaleme ngi mu bhana mubokiʼa jinjimbu jambote.

Izaía 43:1

Kiki, kia zuela Jihova ua ku bhanga, eie Jakobo, tata, iu ua ku umbu, eie u Izalaiele, uexi: Ku kale ni uoma, mbata nga ku kula muene; nga ku tumbula muene mu dijina, eie u muthu uami.

Izaía 45:22

Talenu kokuami, nda mu bhuluke, enu mu masukilu oso kua sukaʼxi; mbata eme-muène ngi Nzambi, ki kuene nzambi iengi.

Izaía 55:5

Tala-ze, eie ua-nda kuixana kifuxi kua kʼijidile, ifuẋi ia kambele ku ku ijiia ia kèza malusolo kokué, mukonda dia henda ia Jihova Nzambi ié, ni ia Dilemba Dikola dia Izalaiele; kuma muene ua ku zangeleka.

Izaía 63:19

Etu tu athuʼê, tuedi-phe kala athu eie kiluua u a tumina, kala athu tundé dia tunde mu dijina dié ka tokalamu.

Hozeia 1:10

Hanji-phe, né kienhokio, o nzungule ia anʼa Izalaiele ia-nda kuvula muene mukuâ ni kisékele kia kalunga, ki ki xikina ku ki zonga mba ku ki kondala; o ku pholo ku aia, anga kia ká bhita kuila, bhuoso bhu a ambela, exi; Enu ki mu mundu uami, kana, bhenhobho bhene bhu a kà exana, exi: Enu mu anʼa Nzambi ia muenhu.

Zakadiia 2:11

Bhu kizuuʼokio miji ia ndumba ia-nda kua kà bhongolokela kua Jihova, anga a kà kala kifuẋi kiami; hé nga kà tunga muʼaxaxi kè-eie, anga ua kà kʼijiia kuila Jihova dia Ilombo muène-muene ua ngi tumikisa kokué.

Luka 13:12

Jezú kia mu mono, u mu ixana, hé u mu ambela, uixi: Muhatu, nga ku jituna ku uhaxi ué.

Nzuá 1:29

Kizuua kia kaiadi Nzuá u mona Jezú uala mù kuiza kua mùene, uixi: Talenu! Muenhó Kambudi ka Nzambi, ka katula o ituxi ia mundu!

Loma 10:20

Izaia-phe u zuela sé uôma, uixi: Nzambi a mu sange kuala athu kà kexi ku mu sota, ua tukulukila kua ió kà kexi ku mu ibhula.

Loma 9:30

O kiki-phe, tuila kiebhi? Kuma ió ki Jijudé, o akua jixi jengi, ka sotele o kulunga kua Nzambi, kulunga a ku mono, kuene-phe kua kulungila mu kuxikana.

I Phetele 2:10

Mʼokulu ki mua kexile mu mundu ua Nzambi, kiki-phe muala mu mundu uê. Mʼokulu o henda ia Nzambi ki mua ijidile luua, kiki-phe mua tambula o henda iê.