Izaía 64:7 - O Mikanda Ikola

⁷ Ki bhuala dingi u hingila o dijina diê, mba u phaphumuka nʼa kuatenene kokué; mbata eie ua tu suekela o pholo, eie ua tu bhangesa ku botomoka mukonda dia ikuma ietu.

Izaía 64:7 ပူးပေါင်းရင်းမြစ်များ

Jobe 10:9

Nga ku diondo, xinganeka kuma eie ua ngi bhange kala mavu; kindalʼiki uandala kiá ku ngi kitula ngi fufuta?

Jobe 8:4

Eie Jobe, se anʼé a te kituxi kua muene, muene ue ua a takuila bhu lukuaku lua kutondala kuâ.

Jisálamu 100:3

Ijiienu-kiu, kuma Jihova muene Nzambi; muene ua tu bhanga, muene ua tu vu; etu tu mundu uê tua mu tokala, tu jimbudi jê, muene uala ku tu inga.

Jisálamu 14:4

Ene oso-ó a kalakala ituxi, kífua a lémbua kutongolola, abhingi a dia o mundu uami, kala muthu kia dia o mbolo, ene ka moneka ngó uoma ua Nzambi?

Makatukilu 32:12

Phalahi akua Ijitu enda ni kuila, exi: Muene ua a katula phala ku a bhanga kiaiibha, mbé ku a jibhila mu milundu, ni ku a jimisa o mbutu mu ngongo? Bhomba muxima, u bateke njinda ié ia uama, u diele ku kaxtiku koso ku uambe kubhana o mundu ué.

Izaía 1:15

Uila kiki, kioso ki mú sunununa o maku menu mu kusamba, mesu mami, kokuenu, ngi ma sueka; xi, kioso ki mu vudisa o misambu ienu eme ki ngi ivu, mukonda o makuʼenu ezala manhinga.

Izaía 27:5

Mba bhu kala uoso u ngi-bua o jinguzu, u bhanga paze nʼeme; kiene muene, ió muene u di tambulula nʼeme.

Izaía 45:9

Lamba dia muthu uzoka ni uoso ua mu bhanga; o kienga mu kaxi ka ienga ia mavu! manhi utuma utena kuambela ngûmbi iê, uixi: Ua mu bhangaʼhi? mba kima ki ua bhange ki kuila: eie kuala ni maku?

Izaía 50:2

Mukonda diahi, kioso ki ngeza, ki ku moneka muthu? ngʼexana, ki bhuala muthu uetaia? mbé lukuaku luami lua kotanana kiavulu, lú lua lémbua kukula muthu? Inga momuami kana-mu dingi nguzu ia kubhulula? tala-ze, eme se ngi bazela lumoxi ngó, Musanza ua kalunga u kukuta, jingiji jithothuena kala oxi ia kisèkele, anga jimbiji jê ji nuha kibuzu, kuma se ja lémbua menha ji di-fuila ni dinhota.

Izaía 54:8

Mu kutema kuavulu nga ku suekela pholo iami mu kathangana kòfele; maji nga-nda ku ku lendukila ni henda ki iene kúbhua; kiene kia zuela Jihova, Mukudi ué.

Izaía 56:4

Mbata Jihova uambe: Jingolambole joso, jene kualuka jisabhalu jami, anga a tungula ioso ia ngi uabhela eme, nʼa tambulula kikutu kiami ni vondadi.

Izaía 57:17

Njinda ia ngi kuatele mukonda dia usuéia ua unjenje uâ anga ngʼa beta; kuma kia ngi kuata o kutema, pholo nga i sueka; maji ene, hanji-phe, mu kubhukumuka kuâ, akaiela njila ia muẋima uâ.

Izaía 59:16

O kia mono kana-ku muthu mukua kilunji, ua diuana-kiu kuila ki bhuala muthu ua di-tambulula ulemba; kienhiki lukuaku luê-muène lua mu bhekela ubhulukilu, kuiuka kua-muene kuene kua mu imika.

Izaía 59:2

Maji o ikuma ienu iene ia di bhange kibatulu kia xiti bhu kaxi nʼenu ni Nzambi ienu; o ituxi ienu iene ia mu vungu pholo, phala a kambe ku miʼvua.

Izaía 59:4

Ki bhuala muthu u dikola mu ku sota kulûnga, kana-bhu ue muthu u tukuluka mu kufunda phala kusota o kidi, a di-fiiala kingoho, o kuzuela kuâ o makutu; emita milonga, avuala ikuma.

Izaía 63:16

Maji-phe, eiʼeie u Tatʼetu, né-mbe hanji o Mbalahamu ka tu ijiia, o Izalaiele ue ka tu suu; Eie-phe, Ngana, u Jihova, eie muene u Tatʼetu; u Mukudi uetu tundé xahúlu, diene o dijina dié.

Jelemiia 9:7

Kala kiki, Jihova dia Ilombo Ieta uambe, uixi: Talesa-ze, eme nga-nda ku a zunza, anga nga a lola; mukonda-phe, o kilumba kia mundu uami ngeji ku bhanga-nê dingi kiebhi?

Izekiiele 22:30

Eme nga sota muthu mu kaxi kâ u tena o kuxita o kimbaka nʼa kale bhu kaxi kami ni dizungu dia budika ku kimbaka mu ixi iii, phala eme ki ngi i jikinise; maji nga mu lémbua.

Izekiiele 24:11

Kienhokio-phe, o ímbia ua kà i tula hanji ia hatu ku makala a uama túbhia, phala i teme, o ngulele iê ioso i jokote, o ima ioso ia ufusa moxi diê i sangumuke, o kifulu kiê ki bhue-mu.

Hozeia 5:15

Anga ngi katuka, hé ngi vutuka ku bhata diami, katé kia-nda kumona kuila a zange, anga a sota o pholo iami; mu kuila a bhondalala kiá, a-nda kudimeneka ku ngi sota.

Hozeia 7:14

Ene ka mu dikola ko kuami ni muẋima uâ uoso; o kiala-bhu, mikemu ia bhela bhu jihama jâ, mukonda ene a bhongolokela ngó masa ni vinhu, eme a ngi bhukumukina.

Hozeia 7:7

Ene oso a tema kala forno, a jikinisa afundixiʼâ; jisobha jâ joso ja bhuku; muaxaxi kâ ki mua moneka dingi ngó muthu umoxi u di tenda koʼkuami.

Malakiia 1:6

Mona u xila tatʼâ, o mubhika u xila nganga iê; Eme-phe, se ngi Tata, o ujitu ua ngi fuama, iú kuebhi? Se Eme ngi ngana ienu, o uoma ua ngi tokala, iú kuebhi? Eme ngi Jihova dia Ifuẋi, ngambela enu mu jinganga mua-lu dituna kuxila Dijina diami. Enu-phe muexi: Mu kima kiahi etu mu tua ditunu o kuxila Dijina dié?

Malakiia 2:10

Manhi ki tuala tu akua tatʼimoxi, etuʼene oso? Ki Nzambi imoxi muene ua tu bhanga? Phalahi-phe tuia ni ku di bhanga ufe mudietu? Phalahi akuetu tuenda-nâ ni mangonha, anga tu fukuila o kikutu kia jitata jetu?