Izaía 64:6 - O Mikanda Ikola

⁶ Kuma etu-oso tuedi kala kima kia sotama, mauiukilu metu moso medi kala dikoza diala mu nuha kibuzu; etu-oso tu lalumuka muene kala mafe ma kukuta, o ikuma ietu iala ku tu kungulula kala kitembu kia tu ambatesa.

Izaía 64:6 ပူးပေါင်းရင်းမြစ်များ

II Samuuele 22:46

Enhó akua makanga a lela kala iangu; eza ni kuteketa, a fomoka mu masuamenu mâ.

Jobe 14:4

Nanhi u katula kima kia zele, mu dixidilu? Ki bhuala muthu!

Jobe 25:4

Muthu-phe u kala kiebhi ni kuiuka bhu pholo ia Nzambi? Ió a mu vuala ku (monʼa) muhatu, u kala kiebhi ni kuzela?

Jobe 40:4

Ngana, eme nga bolo; ngi ku vutuila kima kiahi? Ku dikanu diami ngi ta-ku o lukuaku luami.

Jisálamu 1:4

Ió abhumu-phe ki kiene; maji a soka ni ibhiate i phephuluka ni kitembue.

Jisálamu 14:4

Ene oso-ó a kalakala ituxi, kífua a lémbua kutongolola, abhingi a dia o mundu uami, kala muthu kia dia o mbolo, ene ka moneka ngó uoma ua Nzambi?

Jisálamu 51:5

Tala-ze, eme a ngi vualela mu lusebu; mu ituxi kiá mua ngʼimitina mamʼetu.

Izaía 1:28

Maji atondadi, ni akua-ituxi-phe, a kà a buikisa kumoxi; ni ió oso a xisa Jihova, a kà jima mbutu.

Izaía 1:30

Mbata mua kà soka ni muxi ua mukaluvadiu uia ni ku lalumuka o mafe, makuâ ni ditutu dia kambe o menha.

Izaía 43:22

Maji-phe, Jakobo, eie kua ngi hingila, maji eie u Izalaiele ua ngi bhuidila.

Izaía 46:12

Ngivienu, enu mua kola o muẋima, enu o kuiuka kua mi kala dikanga.

Izaía 48:1

Diembu dia Jakobo, ivenukiu, enu oso a mʼixana akua Izalaiele, enu mua tunda mbutu bhu otho ia Juda, muene kulokela mu dijina dia Jihova, muene kutumbula Nzambi ia Izalaiele, maji ki muene mu ki bhanga mu kidi ni mu uiukilu.

Izaía 50:1

Jihova ua zuela kiki, uixi: Lubongo lua kusenga na-iu mamʼenu luala kuebhi, lu nga mu senga na-iu? mba mukuahi nga mu dia dikongo, o ki nga lémbua ku mu futa, eme nga mi sumbisa-ku? Talesa, ikuma ienu iene ia mi sumbisa, o itondalu ienu iene ia sengesa mamʼenu.

Izaía 50:2

Mukonda diahi, kioso ki ngeza, ki ku moneka muthu? ngʼexana, ki bhuala muthu uetaia? mbé lukuaku luami lua kotanana kiavulu, lú lua lémbua kukula muthu? Inga momuami kana-mu dingi nguzu ia kubhulula? tala-ze, eme se ngi bazela lumoxi ngó, Musanza ua kalunga u kukuta, jingiji jithothuena kala oxi ia kisèkele, anga jimbiji jê ji nuha kibuzu, kuma se ja lémbua menha ji di-fuila ni dinhota.

Izaía 53:6

Etu oso tua kexi mu kuenda kala jimbudi ja jimbidila; kala muthu u di-texila ni njila iê; maji-phe o mulonga ua tu tokala etu-oso, Jihova ua mu xina-u kiá muene ku thandu diê.

Izaía 6:5

Bheneʼobho ngixi-phe: Kokolo diami! Eme ngafu-ó! Mukonda ngi muthu nga xidi mu kanu, eme nga tunga muʼaxaxi ka mundu ua kasana o dikanu, o mesu mami ia a mono Muenexi, Jihova dia Ilômbo Ieta!

Izaía 8:17

Eme ngi dielela kua Jihova, muene ngi mu xikamena, sumbala o dibhata dia Jakobo ua a suekela o pholo.

Daniiele 9:13

Uíndua uoso uòsoneke mu ngonge ia Mozé ua tu tula muene! Maji-phe hanji tua tokoka kumbolomoka bhu pholo ia Jihova Nzambi ietu, phala ni tu biluka hé tu bhana dikunda ku ikuma ietu, anga tu kuata kudielela ku kidi kiê.

Hozeia 4:19

Kitembu kia kibhungu kia a ambatela mu mabhabha mê; jisonhi hádia ja-nda ku a kuata mukonda dia jisata jâ.

Hozeia 7:7

Ene oso a tema kala forno, a jikinisa afundixiʼâ; jisobha jâ joso ja bhuku; muaxaxi kâ ki mua moneka dingi ngó muthu umoxi u di tenda koʼkuami.

Ijila 13:12

Bhenhobho-phe, se dibhute dia tomboka mu mukutu uoso, anga kikonda kioso muene ki di minha mu dibhute, tunde ku mútue katé ku inama, kioso kia kiatena nganga o kumona, mu kutongolola kuê,

Zakadiia 3:3

O Josuué-phe, ua zuata izuatu ia xidi, uemana bhu pholo ia anju.

Loma 7:18

Kuma nga kʼ ijiia kuila moxi diami, ngambe mu xitu iami, ki mu tungu kima kia uabha. Mbata né-mbé o kusola kubhanga o ima iambote eme na-ku, maji kubhanga o ima iauabha nga ku tokoka.

Loma 7:24

Kokolo diami dia kuxixima kiki! Nanhi u ngi kudila ku mukutu iú ua mu ngi bheka mu kalunga.

Filipe 3:9

O kulunga kuami, ku ngi kala na-ku, ki ku kale kua kulungila mú kualuka o Kitumu, maji kua kulungila mù xikana Kristu, kuene o kulunga ku tunda kua Nzambi, kuijiia mu kuxikana.

Tito 3:3

Kuma mʼokulu etu-ene tua kexile, tua tobho, tua xibhaka, tua di nganala, tua bhikila maluimbi ma vula matelu, ni jihânji joso, tuende ni phulu ni dixinga, tua iibha, tua di zemba mudietu.

Dijingunuinu 7:13

Kikulakaji kimoxi, anga u ngi kumuna, uixi: Enhá, a kembe kiki ni izuatu izela, akua-hi? A tundu kuebhi?