Izaía 64:4 - O Mikanda Ikola

⁴ Mbata tundé mʼokulu kiluua a kʼivua, kiluua ki tetuluka mu mátui, kiluua mesu ue a mona Nzambi iengi, kalʼeie ngó, u Nzambi uene kukalakela uoso u kinga kua muene.

Izaía 64:4 ပူးပေါင်းရင်းမြစ်များ

Dimatekenu 49:18

Nga kinga ubhulukilu ué, u Jihova.

Ejidala 9:7

Tundé mu izuua ia jitata jetu ndú mu lelu, tuala mu kuela kua dikota; mukonda dia ikuma ietu, a tu bhakula, nʼetu, ni jisobha jetu, ni jinganga jetu bhu maku ma jisobha ja akua jixi jengi, etu tua kituka tu mbole ia xibhata, ni ubhika, ni ku tu bhûnda, ni pholo ia tu tandanganha, kala ki kia di monekena lelu!

Jisálamu 103:18

Ala na-kiu ió a kuata kualuka o kikutu kiê, ni iá a xinganeka o ijila iê nʼa i tumaka.

Jisálamu 130:5

Nga kinga Jihova; muenhu uami ua kinga ni kutala kua muene; o kizuelu kiê kiene ki nga dielela.

Jisálamu 31:19

Jimbote jé kuvula kuahi, Ngana! Ji ua lundila oso a ku kala ni uoma; ji u bhanga jinga athu oso a lengela ko kué, bhu pholo muene ia anʼaathu mu ngongo!

Jisálamu 62:1

Kidi kiene! muẋima uami ua ximbakata mu kinga Nzambi; kua muene ngó ku ngi tundila o kubhanduluka.

Izaía 25:9

Mu kizuua kiókio, a kèla: Muenhú muene Ngana, tua mu kingile; ni kutana ni kusanguluka tua kà ku muena mu ubhulukilu uê.

Izaía 30:18

Kiene-phe kia-nda ku kingila Jihova ku mi kuatela henda; kiene kianda ku mi zangumuina phala ku mi lendukila, mukonda Jihova uene Nzambi ia kutetuluka; azediua oso a kinga kua Muene.

Izaía 40:31

Maji oso a kinga kua Ngana-phe, a tambula nguzu iobhe, a di-leka ku mabhabha kala jiholokoko; alenga sé kuzônda, enda muene sé ngó kubhuila.

Izaía 59:12

Mukonda o kubhukumuka kuetu kuavulu bhu pholo ie, o ituxi ietu iene ia tu elesa; kuma itondalu ietu hanji ia tu nhenganana, o ikuma ietu tua ijiia muene kiambote.

Izaía 66:8

Kienhiki mukuahi ua ki ivile kiá? nanhi ua muene ima i kala kiki? mua fika-phe oxi ia muvimba i tena ku di-vuala mu kizuua kimoxi? kifuxi kia muvimba, a tena ku ki vuala mu kithangana kimoxi? maji Ziione uedi ngó u túla ku isènda, ua bhanduluka kiá anʼê.

Daniiele 9:15

Ni kidi kiene, Jihova, Nzambi ietu, eie muene ua katula o mundu ué kʼoxi ia Ejito, ni lukuaku lua undanda, dijina dié diʼdia fumana, katé mu kizuua kia lelu; tua te kituxi, tu akua ikuma ia phekalu!

Daniiele 9:5

etu tuate ituxi, tua bhalumuna mulonga, tua bhange kubhukumuka, tua ku balukila, o mu ijila ié tua tundumu ni mu itumu ia mabatuilu mé;

Daniiele 9:8

Jihova, tata, pholo ia tu sonoka ni jisonhi, maji kia tu fuama, nʼetu ni jisobha jetu, ni ilamba ietu, ni jitata jetu, mukonda tua ku te kituxi.

Hozeia 7:7

Ene oso a tema kala forno, a jikinisa afundixiʼâ; jisobha jâ joso ja bhuku; muaxaxi kâ ki mua moneka dingi ngó muthu umoxi u di tenda koʼkuami.

Zakadiia 10:9

Eme nga kà a muangena muaxaxe ka akua jixi, o kuenhoko, ku makanga kuaii, hanji a kà ngi banza; a kà laia ni kulonga tuana tuâ hé a kèza dingi.

Matesu 25:34

Muenexi anga uà kʼambela iá ala ku dilu diê, uixi: Zenu a mi zediuisa kuala Tata iami! Zenu mu lundule o Ungana, a mi iudikila na-u kuala Tata iami tunde ku dimatekenu dia ʼxi.

Luka 2:25

Kiki ku kala mu Jeluzaleme diiala diexana Ximinhá. Muenió muthu ua mbote, ua zola Nzambi; ua kexile ue mù kinga Kibhamuenhu kia Izalaiele, ni Nzumbi Ikôla ia mu tula ku thandu diê.

Nzuá 14:3

Se ngai, anga ngi mi iudikila kiá kididi, hádia ngiza, ngi mi tambulula ko kuami; o kuoso ku ngala eme, enu uenu kuene ku muà kala.

Loma 8:19

Kuma o ibhangelu ioso ia xibhidila ni ku kinga o kithangana kia kutukuluka kua anʼ a Nzambi.

I Kolindo 1:7

katé kana-ku dibesá di mua fulu o kutambula, kiosuʼiki mua mu kinga o kutukuluka kua Ngana ietu Jezú Kristu.

I Tesalonika 1:10

A mu tanga ni kioso enu ki mualù kinga Jezú, o Monʼa Nzambi, uanda kutunda mu diulu, ió a mu fukununa mu madifundu kuala Nzambi. Muenʼió muène u tena o ku tu bhulula ku njinda ia Nzambi hinu ianda kuiza-ku.

I Timote 3:16

Kia kidi kiene, kana muthu u tena kudituna-kiu kuila o kijingano kia ubhezelu uetu mua Nzambi kia dikota muene: Muène ua tukulukila mu kidifuanganu kia athu, o Nzumbi ia Nzambi ua mu tange kuila ualungu, o muène a mu mono kuala o ji-anju. A mu kola muʼaxaxe ka akua jixi, o mundu mu ngongo ua mu xikana, ia a mu tambula ku diulu ku ungana.

Jihebeleu 11:16

Uila kiki, o bhezabha-phe a mu sota ixi ia beta o kuuabha, o ixi ia diulu. Nzambi kiene kia mu kambesa kukala ni sonhi ia ku mu luka kuma muène Nzambi iâ-ene, mukonda muène ua a iudikila kiá dibhata.

Tiiaku 5:7

Kala kiki, kuatenu-phe kinhenge, enu jiphange, katé bhua kèjiia Ngana. Talesenu kidimakaji kioso kia kinga ibundu iambote i tunda mu mavu. Muène u i kuatela kinhenge, katé ki i nokena mvula ia kudinji ni ia kasamanu.

I Nzuá 4:10

Muenhumu mua kala o henda, mu kuila: Etu ki etu tua zola Nzambi, maji muène-ku ua tu zola, iú ua tumikisa Monʼê mu kukala kiluuluilu kia ku tu lolokesa o ituxi ietu.