Izaía 64:1 - O Mikanda Ikola

¹ Ó Ngana! Tamanu ua budile maúlu anga u tuluka, o milundu anga i di keleka mukonda dia pholo ié!

Izaía 64:1 ပူးပေါင်းရင်းမြစ်များ

Jisálamu 46:6

Matumbu edile ni ene bulukutu, o ilômbo ioso ia salumukine; maji muene uedi ngó u zuela, ixi ioso ia botomoka!

Jisálamu 68:8

Ixi i kala mu tunguta, ku diulu ku sonoka mvula, mu kumona Nzambi ua tukuluka; Sinai iú u teketa iuná mu kumona Nzambi, Nzambi ia Izalaiele.

Jisálamu 79:10

Phalahi o matumbu a kala mu kuila, exi: Nzambi iâ iú kuebhi? A vutuile o ditota dia manhinga ma ẋamuna ma jiselevende jé, o matumbu a kʼijiie, etu ue tu ki mone ni mesu.

Makatukilu 19:11

Akale plondo phala kizuua kia katatu; kuma mu kizuua kia katatu Jihova ua-ndu tuluka ku mesu a mundu uoso ku thanduʼa mulundu ua Sinai.

Makatukilu 3:8

Kala kiki, nga tuluka-phe mu ku a kudila bhu maku a akua Ijitu, ni ku a katula mʼoxi momo muala, ni ku a bheka mʼoxi iengi iauabha ia kulu, ixi i kunguluka lete ni uiki; ixi ia tungu Makanana, ni Mahiti, ni Mamodi, ni Mapelezi, ni Mahivi, ni Majebusi.

Izaía 41:15

Talesa, nga ku bhange u kivundilu kióbhe kia songoloka o jisungu; ua kà sengulula o milundu, anga u i titila, o tu thuthulundu u tu bhanga kala isaxi.

Izaía 63:15

Ividila tundé ku maúluʼoko, u tale kunu tundé bhu kididi kié kiangene bhu ua tunga. Muanu ué Ngana uala kuebhi, ni ikalakalu ia uzonda ué? o kulenduka kua muẋima ué ni jihenda jé ji kale ni eme!

Izaía 63:19

Etu tu athuʼê, tuedi-phe kala athu eie kiluua u a tumina, kala athu tundé dia tunde mu dijina dié ka tokalamu.

Amoji 9:13

Talesa-phe izuua i iza, Jihova ua ki tange, ia bhingi kuila mukua kudima u sokela ni mukua kumuna, o mukua ku kama ji-úva u sokela ni ió u kuua jimbutu; kieneʼokio milundu ia kà zunzumuka vinhu ia uisu, tuthuthulundu tuene tuoso tua kà sengumuka.

Amoji 9:5

Kuma Jihova, Jihova dia Ilômbo Ieta, Muene ngó ua bhingi kuila se oxi u i tuta ngó, iene i sengumuka, o ene oso a tungu-mu a dila jingololo ja kalunga! O ixi iene-phe ienda ni kubanda kala kihonga kionéne kia mu di bhanga masenza, hé ia kà jikinina mukua ni ngiji ia Ijitu.

Zakadiia 14:4

Mu kizuuʼokio-phe, inama iê ia kà tula ku mulundu ua Midiva, ua lulama ni Jeluzaleme ku mbandu ia Mutundila-Kumbi; o mulundu ua Midiva a kà u jikula muʼaxaxe, mbandu iii kuthunda, o mbandu ia mukuá ku luiji; kienhókio bhua kà kala dikôlo dia dikota kinéne bhuʼaxaxe; anga mbandu ia muvimba ia mulundu ia kà uanunukina ku Suku o ia mukuá ku Sulu.

Marku 1:10

Kithangana kia kala mu zauka ku menha, Jezú ua mono ku diulu kua jikuka, ni Nzumbi iedi kala diembe, iala mu tuluka ku thandu die.

Dijingunuinu 20:11

Kia bhiti imʼíii, nga mono kiandu kia dikota kizela, ni muène ua xikama-bhu. O mu kulenga pholo iê, oxi ni diulu ia jimuka, ki ia moneka dingi ku mesu.