Izaía 61:9 - O Mikanda Ikola

⁹ O mbutu iâ a kà i mona, a kà ela ngó sui, exi: ienhiʼii o mbutu ia zediuisa kua Jihova.

Izaía 61:9 ပူးပေါင်းရင်းမြစ်များ

Dimatekenu 22:18

ku mbutu ié kuene kua kà zediuila ifuẋi ioso mu ngongo; mukonda ua tumaka dízui diami.

Dimatekenu 30:27

Labano-phe, uixi: Se nga sange ngalasa ku mesuʼé, tu kadietu hanji; mukonda nga mono kuila Jihova ua ngi bhana kuzediua mukonda dié eie.

Jisálamu 115:14

Jihova a mi sokolole dingi kiavulu, ni enu ni anʼenu.

Izaía 43:5

Ku kale ni uoma-phe, kuma eme ngala bhuamoxi nʼeie; nga-nda kuia ku thunda ku takana-ku o mbutu ié, anga ngi bhita ku luiji ni ku ku ongeka.

Izaía 44:3

Mbata o uala ni dinhota nga-nda ku mu lunduluila menha, o mukáu uakukuta nga-nda ku u fuafuesa jingiji? nga-nda ku lundulula Nzumbi iami ku thanduʼa mbutu ié, luvualu lué ngi lu tuluila kubhanduluka.

Izaía 53:10

Maji kiene-phe kia uabhelele Jihova, o ku mu tutujula ni ku mu katesa; kioso o muenhu uê kia u bhanga kiamenga kia kituxi, muene ua-nda kumona o mbutu iê, ua-nda kuvula izuua ia kulaia, o kioso kia uabhela Jihova, kia kà Zediuila bhu lukuaku luê.

Izaía 65:23

Ene ue ka kà kalakala mu kingoho, ka kà vualela kibuika, kuma ene o mbutu ia athu a a zediuisa kua Jihova, ni luvualu luâ kumoxi ni ene.

Izaía 66:22

Kuma, mukuâ ni maúlu mobhe, ni oxi iobhe, i nga-nda kuiudika, a xalela bhu pholo iami, eme ngi Jihova, kiene ue kia kà xalela o mbutu ienu ni dijina dienu.

Jelemiia 31:7

Mbata Jihova uixi: Imbenu ni ngalasa kua Jakobo; tanenu mukonda dia Kitoto kia ifuẋi; tenu nzongo, imbenu diximanu, zuelenu muexi: Bhulula, Jihova, o mundu ué iá, a subhuka kua Izalaiele.

Zakadiia 8:13

Anga kia kà bhita-phe kiki, eie bhata dia Juda ni eie bhata dia Izalaiele, kuila, kala kioso ki mua kexile mu akua mázui muʼaxaxe ka miji iengi, kiene ue ki nga kà mi bhulula anga mua kà kituka dibesá muʼaxaxe kâ. Ki mu kale-phe ni uoma, maku enu a suine muene.

Malakiia 3:12

Bhenhobho akua jixi joso, a kà mʼixana kuma mua zediua; mbata enu mua-nda kala ixi ia kubhanduluka eme ngi Jihova dia Ifuẋi.

Dialuilu 22:12

Nzambi anga u ambela Balamu, uixi: Kana kuia-nâ; ni kituxi kiki kana ku a ta mázui; kuma ala ni kuzediua.

Jipoxolo 3:26

Kienʼiki, Nzambi ua solo Mubhikʼê Jezú, iu ua tuama ku mu tumikisa kokuenu, mbé o ku mi zediuisa, phala o muthu ni muthu mudienu, muène a mu ehese o muenhu ua ku ta ituxi.