Izaía 61:8 - O Mikanda Ikola

⁸ Mbata eme ngi Jihova, kia ngi uabhela o kuiuka, kia ngi ibhila o kubhanga kiaiibha; eme nga kà a bhana futu iâ mu kidi; anga ngi ta-nâ kikutu kià xalelà-ku.

Izaía 61:8 ပူးပေါင်းရင်းမြစ်များ

Dimatekenu 17:7

Kikutu kiami nga kà ki kolesa bhu kaẋi kʼami ni eie, ni mbutu ié ioso hinu i ku bhingana, ku tunda muiji kuiza muiji, kala kikutu kinangenena kia bhingi eme ngi kala ngi Nzambi ié, ngi Nzambi ia mbutu ié hádia i ku bhingana.

II Samuuele 23:5

Dibhata diami manhi ki kiene ki dia tungiua ku mesu ma Nzambi? Kuma ua te ni eme kikutu ki nangenena, kia jimbuluka mu ima ioso, kiókondeke; ioso ia kubhanduluka kuami, ioso ia mbote i ngʼinda, manhi ki muene u i buingitisa?

Jisálamu 105:10

Anga u ki tonena dingi kua Jakobo, kí kia xala kijila, ni kua Izalaiele mu kikutu ki nangenena,

Jisálamu 11:7

Kuma Jihova uaiuka, uinda ioso i kala ia kuiuka; oso emana miẋima nzanza, ene ngó a kà monà pholo iê.

Jisálamu 32:8

Ngi ku longesa, ngi ku idikiza njila ioso i ua fuama kuila; ngi ku bhana kaiula, kuma nga ku te muene diesu.

Jisálamu 33:5

Muene u inda o kufúndisa kua kidi ni kutetuluka; ixi iezala ni jimbote ja tundu kua Jihova.

Jisálamu 37:28

Kuma Jihova kia mu uabhela o kubatula mu kidi; a di tuma-nê ka ehelela, u a kondeka katé bhu kizuua. Maji o mbutu-phe ia akua kubhuma, a xikamena ku a batula-bhu.

Jisálamu 45:7

Eie u inda ioso i iukila mu kidi, o kudiodia milonga ku xikina; o Nzambi, Nzambi ié, kiene kia ku undila ni maji; maji a kusanguluka, phala u tunde akuenu ene oso.

Jisálamu 50:5

Bhongololenu athu ami ósole eze bhu kinama kiami, oso a te kikutu ni eme mu ku ngi satela.

Jisálamu 62:10

Kana ku di fiiala ungúngu, mba u kala mu ku ta thathe ni jimbongo ja kubhûnda; ku fike kuila u di bhanga ni uii; jimbongo se ji di vuala, ku ji dielele; katula-ku muene o muẋima ué.

Jisálamu 99:4

Eie, ku ungana ué, uinda kufundisa kuambote; o ixi iasekalele, eie ua i fukula dingi kiengi; eie kufundisa kué mua Jakobo, kua kidi ni kutetuluka:

Jisabhu 3:6

Mu suue muene ngó mu mauendelu mé moso, muene a iukise o njila jé joso.

Jisabhu 8:20

Ngi batesa muthu mu njila ia kuiuka, ngi mu endesa muʼaxaxi ka jihoka ja kutetuluka.

Izaía 28:17

Ubatuilu ngi u ta mu dinha, o kulûnga ngi ku zonga ni pulumu, anga bhuà kala mvula ia matadi ia kà kungulula o dilengelu dia makutu, o menha anga a kà bobesa o disuamenu diâ.

Izaía 30:18

Kiene-phe kia-nda ku kingila Jihova ku mi kuatela henda; kiene kianda ku mi zangumuina phala ku mi lendukila, mukonda Jihova uene Nzambi ia kutetuluka; azediua oso a kinga kua Muene.

Izaía 5:16

Maji o Jihova dia Ilômbo Ieta, mu kufundisa kuê, muene u tambula fuma; Nzambi, Ukôla, ua-nda ku di-tungula muene mu kulunga kuê.

Izaía 54:10

Kuma milundu hádia isondoloka, tuthuthu-lûndu tua kà tunguta; maji o kulenduka kuami ki kua kà ku sondoloka; o kikutu kia kutululuka kuami ki kia kà lunguluka, kiene kia tange Jihova, mukua ku ku lendukila.

Izaía 55:3

Bhetekenu o mátui menu, nda mu ize kokuami; ividilenu, muenhu uenu ubhuluke; kuma nga-nda kuta nʼenu kikutu kixalela-ku, hé ngi mi bhana jimbote ja Davidi ki jene kufula.

Izaía 56:1

Jihova, uambe kiki: Kuatenu kilunji, mu bhange ima ia iuka, mbata kubhuluka kuami kua zukama, kufundisa kuami kua-nda kutukuluka kiá.

Izaía 66:22

Kuma, mukuâ ni maúlu mobhe, ni oxi iobhe, i nga-nda kuiudika, a xalela bhu pholo iami, eme ngi Jihova, kiene ue kia kà xalela o mbutu ienu ni dijina dienu.

Jelemiia 32:40

Hé nga kà ta-nâ kikutu ki nangenena, ki kia kà a sondoloka dingi, mbé o ku a bhanga mbote, anga nga kà ta uoma uami ku muẋima uâ, phala eme ki mungu dingi a ngʼixa.

Jelemiia 9:24

Maji uoso uambe ku di thatha a di thathele mu kiki: Mu ku ngʼijiia eme ni kuijiia kuamba eme muene ngi Jihova, ngi mukua kulendukila muthu, ni kufundisa ni kubatula mu kidi mu ngongo; mbata ima ienhiʼii iene ia ngi uabhela, eme ngi Jihova.

Izekiiele 16:60

Maji-phe né kienhókio, eme o kikutu kiami ki nga-ta ni eie mu izuua ia unzangala ué, hanji nga-nda kua kà ki banza muene, hé nga kà ta dingi ni eie kikutu ki nangenena.

Izekiiele 34:25

Hé nga kà ta na-ju kikutu kia paze, o iama iaiibha mu ngongo nga kà i zubha-mu, o jene hé ja kà tunga ni kukondama mu kikangalakata, hé ja kà zekʼé muene mu matutu.

Malakiia 1:13

Muixi: Màmá, kubhuila kuahi ngó! Anga mu kuata kunjona, ni ku ngi sebulula; kiene kiambe Jihova dia Ifuẋi. Mua ngi satela kibhaku ki mua nhana, mba kia sasajaka ku iama, ni kibhaku kianemana, ni kiakate; uene ujitu u mua bheka. Jihova dia Ifuẋi, uambe: Ima ikala kiki, kifua ngi xikina ku i tambula muene bhu maku menu?

Matesu 23:13

Enu-phe lamba dienu, mu akua kulonga kitumu ni enu mu jifalizeu, mu akua mangonha! Mukonda ku Utuminu ua diulu mua jika-ku ku pholo ia athu, enʼ uenu kubokona nguenu; ni iá andekene kubokona, ki mu a ehela. [

II Tesalonika 3:5

Ngana-phe a mi lungise miẋima mu henda ia kuzola jinga Nzambi, ni mu kinhenge ki tunda kua Kristu.