Izaía 61:7 - O Mikanda Ikola

⁷ Mukonda dia sonhi i mua tambula mu luiadi ni malebhu, mua kà sangulukila ku dikânda dienu; kala kiki moxi ienu, o ima i mua kʼàvua ia kà di-budika mu luiadi, mua kà kala ni kusanguluka ku nangenena.

Izaía 61:7 ပူးပေါင်းရင်းမြစ်များ

II Jisobha 2:9

O kioso kia zubha kubhita, Elija uambela Ilizeu, uixi: Kiosuʼiki kiluua a ngi katula kokuʼé, ngi bhinge kioso ki ua mesena ki ngi ku bhanga. Anga Ilizeu uamba, uixi: Nga ku bhingi kuila o kizongelu kia nzumbi ié-eie, momuami ki kale-mu luiadi.

Jobe 42:10

Jihova anga u lungulula kikexilu kia Jobe, kioso muene kia mu sambela hanji o makamba mê; Ngana anga u mu bhana mu luiadi ima ioso ia kexile na-iu kiá ku diamtekenu.

Jisálamu 126:5

Oso a kuua ni masoxi, hinu a kà bhongolola ni ngalasa.

Jisálamu 16:11

Eie u ngʼidikiza njila i bheka kuala muenhu, kuala kusanguluka kua mbote bhu pholo ié; o ku lukuaku lué lua kúdia sai-ku ima ia vondadi ki i kumu dingi.

Izaía 35:10

O jihule ja Jihova a kà vutuka, hé a kèza mu Ziione ni kuimba mimbu ia kutana; o kusanguluka, ki kuene kúbhua kua kà kala ku mítue iâ, a kʼèzala ni kutana ni kusanguluka, o dilamba ni mikemu ia kà a lenga kiá!

Izaía 40:2

Jeluzaleme mu tedienu maka ma mu kuatekesa muẋima moxi; mu tangedienu kuamba dinhengena dié diabhu-ku, kikuma kiê kiololoke kiá; o ituxi iê ioso, ua i tambuila kiá luiadi ku lukuaku lua Jihova.

Izaía 51:11

Kienhiki kiene kia kà vutuka oso a a kula kuala Jihova, anga a kʼèza mu Ziione ni nzôngo ia kutana, ngalasa inangenena ià kala ku thandu dia mítue iâ; a kà bonga kutana ni kusanguluka, o dilamba ni mikemu ia kà a lenga.

Izaía 54:4

Ku kale ni uoma, mbata sonhi ki ja-nda ku ku kuata; ku kale ni jisonhi, mbata kua-nda kukakuka; inda sonhi ioso i ua bhiti na-iu ku undenge ué ua-nda ku i jimba, môndo ua utudi ué kua-nda ku u xinganeka dingi.

Izaía 60:15

Bhu kididi kia ku kuehelela, ni ku ku buakulula bhua ku tula, kia bhingi ki bhu kexile u bhita momué, eme-phe nga kà ku bhangesa kukala ni kuzangalala ku nangenena, kutana muene, kutunda muiji kuiza muiji.

Izaía 60:21

Ene oso ku mundu ué a kà kala athu aiuka; ene a kà lundula oxi katé ku hádia ni hádia; a kà kala thangu ja ubhe ji nga phaphe eme, kikalakalu kia maku mami, phala eme a ngi ximane.

Izaía 65:13

Kala kiki, Jihova Nzambi, uixi: Talesa, jiselevende jami a kà kala mu kudia, enu-phe mua kà tala hadi ni nzala; talesa, jiselevende jami a kà nuá, maji enu-phe mua kà kala ni dinhota: talesa jiselevende jami ja kʼènda ni kutana, maji enu-phe sonhi ja kà mi kuata;

Sofoniia 3:19

Tala-ze, kuma, mu kizuuʼokio, nga kà a vutuila phulu kua iá ene oso a ku tatesa jinga; nga kà bhulula o inema ioso ala kutenguna; ió oso a a kaie, ene oso nga kà a bhongolola, anga nga kà a kitula diximanu, hé a kà fumana dijina mu ixi ioso mua a bhela jinga o dilebhu ni ku a kuatesa o jisonhi.

Zakadiia 8:12

Mukonda eme nga-nda ku kuua o kutululuka o mbutu ia kà kala ni kuzediua. Muvide ua kà lukula ibundu iê, o ixi ia kà bhana idima, o diulu dia kà bhana dimume diê mu kimene; anga ngi bhangesa kuila, o ima ioso iii ia kà biluka undundu ua ngene ua iá a subhuka ku muiji uenhú.

Zakadiia 9:12

Anga ngʼambela, ngixi: Vutukenu mu kimbaka, enu sumbala a mi kutu maji hanji muala ni kudielela; lelu dienhidi ngi mi tangela kuila imbamba ienu ioso nga-nda ku mi vutuila-iu mu luiadi.

Matesu 25:46

Iá-phe a kàia ku phaxi ki iabhua, o iá aiuka, ku kuenhu ki uàbhua.

II Kolindo 4:17

Kuma o hadi ietu iii i tua mu bhita na-iu iabhebhuluka, ia kithangana ngó, hinu i tu bhekela kuzediua kuavulu kinéne, kua beta ukota o hadi iii ndenge, kuxalela-ku ndú ku hadia ni hadia.

Matendelelu 21:17

Kale u u bhana muene kua monʼa muhatu a mu zemba; mu kulunduisa, u mu lunduisa mabunda maiadi ku ima ioso iavu; mukonda muene monʼê a mu vualele mu kivula nguzu, muene o kibundu kiadianga kia nguzu iê, ukota muene ua mu tokala.

II Tesalonika 2:16

Kiki-phe, Ngana ietu Jezú Kristu muène, ni Nzambi, Tata ietu ua tu zola, ió ua tu bhana o kubhua uôma ni kukondoka o malamba sè kufula, ni kudielela kuambote mu kiadi kiê,