Izaía 61:3 - O Mikanda Ikola

³ ni kubhana ngonge kuamba akua-malamba mu Ziione a a zuike izuatu ia makembu bhu kididi kia utôkua, bhu kididi kia malamba a a uese majiʼa kutana; bhu kididi kia kikote kia muẋima a a zuike kizuatu kia diximanu; nda a a luke kuila miẋi ia uiukilu, iòphaphe kua Jihova, phala fuma iê.

Izaía 61:3 ပူးပေါင်းရင်းမြစ်များ

Estere 8:15

Moledekai anga u tunda bhu pholo ia muenexi, ua zuata izuatu ia ungana izela ni ia azulu, ni kijinga kia ulu ku mútue, ni divunga dia linhu ia fina ni purpura; mundu mu nzunga ia Suzana anga a kola, a sanguluka.

Estere 9:22

kuma iene o izuua ia bhanduluka jijudé ku usuéia uambele ku a bhanga o jinguma jâ; iene o mbeje iâ iambele kukala ia lâmba anga i biluka ia ngalasa, iambele kukala ia uíndua anga i biluka ia kizuua kiambote; uixi a i bhange i kale jinge izuua ia kubhanga fesa ni kusanguluka, ni ku di tumikisa makúdia, ni ku di bhana maujitu ni kuuanena o jingadiama.

Jisálamu 104:15

ni vinhu phala muẋima ua muthu u sanguluke, ni maji phala pholo iê i lelame, ni musa phala a kale ni nguzu mu mukutu.

Jisálamu 149:4

Kuma Jihova u sanzuka ni mundu uê; muene ua-nda ku uabhesa abelesela ni ubhulukilu uê.

Jisálamu 23:5

Eie u ngi bhangela meza ku pholo, bhu mesu muene a jinguma jami; u ngi uaia o mútue ni maji; nganza iami iezala, ia ẋamuka.

Jisálamu 30:11

Kudila-phe eie ua ngi katula-ku, mua ngʼiza kukina! ua ngi zula o kidiniaji, eie ua ngi kembesa ni ngalasa.

Jisálamu 30:12

Phala o muenhu uami u ku imbile jinge o diximanu, ki ngi dixibhe; u Jihova, Nzambi iami, eme ngi ku bhana jinga jiphembele izuua ioso sé kuzumbuka.

Jisálamu 45:7

Eie u inda ioso i iukila mu kidi, o kudiodia milonga ku xikina; o Nzambi, Nzambi ié, kiene kia ku undila ni maji; maji a kusanguluka, phala u tunde akuenu ene oso.

Ndongixi 9:8

O izuatu ié izele jinge mu thembu joso, o mu mútue ué nuka mu kamba maji ma dizumba di nuha kiambote.

Izaía 12:1

Mu kizuua kiná, eie ua kà kumbulula, kuamba: Jihova, nga ku sakidila, tata, mukonda, sumbala ua ngi kuatelele njinda, leluʼidi njinda ié iabhu, uala kiá ku ngi konda malamba.

Izaía 26:2

Jikulenu mabhitu, phala mu bokone kifuxi kia athu a iuka, kiene ku kuata o kidi.

Izaía 44:23

Enu, maúlu, imbenu ni ngalasa, mbata Jihova muene ua bhange kiki; tanenu-ku, enu mu ididi ia boloka, enu mu milundu te-nu nzongo ia kusanguluka; nʼenu ue mu mixitu, ni mixi ioso iene-mu; mbata Jihova ua kula Jakobo iú ua tambula fuma mu Izalaiele.

Izaía 46:13

Nga kà ku zukamesa o uiukilu uami; ki ua kà sanduka, kana, ni ubhuluilu uami ki ua kà kokoloka; nga kà xikika kubhuluka mu Ziione, ni kizunda kiami mua Izalaiele.

Izaía 52:1

Phaphumuka, phaphumuka eie Ziione, u zakele uzonda ué; Jeluzaleme, u diembu diangene, zakela kuma momué nuka dingi mua ká bokona muthu kʼa mu saie mba kifusa.

Izaía 61:10

Nga kà sangulukila kiavulu mua Jihova, muẋima uami u tanena mua Nzambi iami; mukonda ua ngi zuika ni izuatu ia kubhuluka, ua ngi vungu dibeka dia kuiuka, mukuâ ni ngàiala ua kembela ubhanga, kala dibhanga dia di-zakela ni makembu mê.

Jelemiia 31:13

Kuabhu-phe, muhetu ua muzeletete ua kà sanguluka mu ku kina, ni minzangala ia mala ue, ni iá a kuka kiá; o kudila kuâ nga kà ku bilula kusanguluka, hé nga kà a konda malamba, o dilamba diâ nga kà di bilula kutana

Izekiiele 34:29

Anga nga kà ji kunina kidima kia dijina, ki mungu dingi ja kà fua ku nzala mu tumbu ni ngongo, mba ue ja kà kala dingi ni môndo ua akua matumbu ku thandu diâ.

Izekiiele 47:7

O ki nga vutuka, nga mono ku kibumu, sámbua ni sámbua, kuezala ndumba dia miẋi ia lebha.

Zakadiia 3:5

Eme-phe, ngixi: Ku mútue mu zuikienu-ku mítala ia zele kiambote. Anga a mu ta mítala ia zele kiambote kú mutue, hé a mu zuika izuatu ia tokala; O anju ia Jihova bhene bhu ia kexile.

Matesu 15:13

Jezú-phe ua vutuila, uixi: Kidima kioso kia bhingi Tata iami mu diulu ki muène ua ki phaphe, ki bhinga ku ki vuza.

Matesu 5:16

Kiene ue, o mukengeji uenu u muikine bhu pholo ia athu, ene a mone ima iambote i mu bhanga, ni a ximane Tata ienu uene mu diulu.

Luka 15:22

Maji o tata-phe, uambela abhikʼê, uixi: Bhekenu, lusolo, kizuatu kia matunda, mu mu zuike-kiu! Mu tienu ue nela mu mulembu ni jisabhatu ku inama!

Nzuá 15:8

Kiene ki bhekela athu kuximana Tata iami, se enu mua bhana ibundu iavulu, anga mu kala jinga mu jixibulu jami.

Nzuá 16:20

Ni kidi kiene, eme ngi mi ambela: Enu mua-ndu dila, mua-ndu kema, o mundu-phe ua-ndu sanguluka. Kidi mua-ndu kala ni malamba, maji o malamba menu-phe, ma-ndu biluka kusanguluka.

I Kolindo 3:9

Kuma etu tuala tu jingunza, tu kalakala kumoxi phala Nzambi, o enuʼ enu muala mu dibhia di bhanga Nzambi o kikalakalu kiê. Enu muala ue mu inzu i tunga Nzambi.

I Kolindo 6:20

Kuma a mi sumbu ni suilu. Uila kiki, fumanesenu Nzambi ku mikutu ienu, ni ku jinzumbi jenu, kuma ja tokala Nzambi.

Filipe 1:11

Muime kiavulu ibundu ibundu ia tokala o kuiuka, iijiia kua Jezú Kristu, i bhekela kujingisa ni kuximana Nzambi.

II Tesalonika 1:10

Kiki kiene kia kà bhita bhu Kizuua kiokio, bhuoso bhua kèjiia muène mu kutambula o fuma ku athuʼê angene, ni ujitu ku athu oso ió a mu xikana. Kuma enu mua xikana umbangi u tua bhana mudienu, muanda kua kà kala ue mu ʼaxaxe kâ mu kizuua kieniokio.

Jihebeleu 1:9

Eie o kuiuka ua ku zola, usueia ua u zemba. Mukonda dia kiki, Nzambi, Ngana Nzambi ié, kiene kia ku solela, iu ua ku undu ni maji ma ngalasa, ni kijingu, akuenu oso ndenge.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.

I Phetele 4:14

Kuma se a mi bhana malebhu mu kukaiela o dijina dia Kristu, mua zediua. Mukonda kia lombolola kuila o Nzumbi ia fuma, Nzumbi ia Nzambi, ua mi tula ku thandu.