Izaía 61:11 - O Mikanda Ikola

¹¹ Mbata mukuâ ni kikala o mavu a sabhukisa o ngolôngo iê, kala ue o honga ki i fuafuesa ioso ia kuna-mu, kiene ue Ngana Nzambi kia-nda kusabhukisa o kuiuka ni diximanu phala o mbutu ioso ia athu.

Izaía 61:11 ပူးပေါင်းရင်းမြစ်များ

Dimatekenu 1:11

Nzambi anga u zuela, uixi: Ixi i sabhuke iangu, ni idima i bhana mbutu, ni mixi i bhana ibundu, ku idifua-idifua, kala kidifua ni mbutu iê moxi, i kale mu ngongo. Anga ki di bhanga kienhiki.

Jisálamu 72:16

Mu ngongo mu kale nzungule ia masa katé ni ku thandu dia milundu; ixina iê i kale mu lokosa kala muxitu ua Libano; athu mu jimbonge joso a kale mu fuafua kala iangu mu mukáu.

Jisálamu 72:3

Ku milundu ku tunde kutululuka phala o mundu, ni ku mikáu ku kale o kutunga ni kusoma, mukonda dia ufundixilu ua kidi u tunda ku tumilundu tuofele.

Jisálamu 85:11

O kubhanga o kidi kuà fuafua dingi mu mavu; o kubatula mu kidi ku kala dingi mu tala, ni kuzongola tunde mu diulu.

Mukumbi ua Mikumbi 4:16

Kithembue kia thunda, balumuka; zá eie u kithembue kia luiji; bhuselelenu mu kadíbhia kami phala dizumba diê, di-ie ni ku tukumuka, dile muene tungatatá!

Izaía 4:2

Bhu kizuua kiná o Ndombo ia Jihova ia kà kala ditunda, ni kijingo; oso a subhuka mu Izalaiele a kà mona uuabelu ua kibundu kiaʼxi, kuma kima kia ujitu.

Izaía 45:23

Nga di-lokela mu dijina diami eme-muène; kizuela kia kidi kia tundu mu kanu diami, kizuelu kiami ki ki vutuka kuema, kuma ki di kumbidila muene; uila kiki, ngedi: Phuna joso ja kà ngi fukamena muene, o madimi moso ma kà ngi fisala mu kuloka.

Izaía 45:24

A kà ngi zuela kuila: Mua Jihova ngó ubhèkelele uê, muene muala o kuiuka ni kutena; a kèza kua muene; ene oso a kà mu lungulukila, sonhi ja kà a kuata; a-nda kukakuka.

Izaía 45:8

Mvula inoke, mbundu i sume, o kidi kize ni kusuka kala mbundu; oxi i jikuke, ubhulukilu uende ni kusabhuka kiá, kuiuka kuende ni kuima bhuamoxi ni ubhulukilu; eme ngi Jihova, nga a bhange.

Izaía 46:13

Nga kà ku zukamesa o uiukilu uami; ki ua kà sanduka, kana, ni ubhuluilu uami ki ua kà kokoloka; nga kà xikika kubhuluka mu Ziione, ni kizunda kiami mua Izalaiele.

Izaía 48:18

Uaué! Tamanu ua bhele mátui ku ijila iami! O paze ié ieje kuila kala ngiji, o kulunga kué kueje kuila kala mabhuku ma Musanza ua Kalunga.

Izaía 58:11

O Jihova u ku endesa izuua ioso, anga u dikila o muenhu ué mu ididi ia kukuta, hé u ku bhana o nguzu mu ifuba; eie-muene u kala mukuâ ni díbhia diotekele, kala fiẋi ia kunuina, menhʼé kene mu kamba.

Izaía 60:18

Mʼoxi ié ki mungu dingi evua-mu o kuhâma, o mu jimbambe jé ki muà kala jingùndu mba kibuika; maji o malumbu mé ua kà mʼexana Kubhuluka, o mielu ié Diximanu.

Izaía 60:21

Ene oso ku mundu ué a kà kala athu aiuka; ene a kà lundula oxi katé ku hádia ni hádia; a kà kala thangu ja ubhe ji nga phaphe eme, kikalakalu kia maku mami, phala eme a ngi ximane.

Izaía 62:1

Mukonda dia henda ia Ziione ki nga-nda ku dixibha, mukonda dia henda ia Jeluzaleme ki ngi ximbakata luua; katé ki tomboka o kuiuka kuê kala kubenha, o ubhulukilu uê uiza kala sama ia túbhia ia uama.

Izaía 62:2

Akua-jixi a kà mona kuiuka kué, o jingana joso a mona kijingo kié, anga a kà ku ixana dijina diòbhe, dia kà ku luka kuala o dikanu dia Jihova.

Izaía 62:7

ki mu di-xibhe, katé kia xikika, kia bhanga Jeluzaleme kukala mbanza ia diximanu kulu dia mundu.

Matesu 13:23

A mu kuua mu mavu ma mbote-phe, muenhú uívua o maka, anga u mejiia; ió uima kidi ibundu, bhu kala ni iú umoxi u bhana hâma, iú makuinhi a samanu, o iú makuinhi a tatu.

Matesu 13:3

Muène anga ua tangela ima iavulu mu ifika, uixi: Talesenu, ku kala mukuni a jimbutu u tunda mu ku kuua.

Matesu 13:8

Jamukuá ja sonokena mu mavu mambote, anga jʼima ibundu. Bhuala lumbundu lu bhana hama ia lumbundu, bhuala lulu lu bhana makuinhi a samanu, bhuala lu bhana makuinhi atatu.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.