Izaía 60:9 - O Mikanda Ikola

⁹ Ni kidi kiene, o ikolo ia kà ngi xikamena, jinaviio ja Talxixi jene ja kà tuama, phala kuiza kuxila dijina dia Jihova, Nzambi ié, ni kua Dilemba Dikola dia Izalaiele, mukonda muene ua ku jingisa.

Izaía 60:9 ပူးပေါင်းရင်းမြစ်များ

Dimatekenu 9:27

Nzambi a kudise jimbambe ja Jafete, A tunge mu jibalaka ja Seme; Kanana a kale mubhikʼê.

I Jisobha 10:1

Anga Na Mvuale ia Sabá kievu o fuma ia Solomá ni kutumbula dijina dia Jihova uiza ku mu lolela mu ifika.

I Jisobha 10:22

Mukonda o sobha ue ua kexile ni jinaviio ja Talxixi ku musanza ua kalunga kumoxi ni jinavio ja Hilamu. Ji ja kexi mu vutuka lumoxi ku mivu itatu kutunda ku Talxixi, ni kubheka ulu ni phalata, ni mazu ʼa nzamba, ni jihima ni jipavá.

I Jisobha 22:48

Mu izuuʼomo, mu Edomo ki mua kexile sobha, mua kexile-phe ngó nguvulu, isengele ia sobha, muene uakexi mu tumina-mu.

I Jisobha 8:41

Anga uívua ue o ngenji, ka tokala mu kifuxi kié kia Izalaiele, maji ua tundu-phe ku jixi ja makangʼèlele, mukonda dia henda ia dijina dié ia mu bheka.

Jisálamu 48:7

Eie, hinu ua kà bula o jinaviiu ja Talxixi, u ji muanga ni kitembu kié kiasuína kia mubhetukila-kumbi.

Jisálamu 72:10

Jisobha ja Talxixi ni mu ikolo a kà mu bhana o lubhaku; o jisobha ja Xeba ni Saba ja kà mu bhekela maujitu.

Jisálamu 97:1

Jihova ua hingi ungana uê; ixi ioso i tane-ku! Ni mu ikolo iê iavulu a kale ni ngalasa.

Makatukilu 33:19

Uixi: Nga-nda ku bhangesa kuila kuuabha kuami kuoso ku ku bhita ku pholo, hé ngi kola o dijina dia Jihova bhu pholo ié, hé ngi lendukila uoso nga tokala ku mu kuatela henda.

Jisabhu 18:20

Izuelu i tunda mu kanu dia muthu, i di bhanga kifua kibundu kikutisa o mala mê; u di dikila ni kioso ki tubhula o mizumbu iê.

Izaía 11:11

Mbata kia kà bhita kuila, Jihova mu kizuua kieneʼokio ua kà vutukila kuta lukuaku luê mu kuondolola dingi o masubhu a mundu uê, a subhuka ku Asídia, ni ku Ijitu, ni ku Pátulu, ni Itiiópia, ni ku Elame, ni ku Xiniiale, ni ku Hamate, ni ku ikolo ia kalunga.

Izaía 2:16

O jinaviiu joso ja Talxixi, ni jifikula ja fumana, jiia bhoxi.

Izaía 24:15

Kala kiki, jingisenu dijina dia Jihova, ni mu ibôlo ni mu isanga ia kalunga, jingisenu dijina dia Jihova, Nzambi ia Izalaiele.

Izaía 42:10

Imbilenu Jihova mukumbi uobhe, o diximanu diê diende muene ni ku tokomoka tundé kua suku oxi; teketenu enu ue mua mu kuendela ku thanduʼa kalunga mu jinaviiu ni ima ioso iene-mu, nʼenu ue mu ikolo ni oso a tunga-mu.

Izaía 42:4

O muene ka kà fula, ka kà mu tolojola katé kia bheka o uiukilu mu ngongo; o ikolo ia kà kingila o ulongelu uê.

Izaía 43:4

Kuma eie ua te kiavulu ku mesu mami, uala-phe ditala dia ujitu, eme nga ku zola; kiene ki nga bhela athu bhu kididi kiê, nga bhakula athu avulu mu kula muenhu ué.

Izaía 43:6

Ngambela mbandu ia suku, ngixi: Bhana! Anga ngambela mbandu ia sulu ngixi: Kana ku a bhaka; ngi bhekedienu anʼami a mala ene dikanga; ni anʼami a ahatu ene kua suku oxi.

Izaía 46:13

Nga kà ku zukamesa o uiukilu uami; ki ua kà sanduka, kana, ni ubhuluilu uami ki ua kà kokoloka; nga kà xikika kubhuluka mu Ziione, ni kizunda kiami mua Izalaiele.

Izaía 49:1

Ngʼivienu, mu ikolo, enu mu athu muene ku makanga batekelenu: Jihova ua ngʼixana hanji kioso ki ngala mu mala, eme hanji mu divumu dia manhiʼetu, muene-phe ua tumbula kiá o dijina diami.

Izaía 49:22

Jihova uambe kiki: Nga kà zangula lukuaku luami, ngi lu lungisa ku ifuẋi, ngi futununa mvela iami ku ifuẋi ioso; ene-phe a kà ku bhekela anʼé a mala bhu maku, o anʼé a ahatu ejiia bhu isuxi.

Izaía 51:5

O uiukilu uami ua zukama; ubhulukilu uami iú tomboka kiá; maku mami mene ma-nda kutetuluila o mundu; ikolo ia-nda ku ngi xikamena ni kukinga, ene a-nda kudielela kubhandulukila ku lukuaku luami.

Izaía 55:5

Tala-ze, eie ua-nda kuixana kifuxi kua kʼijidile, ifuẋi ia kambele ku ku ijiia ia kèza malusolo kokué, mukonda dia henda ia Jihova Nzambi ié, ni ia Dilemba Dikola dia Izalaiele; kuma muene ua ku zangeleka.

Izaía 57:17

Njinda ia ngi kuatele mukonda dia usuéia ua unjenje uâ anga ngʼa beta; kuma kia ngi kuata o kutema, pholo nga i sueka; maji ene, hanji-phe, mu kubhukumuka kuâ, akaiela njila ia muẋima uâ.

Izaía 60:4

Bhetula mesu mé ku mbandu joso u mone: ene-oso ia di bhongolola mu kuiza kokué, o anʼé a mala a-nda kutunda ku makanga, o anʼé ue a ahatu a-nda ku a sasela bhu mbandu ié.

Izaía 60:6

A-nda ku kuizalesa ni jikamelu; ni jikamelu ji tunda ku Midiiane ni ku Efa, bhuila bulukutu mvengete; ene oso a kà tunda ku Seba; a-nda kubheka ulu ni uasu ua mazumba; anga a fumanesa o diximanu dia Jihova.

Izaía 66:12

Mbata Jihova uambe kiki: talesaze, nga-nda ku mu sanzumuina o kutululuka ku thandu diê mukuâ ni ngiji, ngi mu lunduluila ue o fuma ioso ia akua-jixi mukuâ ni honga ia ẋamujuka ni menha; kienhokio mua kʼámua kala kamona bhu jihata, a mi ambatela bhu maku, a mi lela bhu jihata.

Jelemiia 3:17

Mu thembuʼomo Jeluzaleme a kà mu luka Kiandu kia Jihova, ni miji ioso ia kà di bhongoluela kua muene, ku Dijina dia Jihova, mu Jeluzaleme; ki mungu dingi enda kala kioso kia tumu o muẋima uâ ua usuéia.

Jelemiia 30:19

Mu kaxi kâ mu tunda jinga diximanu ni mbimbi ia kusanguluka; nga-nda ku a sokolola muene, ka seluka kana, anga ngʼa zangeleka, ka kala ni mukondo.

Izekiiele 39:7

Anga nga kʼèjidisa o dijina diami dikola muʼaxaxe ka mundu uami ua Izalaiele, eme ue ki mungu dingi ngʼehelèla o kukasanesa o dijina diami dikola, phala akua jixi nʼa kʼijiie kuila eme ngi Jihova, iuná Ukôla mua Izalaiele.

Mikeia 4:13

Balumuka, u vunde, eie monʼa kilumba mu Ziione! Mukonda mbinga ié nga kà i bhanga ia felu, o iala ié ia ngòndo; ua kà sanujuna ndumba dia ifuẋi ia miji, futu iâ anga ua kà i bhakuila Jihova, ni umoni uâ kua Ngana, uavu o ixi ioso.

Mikeia 7:12

Mu kizuuʼokio a kʼèza ko kué tunde ku Asídia katé ni ku jisanzala ja Ijitu, a kà tunda ku jimbonge ja Ijitu katé ku ngiji ia Ufalate, tunde ku musanza ua kalunga katé ku musanza ua mukuá ua kalunga, tunde ku mulundu iú katé ku mulundu iuná.

Sofoniia 2:11

Jihova ua kà a lungulukila, o jinzambi joso ja mu ngongo anga u ji jikinisa; akua jixi ene oso a kʼèza kua Muene ku mu bheza, tunde mu ididi iâ ni miji ioso mu ikolo.

Zakadiia 14:14

Ni Juda ue ua kà bhânga mvunda mu Jeluzaleme; o umvuama uoso ua akua jixi jala mu jimbandu, a kà u bhongolola ndumba muene; Ni ulu, ni phalata, ni izuatu ia kà kala nzungule.

Luka 2:32

mukengeji u londekesa o njila ia Nzambi ku akua matumbu. Ni kubhana fuma ia mundu ué ua Izalaiele.

Nzuá 17:26

Eme nga ejidisa o dijina dié, hanji ngi dʼ ijidisa dingi, phala o henda i ua ngi zola na-iu eme, ni i kale mua ene, ni eme-muène mua ene.

Jipoxolo 9:15

Maji Ngana u ambela Ananiia, uixi: Katuka ngó! Kuma muène mukua sedivisu iami, Eme nga mu solo phala kubheka o dijina diami ku akua jixi jengi, ni ku jisobha, ni ku anʼ a Izalaiele.

Ngalásia 3:26

Mukonda enu oso mua di bhange mu anʼ a Nzambi, mu kuxikana Kristu Jezú.

Ngalásia 4:26

Maji o Jeluzaleme ia diulu-phe fôlo, muene mamʼ etu etu.

Josuué 9:9

Ene anga a mu vutuila, exi: Abhikʼé atundu kanga dia lebha muene, mbebu o dijina dia Jihova Nzambi ié; mbata fuma iê tua ivu, ni ima ioso ia bhange mu Ijitu tua ivu ue;