Izaía 60:7 - O Mikanda Ikola

⁷ Ilunga ioso ia jimbudi ja Kedale ia kéza kokué, ilumbe ia Nebaiote ia kà ku tokala eie, i ku bhikila; a kà i xikina ni vondadi kuma sata ku kalatódio kami; eme hé nga kà fumanesa inzo ia kizunda kiami.

Izaía 60:7 ပူးပေါင်းရင်းမြစ်များ

Dimatekenu 25:13

Anʼa Ijimaiele majina mâ eniʼá, kala kia di kaiela ku majina mâ ni ku miiji iâ; phande-kumbi ia Ijimaiele, Nebaiote; ni Kedale, ni Adbeel, ni Mibisame,

Jobe 42:8

Kuatenu-phe, sambuadi dia tuana tua ngombe ni sambuadi dia ilumbe ia jimbudi, muie kua mubhikʼami Jobe, mua kà di bhele jisata. Mubhikʼami Jobe muene ua kà mi sambela; mukonda nga-nda kuẋikina kudionda kuê, phala eme ki ngi mi bhange kala kia fuama mu ulaji uenu. Mbata enu ku mu ngi zuela kioso kia iuka, kiókio kia fuama, kala o mubhikʼami Jobe.

Jisálamu 120:5

Kokolo diami, eme ngi nzuángiza, nga mu nhunganena bhu Miseke; eme ngi mukua bhata mu jibalaka ja Kedale.

Mukumbi ua Mikumbi 1:5

Eme ngi muzedi, maji nga uabha, enu akuetu mu anʼa ilumba mu Jeluzaleme, tata, nga di fu mukuá ni jibalaka ja Kedale, ngedi kala o jikolotina ja Solomá.

Izaía 19:19

O mu thembuʼomo, Jihova u kala ni kalatódio kê mu kaẋi ka oxi ia Ijitu; anga Jihova a muʼimikina kimaku ki nangenena mu mbambe iê.

Izaía 19:21

Jihova muene ua kà didikiza ku akua-Ijitu, o akua-Ijitu mu kizuʼokio, a kèjiia Jihova; kiene muene, nʼa kuata ku mu bheza ni jisata ni mibhaku; a ta jihasa kua Jihova anga a ji kumbidila.

Izaía 21:16

Mbata Jihova ua ngʼambela, uixi: Mu muvu umoxi, midila ia muvu ua mukua-nganhu, kijingo kioso kia Kedale kia kà jikinina.

Izaía 42:11

Iphenza ioso ni madiembu mê Zangulenu dízui, ni tusanzala tuoso tua Kedale; oso a tunga ku matadi ele muene bulukutu ni ngalasa; nzôngo iâ a i tele muene ku thala-a-milundu.

Izaía 56:7

Eme ue nga kà ambata ku mulundu uami ukôla, anga nga kà a bhangela fesa mʼonzo iami ia kusambela; o mibhaku iâ ia kuoha ni jisata jâ, nga kà ji xikina muene bhu kalatódio kami; kuma onzo iami a kà i ixana onzo ia kusambela phala akua jixi joso.

Izaía 60:13

O kutunzama kuoso kua Libano kua kèza kokué, ni faia, ni pinho ni buxo bhuamoxi, phala kukembesa o kididi kiami kia dibhezelu; eme-phe o kididi kia kutula inama iami nga kà ki jingisa.

Izekiiele 20:40

Mbata, o ku mulundu uami ukôla, ku mulundu ua di leka ua Izalaiele, kuenhoko kuene hádia kua-nda ku ngi bhikila o dibhata dioso dia Izalaiele, bhata diosòlolo muene mu ixi muenhomo; kuenhoko kuene ku nga kà sangulukila momuʼâ, hé kuenhoko ngi mi bhinga o mibhaku ienu ia vondadi, ni maujituʼenu a ibundu ia mutômo, kumoxi kiá ni ima ienu ioso ikôla, Jihova ua ki tange.

Izekiiele 27:21

O Alábia ni ilamba ioso ia Kedale, ene kiá a kexile ngenji ja ku ku tela o uenji ua tumbudi ni ilumbe ni isutu; uenhú uene o uenji ua-ta jinga nʼeie.

Mikeia 4:1

Mu izuua-phe ia kà sukidila-ku, kia kà bhita kuma, o mulundu ua inzu ia Jihova a kà u tula bhu zoko-zoko bhua suku o milundu ioso, o tumilundu tuoso ua kà tu somboka, tu xala muene bhoxi, o ifuẋi ioso anga ia kà bhongolokela kueneʼoko.

Sofoniia 3:10

Katé ni ku sámbua diná dia Jihonga ja Etiiopia, ku kala abhezi ami a kidi, anʼami a ilalu a di muangene, a kèza ni ujitu mu ku ngi bhekela jisata.

Zakadiia 2:8

Mukonda o Jihova dia Ifuẋi, uambe kiki: Phala muene a tambule o fuma, ua ngi tumikisa kua akua jixi a mi bhundu imbamba ienu; mukonda uoso u mi kuata enu, ua kuata mu mona uê-muène ua diesu.

Loma 12:1

Uila kiki nga mi diondo-phe, jiphange, mu jihenda ja Nzambi, di bhakudienu o mikutu ienu kua muène, kuma sata ia muenhu, mua di lumbu mu kikalakalu kiê, mu akua ujitu kua Nzambi. Kuma iú uene o ubhhezelu ua kilunji ua ni fuama.

Loma 15:16

Kia ku kala ngi mukunji ua Kristu Jezú, phala kukalakalela akua jixi jengi, ió ki Jijudé. Nga di bhange kala ngi nganga ia kutula o Njimbu Iambote ia Nzambi. Nga mu bhanga kiki phala o ió ki Jijudé a di bhange sata ia xikina kuala Nzambi mu dibônzo dia Nzumbi Ikôla.

Jihebeleu 13:10

O jinganga jene mù sedivila mu Tembulu ia jijudé, ka tena kudia ku sata iosatele ku kalatodio ketu.