Izaía 60:5 - O Mikanda Ikola

⁵ Eie-phe ua kà ki mona anga u benha ni kusanguluka, muẋima ué ua kà sasumuka, anga u sanzumuka; mbata jinzungule jene mu kizanga kia kalunga ja kà bilukila kokué, o maumvuama ma akua-jixi joso ma kà ku kana éiʼmuene.

Izaía 60:5 ပူးပေါင်းရင်းမြစ်များ

Jisálamu 119:32

Uendelu ua itumu ié, ngi u kuata muene ni lusolo, kioso, eie Ngana, ki u ngi kudisa o muẋima moxi. He

Jisálamu 34:5

Oso a tala kua muene, a benha; jipholo jâ ki ji kala dingi ni jisonhi.

Izaía 23:18

Anga o uenji uê ni futu iê ia undumbu a kà i bhakula kua Jihova; ku i lunda kana, ku i bhaka ue kana; maji uenji uê ua kà tokala ió oso ene ku nanga bhu pholo ia Jihova, phala adie katé ki ekuta, a kale ni kizuatu kia kolo, kinanga, kia makembu.

Izaía 54:2

Balaka ié kudisa-iu, kididi ki di-xale, kia tokala o kutunga ni kusoma; ku i phopheke; lebhesa mikolo ié, jiphapha batela-ju kiambote.

Izaía 60:11

Kala kiki, mabhitu mé ma kà jikuka muene mu thembu joso; né mu muanha mba mu usuku ka kà ma jika; nda mundu a ku bhekele maumvuama ma akua-jixi, kumoxi ni jisobha jâ.

Izaía 61:6

Maji enu-phe a kà mʼixana Jinganga ja Jihova, a kà mʼixana Akunji a Nzambi ietu; mua kà dia ku jinzungule ja akua jixi, o mu fuma ia ene enu muene mu mua kà fumanena.

Izaía 66:12

Mbata Jihova uambe kiki: talesaze, nga-nda ku mu sanzumuina o kutululuka ku thandu diê mukuâ ni ngiji, ngi mu lunduluila ue o fuma ioso ia akua-jixi mukuâ ni honga ia ẋamujuka ni menha; kienhokio mua kʼámua kala kamona bhu jihata, a mi ambatela bhu maku, a mi lela bhu jihata.

Jelemiia 33:9

Mbonge iii ia kà kituka dijina diami dia kusanguluka, ni diximanu, ni fuma, mu kaxi ka miji ioso kulu-dia-mundu, oso evua mbote ioso ni kutululuka kuoso ku nganda ku mu bhana.

Hozeia 3:5

O ku hádia-phe anʼa Izalaiele hinu a kà vutuka dingi, anga a kà sota Jihova Nzambi iâ, ni Davidi, sobha iâ; anga ni kuteketa a kà sota ku xila jinga Jihova ni mbote iê, mu izuua i sukidilaku.

Matesu 25:16

Kindalʼokio, a mu bhana talendu jitanu, uia u ji ta uenji, anga u nganhala-ku jitanu jamukuá.

Jipoxolo 10:45

O Jijudé, iá a xikana kiá, a tokala mu kifua kia kusaia, eza kubheka Phetele, a diuana, mu kumona kuma Nzambi ni akua matumbu ue ua a bhange ujitu ua ku a bhana Nzumbi Ikôla ku thandu diâ.

Jipoxolo 11:17

O ki kala ió ki Jijudé Nzambi ua a bhange ujitu uila kia tu bhange-u etu, kioso ki tua xikana Ngana Jezú Kristu, emiʼeme nanhi ngi fudisa Nzambi?

Jipoxolo 24:17

Kua ngi bhitila mivu iavulu ku makanga, eme ngejile kubhekela o kifuẋi kietu jimola ni maujitu.

Loma 11:25

Uila kiki, ki ngi mesena jiphange, kuila mu kamba kuijiia o kijingano kiki, mba mu kala mu jinjimu ja ku di metena: mukonda o kuxita mu thulu kua kuata Izalaiele, ki kuanda kujiza, maji katé ngó kia kà bokona muvimba ua dialuilu dia akua jixi jengi, ió oso ki Jijudé, ki eza kua Nzambi.

Loma 15:26

Kuma o jingeleja ja akua Masedonia ni akua Akaia kia a uabhela kubhanga mukungu ua kubhindumuna jingadiama ku mundu ua akua Ngana ala mu Jeluzaleme.

II Kolindo 10:15

Uila kiki, ki tua mu di thathela ku ikalakalu ia bhange akuetu mu ididi iala mu jimbambe ja a bhana Nzambi. Maji tua dielela kuma o kuxikana kuenu ku kula dingi. Phala tu tene kubhanga kikalakalu kia beta kota muʼaxaxe kenu, mu jimbambe jene ja tu xindila Nzambi.

Matendelelu 33:19

Enhá kiiadi kiâ a kʼexana ifuẋi ku mulundu. Kuenhoko kuene kua kà bhakuila mibhaku ia kuiuka. Mbata a kà bha jimbote janzungule jene ku misanza ia kalunga, ni ma-umvama mʼosueke mu museke.

Dijingunuinu 21:24

Akua jixi joso, a kʼènda muʼaxaxe ka mukengeji uê, o jisobha mu ngongo ja kà bheka-mu o matunda mâ.

Dijingunuinu 21:26

O ungana ua akua-jixi, ni umvuama uâ, a kà u bheka muenhumu.

I Samuuele 2:1

Hana bhenhobho anga u samba, uixi: Muẋima uami ua tanena kua Jihova; pholo iami ia zangalala mua Jihova; dikanu diami u sanga dia kulu mu kuolela o jinguma jami; mukonda nga sangulukila mu kubhuluka ku tunda kokuê.