Izaía 60:4 - O Mikanda Ikola

⁴ Bhetula mesu mé ku mbandu joso u mone: ene-oso ia di bhongolola mu kuiza kokué, o anʼé a mala a-nda kutunda ku makanga, o anʼé ue a ahatu a-nda ku a sasela bhu mbandu ié.

Izaía 60:4 ပူးပေါင်းရင်းမြစ်များ

Izaía 11:12

Ua kà leka o mvela muʼaxaxi ka akua jixi; akua Izalaiele a a balakalele ua kà a ongeka, u bhongolola ue akua-Juda a di-muangene tunde ku hota jiuana jaʼxi.

Izaía 14:2

O ifuẋi ia kà a sangesa, anga aia-nâ mu ididi iâ; anga o dibhata dia Izalaiele dia kà a vua, a kala abhika â a mala ni a ahatu, mʼoxi ia Jihova; anga a kà vua oso a a vile ene, a kà tumina o isuéia ia a talesele o hadi.

Izaía 42:6

Eme ngi Jihova, nga ku ixana mu kuiuka kuami, nga-nda ku ku kuata mu lukuaku, anga ngi ku bhaka, hé ngi ku bhana u kale u kikutu kia akua jixi joso ni u kale u mukengeji ua akua-matumbu.

Izaía 43:6

Ngambela mbandu ia suku, ngixi: Bhana! Anga ngambela mbandu ia sulu ngixi: Kana ku a bhaka; ngi bhekedienu anʼami a mala ene dikanga; ni anʼami a ahatu ene kua suku oxi.

Izaía 49:12

Talesa, o iá a kà tunda makanga, o ianá a kà tunda ku suku ni ku mazanga, amukuá a kà tunda kʼoxi ia Sinime.

Izaía 49:17

Anʼê a-nda kuiza lusolo kokué, maji o isuéia ié ni iluami ia ku zemba, momuʼé a-nda kutunda-mu kiá.

Izaía 49:18

Bhetula-ze o mesu mé u kengelele mbandu ni mbandu, tala: ene-osoʼâ a bhongoloka a mu kuiza kokué; nga di-lokela muene, eme Jihova, kuila ene-osoʼâ ua-nda ku a zuata kala kizuatu kia makembu, anga u di-ẋiẋika-nâ kala u díbhanga.

Izaía 66:20

Anga ene a kèza ni jiphange jenu, jene mu kaẋi ka ifuẋi ioso, mu ku a bhakuila Jihova; o iâ ejiia ku jikabalu, o iá mu makalu, ni mu maxila, ni ku jimula, ni ku jikamelu, anga eza kienhiki ku mulundu uami ukôla, ku Jeluzaleme, eme ngi Jihova; mukuâ ni kiene kuiza anʼa Izalaiele kubhakula maujitu mâ mu dibhata dia Jihova, a ʼambatela mu itutu iazele.

Jelemiia 30:10

Ku kale-phe ni uoma, eie mubhukʼami Jakobo, Jihova ua ki tange, eie ue Izalaiele, kana kusasumuka; kuma, tala, nga-nda ku ku bhulula ku jixi ja makanga, ni muiji ué ku ixi ia uhutile uê; anga Jakobo ua kà vutuka dingi, hé ua kà nhoha, ua kà kala muene bhua kondama; ki bhua kà kala u mu kuatesa uoma.

Amoji 9:14

Nga kà katula ubhika ua uhutile ku kifuẋi kia mundu uami ua Izalaiele, jimbonge joso ja bilukile jingundu, ene a kà ji tunga dingi, muene mua kà kala; kia kà dima mivide, vinhu iê a kà i nua muene, kia kà bhanga imbu, ibundu i tunda mu imbu iâ a kà i dia muene.

Mikeia 7:12

Mu kizuuʼokio a kʼèza ko kué tunde ku Asídia katé ni ku jisanzala ja Ijitu, a kà tunda ku jimbonge ja Ijitu katé ku ngiji ia Ufalate, tunde ku musanza ua kalunga katé ku musanza ua mukuá ua kalunga, tunde ku mulundu iú katé ku mulundu iuná.

Ajeu 2:7

Nga kà tungutisa ue miji ioso, anga kua kà tukuluka ió a muinda ku miji ioso, anga inzu iii nga kà izelesa ni fuma, kiene kia zuela Jihova dia Ifuẋi.

Matesu 8:11

Ngi mi tangela-kiu kuma, ku thunda ni ku luiji, kua kà tunda athu avulu a kà xikama mu mbanza ia diulu kumoxi ni Mbalahamu ni Izake ni Jakobo.

Nzuá 4:35

Enu ki muala kuila kuma: Idima kua i kambe ngó mbeji jiuana mu kúbhia? Talesenu, nga mi ambela: Bhetulenu mesu, mu tale kiambote mu mábhia, idima iabhi kiá, iala polondo phala ku i bhongolola!

Jipoxolo 13:44

Kutula mu sabhalu iamukuâ, ku kamba ngó kofele mu mbonge ioso ku di bhongolola mu kuivua o maka ma Nzambi.