Izaía 60:2 - O Mikanda Ikola

² Kuma uamono kitombe kia vungina oxi, kuvunda kua vungina o ifuẋi; maji eie Jihova ua kèza ni kumuika ku thandu dié, o kizûnda kiê a kà ki muena kokué.

Izaía 60:2 ပူးပေါင်းရင်းမြစ်များ

I Jisobha 8:11

Anga jinganga dituta dià fudisa kuimana mu kubhakula sata jâ, mbata o kizunda kia Nzambi kiezalesa inzo ioso ia Ngana.

Jisálamu 102:16

Kioso kia mona Jihova ua tungu dingi Ziione, ua tukulula dingi o kubenha kuê;

Jisálamu 80:1

Tu ivue, eie u Mubidi ua Izalaiele, eie u mukua kuendesa Zuze kala kilunga kia ibhaku; eie ua xikama ku thandu dia jixelubini, muika!

Izaía 2:5

Enu mu dibhata dia Jakobo, zenu; tuendedienu mu mukengeji ua Jihova.

Izaía 4:5

Jihova ua kà bhanga ku thanduʼa mabhata moso ma mulundu ua Ziione ni ku thanduʼa mabhongolokelu mâ moso, dituta mu muanha, ni dixi ni mulengu ua túbhia mʼusuku, mukonda ku thandu dia kizunda kioso kua kà kala kukondama.

Izaía 58:10

se mukua nzala u mu jikuila muẋima, o muthu ua tate u mu dikila; kua-bhu-phe, mu kitombe muenhomo mua-nda ku ku kiela mukengeji, kuvunda kué ku bhiluka kala kumbi dia mediia.

Izaía 58:8

Kienhokio-phe kiene kia kà di-muika mukengeji ué kala kuma kuákie, o kuiluka kué-phe kuà keza lusolo; o kuiuka kué kua-nda kutuamena ku pholo ié, o kuema dié hé ku kaiela o kizunda kia Jihova.

Izaía 62:1

Mukonda dia henda ia Ziione ki nga-nda ku dixibha, mukonda dia henda ia Jeluzaleme ki ngi ximbakata luua; katé ki tomboka o kuiuka kuê kala kubenha, o ubhulukilu uê uiza kala sama ia túbhia ia uama.

Izaía 66:11

phala muámue, mu ikute, ni kukondama kuanzungule, kutunda ku mele mê; nda mu xibhe, mu tane ni kubenha kua kizûnda kiê.

Izaía 8:22

O kia tala mu ngongo, a mona-mu mukondo ni kitombe kila muene buí, o mu thulu mua kà a xita ni kikote, anga aia ni ku a lundujuila mua vundu, muedi buí.

Jelemiia 13:16

Jingisenu Jihova, Nzambi ienu, kiosuʼiki kitombe ki kieza luua, kiosuʼ ʼiki ue o inama ienu kiluua i di bhukajana ku milundu ia vundu, ni usuku uila bui; mu kuila enu mua kingile mukengeji, muene hé u u bilula kizenji kia kalunga, anga u bheka-ku kitombe.

Izekiiele 10:4

Kienhokio o unéne ua Jihova anga u tunda ku thandu dia xelubini iala bhu muelu ua kubokuena mʼonzo; o mʼonzo anga muizala dituta, o mu lumbu muizala ni kubenha kua unéne ua Jihova.

Ijila 9:23

Bhenhobho ni Mozé ni Alá anga a bokona hanji mu balaka ia kutakanena; anga a tunda, hé a bhana o dibesá ku mundu; o kubenha kua Jihova anga ku tukulukila o kifuẋi kioso.

Malakiia 4:2

Maji, phala enu-phe, oso muene mu kuxila Dijina Diami, kua kà mi kiela Dikumbi dia Kuiuka, diene dia kà mi bhekela ubhulukilu, uijiia na-u moxʼa mabhabha mê; enu-phe mua kà tunda, mua kà tuka-tuka mukuâ ni tuana tua ngombe kioso ki tu tunda mu kibhanga kiâ.

Dialuilu 16:19

O Kola anga kilômbo kioso u ki bhongoluela bhu muelu ua balaka ia kutakanena mu kuzoka-nâ; bhenhobho o kubenha kua Jihova anga ku tukulukila ku kilômbo kioso.

Matesu 15:14

A ehiʼenu! Ala atuameneni a ifôfo. Kifôfo-phe, se ki tuamenena kifofo ni mukuá, kiiadi kiâ a-nda kudibhala mu dikungu.

Matesu 23:19

Mu ifôfo! Ki kala kota kiebhi, o ujitu, inga o kalatódio ka kôlesa ujitu?

Matesu 23:24

Mu asonguedi a ifôfo! Mua bhingi kaluhamue katé mua ka kenze, o kamelu-phe mu ka minha!

Nzuá 1:1

Ku dimatekenu kioso mundu kiluua a u bhanga, ku kala o Diambu; o Diambu anga di kala kua Nzambi; o Diambu muène Nzambi.

Nzuá 1:14

O Diambu anga u di bhanga xitu, anga u tunga mu ʼaxaxi ketu, uezala kiadi ni kidi. Etu anga tu mona o unène uê, unène kala ua Mona umoxièlele ua Nzambi.

Nzuá 1:18

Kiluua kukala muthu u mona Nzambi. O Mona umoxi-èlele, kuma muène ue Nzambi, uene bhu jihata ja Tata, muene ua tu tukuluila Nzambi.

Nzuá 8:55

Eme-phe nga mu ijiia. Se ngambele kuma ki nga mu ijiia, ngeju kala ngi mukua makutu, kala enu. Eme-phe nga mu ijiia, eme ngʼ aiuka o maka mê.

Jipoxolo 14:16

Nzambi muène mʼ okulu uehela akua-jixi joso kuenda kioso kia a tumu o miẋima iâ.

Jipoxolo 17:23

Kuma kioso ki ngi kala mu kubhita mu mbongeʼ umu ni kutalesa ididi ienu ia kubhezela, nga sange ue ni kalatodio kuosoneke kiki: Iolumbile Nzambi tua kambe ku Muijiia. Uila kiki, Nzambi uoso muala ku mu bheza sé ku mu ijiia, muène nga mu mi tangela-nê.

Jipoxolo 26:18

Phala ua kà a tonese mesu, a xie mua vundu, a biluke ku mukengeji, a tunde mu ubhika kua Satana, eze kua Nzambi. O mu ku ngi xikana eme, a tambule muloloko ua ituxi iâ, mbé a kale kiá muʼ axaxe ka kibuka kia athu a Nzambi òsole.

II Kolindo 3:18

Uila kiki, etu enoso, ni pholo iofutumune, tu kala mu londekeza o kubenha kua Ngana kala ki bhanga o lumuenu. Kuma o kubenha koko kua mu tunda kua Ngana, muene o Nzumbi. Kuene ku tu kitulula anga tu di fuangana ni Ngana, o mu kienhiki o kubenha kuetu kuia ni kudibandekeza dingi kithangana ni kithangana.

Kolose 1:13

Muene ua tu kula mu ubhika ua usuku, iú ua tu bheka mu Utuminu ua Monʼ ê ua kazola.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.