Izaía 60:18 - O Mikanda Ikola

¹⁸ Mʼoxi ié ki mungu dingi evua-mu o kuhâma, o mu jimbambe jé ki muà kala jingùndu mba kibuika; maji o malumbu mé ua kà mʼexana Kubhuluka, o mielu ié Diximanu.

Izaía 60:18 ပူးပေါင်းရင်းမြစ်များ

II Samuuele 7:10

Mundu uami ua Izalaiele nga a bhana kididi, nga-nda ku a phapha phala a tunge a some, ka bhingi dingi kutáula; isuéia ki i kala dingi mu ku a tatesa kala mʼokulu,

Jisálamu 147:14

Muene ua ku bhana o kutululuka katé kua suku o mbambe ié, muene ua ku bhana o kuikuta ni tiliku ia fina.

Izaía 11:9

Ka kà bhanga-mu kiaiibha mba phulu ioso-ioso, mu mulundu uami uoso, u nga kôlesa; mukonda oxi ioso ia kèzala ni kuijiia Nzambi, kala o menha kiezalesa kalunga.

Izaía 2:4

Muene ua kà tetuluila akua-jixi, ua kà bazela miji ia nzungule; enhá, kuila a xikina kia a bazelʼiki, jixibhata jâ a kà ji kitula matemu, jisosa jâ a kà ji kitula jimvo; ki bhua kà kala dingi ku-di-zengela jixibhata kifuxi ni kifuxi, né ku di-longa dingi kúlua ita.

Izaía 26:1

Mu kizuuʼokio mʼoxi ia Juda à kala mu kuimba mukumbi iú exi: Tuala ni mbanza ia di-fikidila! Nzambi ua i bhana ubhulukilu, ua di bhange malumbu ni imbaka!

Izaía 26:2

Jikulenu mabhitu, phala mu bokone kifuxi kia athu a iuka, kiene ku kuata o kidi.

Izaía 51:19

Ima iiadi iii ua bhiti na-iu muene; mukuahi ua ku kuatela o henda? O kubuika ni kusekala, o nzala ni xibhata! Nanhi ua tena ku ku konda malamba?

Izaía 54:14

Nga kà ku xikika ku thanduʼa uiukilu; o kubhondalala kua kà ku kala dikanga, kuma eie kuà kala dingi ni kekenha ia kima; kimbuua ki ku bhue, kana-ku dingi kizuelu kia kà ku bhixila.

Izaía 56:5

Eme ue mʼonzo iami ni mu malumbu mami nga kà a bhana-mu kididi, ni dijina dia tundu o dijina dia ana a mala ni anʼa ahatu; dijina dinanga, diene di ngʼa bhana kala muthu mudiâ; o dienhidi ki dia kà bhua-ku dingi.

Izaía 60:11

Kala kiki, mabhitu mé ma kà jikuka muene mu thembu joso; né mu muanha mba mu usuku ka kà ma jika; nda mundu a ku bhekele maumvuama ma akua-jixi, kumoxi ni jisobha jâ.

Izaía 60:17

Bhu kididi kia kobidi nga kèza ni ulu, bhu kididi kia felu eme nga kà bheka phalata, bhu kididi kia mabaia a miẋi ngôndo, bhu kididi kia matadi felu; jifixiiadi jé ngi ji bhangesa kukala akua-uembu, o atuminiʼé ngʼa bhanga akua kidi.

Izaía 61:11

Mbata mukuâ ni kikala o mavu a sabhukisa o ngolôngo iê, kala ue o honga ki i fuafuesa ioso ia kuna-mu, kiene ue Ngana Nzambi kia-nda kusabhukisa o kuiuka ni diximanu phala o mbutu ioso ia athu.

Izaía 62:10

Bhitenu, bhitenu bhu mielu; iudikenu njila phala o mundu; sokelesenu, sokelesenu o kikoka, nonenu-mu o matadi; lekenu mvela phala o Huxi.

Izaía 62:4

Ki bhu kala dingi o ku ku luka exi: Na-Ubheka, ni oxi ié ka kà i luka dingi exi, Kibuila; inda a kà ku luka: Ngina-hate; oxi ié-phe exi, Sakani; mbata Jihova ua di-uabhela nʼeie, oxi ié ia kà sakana ni muene.

Izaía 62:7

ki mu di-xibhe, katé kia xikika, kia bhanga Jeluzaleme kukala mbanza ia diximanu kulu dia mundu.

Izekiiele 42:20

Ua zonga muene ku mbandu jene kiuana kiâ; anga kukala o kimbaka kia kondoloka mu jimbandu, kia kexile ni hama jitanu ja lumbungu bhu kutandelela ni hama jitanu ja lumbungu bhu kukula mbé o ku tungula o muthu ua iuka ni mukua ituxi.

Mikeia 4:3

Muene anga ua kà fundisa ni mabatuilu mê muʼaxaxe ka ifuẋi iavulu; ua kà bhana kaxtiku ku miji iala ni kutena, katé ni iii iala ku makanga, enhó anga jixibhata jâ a kà ji sula kiá matemu phala kudima, o mifula iâ a kà i bhanga jimvo; muiji umoxi ki ua kà leka dingi xibhata mu kubhânga jimvunda ni muiji ua mukuá, ka kà di longa dingi kúlua ita.

Sofoniia 3:19

Tala-ze, kuma, mu kizuuʼokio, nga kà a vutuila phulu kua iá ene oso a ku tatesa jinga; nga kà bhulula o inema ioso ala kutenguna; ió oso a a kaie, ene oso nga kà a bhongolola, anga nga kà a kitula diximanu, hé a kà fumana dijina mu ixi ioso mua a bhela jinga o dilebhu ni ku a kuatesa o jisonhi.

Zakadiia 2:5

O Eme-phe, nga kà mu kala ngi kimbaka kia túbhia mu jimbandu; o fuma iê, Eme-muène-muene nga kà kala mu kaxi kê, kiene kia tange Jihova.

Zakadiia 2:9

Mukonda, talenu-phe kiá: Nga kà zenga lukuaku luami ku thandu diâ ene, ene anga a kà kituka mbole ia enhó a kèxile mu ku a bhikila. Kienhókio kiene enu ki mua kà kʼijiia kuila Jihova dia Ilombo muene ua ngi tumu.

Zakadiia 9:8

Anga inzu iami nga kà i xitila mu jimbandu ku ifuẋi ia ita phala ki bhu bhite muthu mba u vutuka; phala o nguma mukua ku a bhondeleka, ka a bhite dingi ku thandu; mukonda o kiki nga di muena-kiu ni mesu mami.