Izaía 60:16 - O Mikanda Ikola

¹⁶ Eie ua-nda kuámua o lete ia akua jixi, anga u di-dikila ni ima i tunda ku mele ma jisobha; anga u kʼijiia kiambote kuma eme ngi Jihova ngi Mubhuludi ué, Mukudi ué, muene Dizonda dia Jakobo.

Izaía 60:16 ပူးပေါင်းရင်းမြစ်များ

Makatukilu 6:7

eme anga ngi mi tambula kukala mu mundu uami, anga ngi kala ngi Nzambi ienu; hinu mu kʼijie kuma eme Jihova, Nzambi ienu, nga tena ku mi katula bhoxi dia imbamba ia mi xina akua Ijitu.

Izaía 1:24

Uila kiki, Jihova, Nzambi ia Ilômbo Ieta, o Dizonda dia Izalaiele, uixi: Sembele nga di-bhângela bhu pholo ia jinguma jami, ku muẋima ni ku ngi zele, o athu a ngi zembe anga ngʼa vutuila phonzo.

Izaía 12:6

Eie ua tunga mu Ziione, imba ni kutana, sanguluka, mbata Dilemba dia Izalaiele, uene momuè, Ukôla.

Izaía 19:20

Kiene ki kala kijimbuete ki bhana umbangi kua Jihova dia Ilômbo Ieta, mʼoxi ia Ijitu; kuma kioso kia kèza kingumba, ene a kà dikola kua Jihova, o muene ua kà a tumikisa Mukudi, ni Mubhangedi, ua kà a kudila.

Izaía 25:9

Mu kizuua kiókio, a kèla: Muenhú muene Ngana, tua mu kingile; ni kutana ni kusanguluka tua kà ku muena mu ubhulukilu uê.

Izaía 29:24

O oso a tondala mu nzumbi, ia ela kuengi, a kà tambula kilunji; o akua kulongolola, a kèjiia ulongelu, kuma a kà xikina kiá ku a longa.

Izaía 33:22

Mbata Jihova muene Mufundixi uetu; Jihova muene Mubhani-a-ngonge ietu; Jihova muene Muenexʼetu, muene ua kà tu bhulula.

Izaía 43:11

Eme, eme-muène ngi Ngana, kana-ku Mubhuludi uengi, kale eme ngó.

Izaía 45:15

Kia kidi kiene, eie-muène u Nzambi, ua di sueka, u Nzambi ia Izalaiele, u Kibhamuenhu.

Izaía 45:21

Kundenu-kiu, Zukamenu, tenu kaiula mudienu, mukuahi ua tenene kuivisa kiki tundé mu xiahulu? Nanhi ua ki ambe tundé ku xiahulu? Abha ki eme-muène Jihova? Ki bhuala ue Nzambi iengi, eme-muène ngó; Nzambi u kala ni muanu ua ku kumbidila, u di-bhanga kibhamuenhu, ka moneka, kale eme ngó.

Izaía 49:23

O jisobha a kà ku sasela ana; ana ilumba a jisobha a kala iledi ié; a kà ku diundila jinga ni pholo bhoxi, a kà ku lesa jinga o fufuta ia inama ié, bhene bhu ua-nda kuijidila kuma eme-muène Jihova, oso a ngi dielela eme, ka tena kukakuka.

Izaía 49:26

O ió a ku bhondeleka ngʼa dikila niʼxitu jâ-ene, a kà kodiua ni manhinga mâ kala maluvu; anga xitu ioso ia kejiia kuma eme ngi Jihova, ngi Mubhuludi ué, Ngi Mukudi ué, ngi Dizonda dia Jakobo.

Izaía 52:6

Mukonda dia kiki, o mundu uami ua kʼèjiia dijina diami, mu kizuua kiná; kuma ememuène nga-nda kuila: Emeʼamiʼú.

Izaía 59:20

Anga kua kèza Mukudi mu Ziione, ni kua iá oso mua Jakobo a diela nʼaxie itondalu iâ, Jihova ua ki tange.

Izaía 60:17

Bhu kididi kia kobidi nga kèza ni ulu, bhu kididi kia felu eme nga kà bheka phalata, bhu kididi kia mabaia a miẋi ngôndo, bhu kididi kia matadi felu; jifixiiadi jé ngi ji bhangesa kukala akua-uembu, o atuminiʼé ngʼa bhanga akua kidi.

Izaía 61:6

Maji enu-phe a kà mʼixana Jinganga ja Jihova, a kà mʼixana Akunji a Nzambi ietu; mua kà dia ku jinzungule ja akua jixi, o mu fuma ia ene enu muene mu mua kà fumanena.

Izaía 63:16

Maji-phe, eiʼeie u Tatʼetu, né-mbe hanji o Mbalahamu ka tu ijiia, o Izalaiele ue ka tu suu; Eie-phe, Ngana, u Jihova, eie muene u Tatʼetu; u Mukudi uetu tundé xahúlu, diene o dijina dié.

Izaía 63:8

Kuma muene uambele, kuila: Ene povo iami mu kidi, ana ka tange makutu, kiene kia di-bhangela Mubhuludi uâ.

Izaía 66:14

Kiki mua-nda kubuingita kala mafe a kindemvuna; bhenhobho lukuaku lua Jihova luà fumanena ku jiselevende jê, muene ua kà thathamena o jinguma jê.

Jelemiia 15:21

Nga-nda ku ku nhangumuna bhu lukuaku lua isuéia, nganda—ku ku bhulula ue bhu lukuaku lua mazonda.

Izekiiele 34:30

Mukonda-phe, ene a kʼejiia kuila, eme ngi Jihova Nzambi iâ, ngala-nâ kumoxi, ni kuila, o jene, ene o mundu uami o dibhata dia Izalaiele, Jihova ua ki tange.

Dijingunuinu 21:24

Akua jixi joso, a kʼènda muʼaxaxe ka mukengeji uê, o jisobha mu ngongo ja kà bheka-mu o matunda mâ.

Dijingunuinu 21:26

O ungana ua akua-jixi, ni umvuama uâ, a kà u bheka muenhumu.