Izaía 60:12 - O Mikanda Ikola

¹² Mbata kifuxi mba utuminu, ukamba ku ku sedivila eie, uà kà jima o mbutu; xi, ifuẋi ienhoio a kà i buikisa muene, taka-taka.

Izaía 60:12 ပူးပေါင်းရင်းမြစ်များ

Dimatekenu 27:29

Athu engi a ku bhikile, Miiji ia kanga i ku bheza; Kala u ngana u tumina phange jê, Anʼa mamʼenu ende ni ku ku diundila. A kale mukua mázui uoso u ku ta eie o mázui A kale ni dibesá uoso u ku bha dibesá.

Jisálamu 108:13

Mu nguzu ia Nzambi tu bhanga muene undanda; kuma muene u titidila o jinguma jetu bhoxi.

Jisálamu 2:12

Bhombenu mona, ki mu kinge kia thathamana; kuma hinu mu diuana ku muia, njinda iê ki i uama kala túbhia. Enhó-phe a zediua oso a dielela kua Muene.

Izaía 14:2

O ifuẋi ia kà a sangesa, anga aia-nâ mu ididi iâ; anga o dibhata dia Izalaiele dia kà a vua, a kala abhika â a mala ni a ahatu, mʼoxi ia Jihova; anga a kà vua oso a a vile ene, a kà tumina o isuéia ia a talesele o hadi.

Izaía 41:11

Talesa, oso a ku kala ni luma, ala ku ku langata, sonhi ja-nda ku a kuata, a kakuka muene; a-nda kujimuka, oso a kuata kuzoka nʼeie, a kà jima mbutu.

Izaía 54:15

Tala-ze, jinguma jê joso né a di bhongolola nʼa ku kitukila, ijiia-kiu kuma ka tundu kokuami; uoso u di ta ku kionge kia ku ku balukila, ua kà dibhala, mukonda nga ku zola.

Jelemiia 12:17

O ki ela-phe nguâ kuivua, muiji uenhó hinu nga kà u vuza hé u bhua-bhu anga nga a jimisa o mbutu, Jihova ua ki tange.

Daniiele 2:34

Eie-phe ki uakuata kukengelela kienhiki, uatukumuka ditadi dia bamuka ku mulundu, sé lukuaku lua di bamuna, di dieza mu di bekula ku inama ia kiteka ia felu ni utuma, o mákanda oso a inama ia a di sasujula.

Daniiele 2:35

Bhenhobho-phe kiá, ni felu ni utuma, ni ngòndo ni phalata kumoxi kiá ni ulu, iene ioso sasu-sasu, anga ikituka kala ibhiate i ala kubhiata bhu mbango, kitembu kia i ambatesa, katé iendelela ni kididi bhu ia kexile ki bhu moneka dingi; maji o ditadi-phe dia nemeka o kiteka, dia di bhange mulundu uonéne, anga uizalesa oxi ioso.

Daniiele 7:18

Maji o athuʼê angene a Suke-ku, ene a kà tambula ungana, anga a u vua kiá muene katé ku hádia ni hádia.

Daniiele 7:27

O utuminu-phe ni ungana, ni ulâmba ua ma-usobha moso, mene bhoxi dia diuluʼabha, a kà u bhakuila o athuʼê angene a Ió ua Suka-ku ku Ukota; o utuminu uâ ene-phe ua kà nangenena, ma-utuminu moso ma kà a bhikila ene, ni ku a beleselela.

Zakadiia 9:10

Muene ua kà jikinisa o makalu ma ita mʼoxi ia Ifalaíme, ni jikabalu ja Jeluzaleme; ni mufula ua ita ua kà u bukula ue; Muene nʼa kà tula jingolokela ja paze ni kutululuka ku akua jixi; o utuminu uê ua kà di zala tunde ku musanza katé ku musanza ua mukuá; tunde ku honga ia Ufalate katé kua suku oxi.

Matesu 21:44

Ku ditadi didi, uoso u dibhala-ku u bukujuka; uoso-phe di mu lundumukina muène, u kituka fufuta.]

Luka 19:27

Jinguma jamiʼ ojo-phe, kʼ andalele eme ni ngʼ a tumine, ngi bhekedienu-nâ bhabha, mu a jibhile bhu pholo iami!