Izaía 60:11 - O Mikanda Ikola

¹¹ Kala kiki, mabhitu mé ma kà jikuka muene mu thembu joso; né mu muanha mba mu usuku ka kà ma jika; nda mundu a ku bhekele maumvuama ma akua-jixi, kumoxi ni jisobha jâ.

Izaía 60:11 ပူးပေါင်းရင်းမြစ်များ

Nehemiia 13:19

Anga ki bhita-phe kuma, o mabhitu ma Jeluzaleme kia bhana kiá o kilembeketa, kuila o sabhalu kiluua i bhixila, ngi tuma o kujika mabhitu; anga ngi tumina kuila ka ma jikule katé sabhalu ia bhiti; anga ngi ta o minzangala iami imoxi-mu bhu mielu, mbé kuila kana kimbamba kioso-kioso ki bokona mu kizuua kia sabhalu.

Jisálamu 149:8

phala kukuta o jisobha jâ ku malubhambu, ni anʼa jingana mu jingidinhá ja felu;

Izaía 24:21

Anga kia kà bhita mu kizuua kieneʼokio kuila: Jihova ue ua kà zungila o ilômbo ia bhulu, mu dinga ni dinga, ni ku jisobha jaʼxi kulu dia mundu.

Izaía 26:2

Jikulenu mabhitu, phala mu bokone kifuxi kia athu a iuka, kiene ku kuata o kidi.

Izaía 49:23

O jisobha a kà ku sasela ana; ana ilumba a jisobha a kala iledi ié; a kà ku diundila jinga ni pholo bhoxi, a kà ku lesa jinga o fufuta ia inama ié, bhene bhu ua-nda kuijidila kuma eme-muène Jihova, oso a ngi dielela eme, ka tena kukakuka.

Izaía 56:7

Eme ue nga kà ambata ku mulundu uami ukôla, anga nga kà a bhangela fesa mʼonzo iami ia kusambela; o mibhaku iâ ia kuoha ni jisata jâ, nga kà ji xikina muene bhu kalatódio kami; kuma onzo iami a kà i ixana onzo ia kusambela phala akua jixi joso.

Izaía 60:18

Mʼoxi ié ki mungu dingi evua-mu o kuhâma, o mu jimbambe jé ki muà kala jingùndu mba kibuika; maji o malumbu mé ua kà mʼexana Kubhuluka, o mielu ié Diximanu.

Izaía 60:5

Eie-phe ua kà ki mona anga u benha ni kusanguluka, muẋima ué ua kà sasumuka, anga u sanzumuka; mbata jinzungule jene mu kizanga kia kalunga ja kà bilukila kokué, o maumvuama ma akua-jixi joso ma kà ku kana éiʼmuene.

Izaía 61:6

Maji enu-phe a kà mʼixana Jinganga ja Jihova, a kà mʼixana Akunji a Nzambi ietu; mua kà dia ku jinzungule ja akua jixi, o mu fuma ia ene enu muene mu mua kà fumanena.

Izaía 62:10

Bhitenu, bhitenu bhu mielu; iudikenu njila phala o mundu; sokelesenu, sokelesenu o kikoka, nonenu-mu o matadi; lekenu mvela phala o Huxi.