Izaía 60:10 - O Mikanda Ikola

¹⁰ O anʼa jithungiembu ene a kà ku tungila o imbaka ié, o jisobha jâ ja ka ku bhikila; mbata nga ku betele kia ngi kuata o kutema, maji mu kulenduka kuami nga ku kuatela jihenda.

Izaía 60:10 ပူးပေါင်းရင်းမြစ်များ

Jisálamu 102:13

Sai bhuoso hinu bhu u balumukina, mù kuata henda ia Ziione; kuma thembu ieza-bhu ia ku mu xinganeka, ua bhixila kiá bhu thembu i ua mu xindi.

Jisálamu 30:5

Kuma o kutema kuê, ku nanga ngó kithangana; o kulenduka kuê ku bhixila bhu suka o muenhu ua muthu! Né-mbe mu usuku, ki ku vunda, tua didi masoxi, kusanguluka-phe kuiza ni kimene.

Izaía 12:1

Mu kizuua kiná, eie ua kà kumbulula, kuamba: Jihova, nga ku sakidila, tata, mukonda, sumbala ua ngi kuatelele njinda, leluʼidi njinda ié iabhu, uala kiá ku ngi konda malamba.

Izaía 49:23

O jisobha a kà ku sasela ana; ana ilumba a jisobha a kala iledi ié; a kà ku diundila jinga ni pholo bhoxi, a kà ku lesa jinga o fufuta ia inama ié, bhene bhu ua-nda kuijidila kuma eme-muène Jihova, oso a ngi dielela eme, ka tena kukakuka.

Izaía 56:6

Oso ue ana a jinzuangiza, a di bandeka kua Jihova, phala ku mu bheza, ni kuzola dijina dia Jihova, kienhiki nʼa kala kiá jiselevende jê … osoʼaluka o sabhalu, sé ku i tondala, ni oso a tambula kikutu kiami ni vondadi.

Izaía 60:3

Ni akua-jixi joso a kèndela ku mukengeji ué, o jisobha ue ja kèndela mu kubenha kua ku muikina.

Izaía 61:2

Ni kukola o muvu ua Ngana ua kubhanduluka, ni kizuua kia phonza i tunda kua Nzambi ietu, ni kukonda o malamba kua enhoso a tate;

Izaía 61:5

Bua kà kala jinzuangiza, ene a disa o ilunga ienu; akua makanga ene a kala idimakaji ienu, ene a tambula konda ia mábhia menu, ma mivide.

Izaía 64:9

Ku thathamane kinéne, Jihova tata, mba u jijila kuxinganeka o itondalu ietu; o kiki, tala etu tua ku diondo, etu-enʼoso tu athuʼé.

Izaía 66:21

O mua ene ue, nga kà tungula-mu amoxi-mu, phala ku a bhanga jinganga ni jilevita, Jihova ua ki tange.

Jouele 2:18

Bheneʼobho Jihova ua kà kala ni muanu uaʼxi iê, kifuẋi kiê ua kà ki kuatela henda.

Zakadiia 6:15

O ió oso ala ku makanga, a kèza mu ku kuatekesa kutunga Tembulu ia Jihova, enu anga mu kʼijiia kuila Jihova dia Ilombo leta, muene ua ngi tumu kokuenu. Kienhiki kia kà bhita, se enu muividila muene kiambote o dízui dia Nzambi ienu.

Dijingunuinu 21:24

Akua jixi joso, a kʼènda muʼaxaxe ka mukengeji uê, o jisobha mu ngongo ja kà bheka-mu o matunda mâ.

Dijingunuinu 21:26

O ungana ua akua-jixi, ni umvuama uâ, a kà u bheka muenhumu.