Izaía 6:6 - O Mikanda Ikola

⁶ Maji selafí imoxi, ia tuka i ieza kokuami, o bhu maku iambata dikala dia uama, ua di nomona ni tanaji bhu kalatódio.

Izaía 6:6 ပူးပေါင်းရင်းမြစ်များ

Makatukilu 25:38

O itokelu iê ni ijiminu i kala ia ulu uòkenze.

Izaía 6:2

O Jiselafí ji mu zenzamena ku thandu; kala selafí ia kexi ni mabhabha masamanu; Maiadi ma futile-nâ o jipholo jâ, maiadi ma futile-nâ o inama, maiadi mamukuá ma kutukila.

Jelemiia 1:9

Jihova iú ua sunununa o lukuaku luê, anga u ngi tuta ku dikanu; anga Jihova u ngambela uixi: Tala, ngi ta maka mami mu kanu dié.

Izekiiele 10:2

Iu ua zuelesa o muthu ua zuata o linhu, uixi: Di-tele mu malola, katé mʼoxiʼa xelubini, u vuote makala a túbhia mu kaxi ka jixelubini, o maku ezala muene, u a muangene ku thandu dia mbonge ioso. Muene hé u bokona muene mu malola, ku mesuʼami a kutala.

Ijila 16:12

A kuate ue o kiómuenu kiezala ni makala ma uama, matundu ku kalatódiko, kua Jihova, o bhu maku uvuota mabhubhu ma iadi ma uasu ua dizumba dinuha kiambote, uótuzale, a bokone-na-u mu ʼxilu dia mvéu.

Dialuilu 16:46

anga Mozé uambela Alá, uixi: Zangula o kiómuenu kié, u-te-bhu o túbhia tua kalatódio, u takuile-bhu o uasu ua dizumba, uie ni kunzunzuna kuala o kionge, ua kà a bhangele o kiamenga; mbata o njinda iavulu ia tundu bhu pholo ia Jihova; o dibhebhu-phe diandeka kiá.

Matesu 3:11

Eme ni kidi, nga mi batizala ni menha mu kudiela; uoso-phe ua ngi kaiela ku dima ua ngi tundu, eme ki nga tokala ngó ku mu ambatela o jihaii jê. Muène ua kà mi batizala ni Nzumbi Ikôla ni túbhia.

Jipoxolo 2:3

Kua a tukulukila ni madimi ma di uanununa kala túbhia tuala kulekujuka, kala muthu kua mu tula o diê ku thandu, ene oso a sokelá-ku.

Jihebeleu 1:14

O kiki-phe, ji-anju kima kiahi bhu pholo iê? Ene oso ala jinzumbi ji sedivila, a a tumu ku sedivisu mukonda dia ibhinganu ia tokala o kubhuluka.

Jihebeleu 1:7

O mu ku tanga o ji-anju-phe, Nzambi, uixi: Nzambi ua bhangesa ji-anju jê kubiluka kitembu, o akua-mbele iê, mulengu ua tubhia.

Jihebeleu 13:10

O jinganga jene mù sedivila mu Tembulu ia jijudé, ka tena kudia ku sata iosatele ku kalatodio ketu.