Izaía 6:2 - O Mikanda Ikola

² O Jiselafí ji mu zenzamena ku thandu; kala selafí ia kexi ni mabhabha masamanu; Maiadi ma futile-nâ o jipholo jâ, maiadi ma futile-nâ o inama, maiadi mamukuá ma kutukila.

Izaía 6:2 ပူးပေါင်းရင်းမြစ်များ

Dimatekenu 17:3

Mbalamu bhenʼobho anga u bhetama o pholo bhoxi, Nzambi anga u zuela-nê, uixi:

I Jisobha 19:13

Anga ki bhita-phe kuma, Elija, kia dʼivu, u futa o pholo iê mu divunga diê, anga u tubhuka bhu kanga, anga uiza hé uimana bhu muelu ua dibânda diê; hé uívua kua mu iza dízui: Elija ua mu bhangaʼhi bhabha.

I Jisobha 22:19

Bhenhobho Mika, uixi: Ivua-phe o kizuelu kia Ngana: Nga mono Jihova ua xikama bhu kiandu kiê, ni kifuẋi kioso kia diulu, kiemana bhu mbandu iê ku lukuaku luê lua kúdia ni ku lukuaku luê lua kiasu.

I Jisobha 6:24

O dibhabha ngó dimoxi dia xelube mu kudizonga di kala ni kóvadu jitanu, o dibhabha dia mukuá ue kóvadu jitanu; kala kiki, tunde bhua tundu o dibhabha didi katé bhua suku o dibhabha dia mukuá dia xelube, mu kuzonga-bhu bhu tena kuinhi dia jikóvadu.

I Jisobha 6:27

Solomá anga u ji tula mu dixilu dia iudika moxiʼa tembulu, hé u ji tula muene kua suku o tembulu mu kaẋi anga o dibhabha dia xelube iii di tuta ku mutôto ua dibhezelu ku mbandu iii, o dibhabha dia xelube iamukuá di tuta ue ku mutôto ua dibhezelu ku mbandu iamukuá, o mabhabha aiadi amukuá a jixelube a di tuta mudiâ mu kaẋi-ni-kaẋi ka dibhezelu.

I Jisobha 8:7

Mukonda o jikelubini mabhabha mâ maiadi a ma oleka ku thandu dia kididi kia álaka, anga jikelumbini ji vungina álaka ku thandu kumoxi ni mikambu iê.

Nehemiia 9:6

Eie Ngana, eie-muène ubheka ué, eie ua bhange o diulu, ni diulu dia madiulu, ni kifuxi kiê kioso; ni oxi ni ima ioso iala-mu; o misanza ia kalunga ni ima ioso iala-mu; eie Ngana anga ene oso u a bhana o muenhu, anga kifuxi kia diulu ki kala mu ku ku bheza.

Jobe 1:6

Kueza kizuua kimoxi, anʼa Nzami eza mu ku di bhakula bhu pholo ia Jihova, Satana ueza ue mu kaẋi-kâ.

Jobe 15:15

Tala, Nzambi katé ni jisandu jê, ka ji dielela, né-mbe o diulu, ku mesu mê ki diala ni kuzela,

Jobe 4:18

Tala-ze, kuma Nzambi kate ni oso a mu bhikila ka a dielela, kuma ni ku jianju jê u mona-ku uoua.

Jisálamu 103:20

Tanesenu Jihova, mu ji-anjo jê; mu mazonda, mua xikamena muene ku mi tuma, muène mu tumaka izuua ioso o dízui diê.

Jisálamu 104:4

Muene, jiphunga jê ja katula, o milenge; o makuenze mê, milengo ia túbhia.

Jisálamu 18:10

U endela ku xelube, u tuka hé u bhita bhulu, u diona ku mabhabha ma kitembu.

Jisálamu 89:7

Nzambi ukôla, mu kionge kiê kia ji-anjo! Munéne! U kuata uôma! Ene oso a mu kondoloka mu mbèle iê, a mu xila kiavulu!

Makatukilu 25:20

Jixelube jiji jʼòleka o mabhabha mâ bhulu, anga ji vungina o kibhuna kia kiadi ni mabhabha mâ, jene kiiadi kiâ ji di bhana jipholo; o jipholo jâ ji bhetamene-phe ku kibhuna kia kiadi.

Makatukilu 3:6

U kumuna dingi, uixi: Eme ngi Nzambi ia tatʼenu, ngi Nzambi ia Mbalahamu, ngi Nzambi ia Izake, ngi Nzambi ia Jakobo. Mozé anga u di futa o pholo iê; kuma uala ni uoma ua kutala mesu kua Nzambi.

Makatukilu 37:9

Jixelube anga ji oleka mabhabha mâ bhulu, ja vungina kibhuna kia kiadi ni mabhabha mâ, jiiadi joso ja di bhana jipholo; pholo jâ ue u ji bheteka ji lunga ku kibhuna kia kiadi.

Izaía 6:6

Maji selafí imoxi, ia tuka i ieza kokuami, o bhu maku iambata dikala dia uama, ua di nomona ni tanaji bhu kalatódio.

Izekiiele 1:11

O jipholo jâ ni mabhabha mâ, ku thandu, ja di kexidila; kala xelubini o mabhabha mê a di-kexidila kiiadi-kiiadi kumoxi, o aiadi a mukuá ene a di vungu na-u o mikutu iâ.

Izekiiele 1:24

O ene kiʼaia ni kuenda, ngʼevu kinuminu kia mabhabha mâ kala kinuminu kia dibhubha dia menha a vulu, mukuâ ni dízui dia Ió ua Tena-Ioso, dízui dia mutendu ua dikota, kala muxindu ua masoladi a mondala jikabalu; kioso kiemana, o mabhabha mâ mʼòlekele a ma tulula.

Izekiiele 1:4

Mu kutala, nga mono kitémbue kia nguzu kiala mu kuijiia ku mbandu ia suku, ni dituta dia dikota ni túbhia tuedi kala kitumba kia mu uama; o mu jimbandu jê anga mu di-muika, o mu kaxi kê mu kala kima kia kidifua kia kìphembe, ki kala mu tunda mu túbhia.

Izekiiele 1:6

Ene anga a kala ni jipholo jiuana-jiuana, ni mabhabha auana-auana.

Izekiiele 1:9

O mabhabha eneʼâ aia ni kudibudika kiiadi kiâ; ka lunguluka kioso kia kala mu kuenda; muthu uendela kuoso kua lungila o pholo iê.

Izekiiele 10:16

O jixelubini ki jiia ni kuenda, o malola aia ni kuendela-nâ kumoxi; o jixelubini kioso ki ji oleka o mabhabha mâ phala kuzangumuka bhulu, ni malola ue kà di muangununanâ.

Izekiiele 10:21

Ene oso a kala ni pholo jiuana ni mabhabha auana kala muthu, o kidifua kia lukuaku lua muthu ki kala moxiʼa mabhabha mâ.

Daniiele 7:10

Bhu pholo iê bhu kunguluka ngiji ia túbhia. Jimidi ja jimidi ja kuata ku mu xibhidila, jifuku ni jifuku jemana bhu pholo iê. Kufundisa kueza-bhu, madivulu a ma jikula.

Daniiele 9:21

O ki nga kuata o kuzuela kiki ni kusamba, o dikuenze Ngabidiiele, nga mu muene mu kisuma kiami kia kuandekela, ueza ni kutuka malusolo, bhu kumbi dia sata ia ngoloxi, ua bhiẋila, u ngi kuata lukuaku.

Zakadiia 3:4

Bheneʼobho mu kuzuela anju uambela iá a kexi bhu pholo iê, uixi: Mu katudienu izuatu iii ia xidi. O muene ue ua mu tangela, uixi: Tala, nga bhangesa kuila o ikuma ié i ku somboka, nga-nda ku ku zuika izuatu ia ubhe ia makembu.

Luka 1:10

O kifuẋi kioso kia diembu anga ki kala bhu kanga mù samba, kiso nganga Zakadiia kia kala mu bhakula o fumasa ia dixi dia dizumba.

Jihebeleu 1:7

O mu ku tanga o ji-anju-phe, Nzambi, uixi: Nzambi ua bhangesa ji-anju jê kubiluka kitembu, o akua-mbele iê, mulengu ua tubhia.

Dijingunuinu 14:6

Anga ngi mona anju iamukua ia mu bhita bhulu, ia di lèka, o bhu ala kubhitila, uasu o mbambe ni diulu. Uambata o jingolokela ji xalelà-ku ja Njimbu Iambote, phala ku ji kolela athu oso a tungu mu ngongo, ku ifuẋi ioso, ni miji ioso, ni madimi, ni madiembu.

Dijingunuinu 4:8

Kala kiama ki kala ni mabhabha masamanu ezala mesu ni moxi ni ku kanga. Muanha ni usuku ki iene kunhoha, ia kuata kuila: U kôla, u kôla, u kôla, Ngana Nzambi Muteni-a-ioso, ua kexile-ku, kiki iú-é, hádia muene uà kala-ku!

Dijingunuinu 7:11

Bhenhobho ji-anju joso jemana, ja bhake o kiandu bhu kaxi, ni ikulakaji, ni iama iuana ia muenhu. Anga ji di bhala ni jipholo bhoxi bhu pholo ia kiandu, hé ji sambela Nzambi,

Dijingunuinu 8:13

Bhenhobho ngi mona hé ngʼívua o holokoko bhu iala kubhitila, iasu o mbambe ni diulu, i zuela ni dízui dia dikota, iexi: Lamba! Lamba! Lamba, dia ene oso a tungu mu ngongo, mukonda dia mázui ma jikoloneta ja anju jitatuʼojo, kiluua ji xika!