O athu oso dingi a subhukile ku kifuẋi kia mundu mu mbonge, kumoxi ni iá a ẋinukine ia di-bhakula kua sobha ia Babilónia, ni amoxi dingi a subhukile ku kifuẋi, Nebuzaladane, o kabhitangu ka kilangidilu ua a kutu iú uai-nâ.
Anga sobha ia Babilónia u a kuamena bhu Dibaia bhenhobho hé u a jibhila mu ixi ia Hamate; Juda hé a mu katula mu ixi iê anga a mu bheka kuengi mu ubhika.
Eie Jihova, mundu iú ua a sokolola, ua u vudisa muene: Nʼeie ua jingi dingi kiengi; maji o ki uiza-ku-phe, ua a tande dikanga, katé ua a uanena ku maẋiokololo moso maʼxi.
Nga kʼivu ni mátui mami, kia ki zuela Jihova dia Ilombo Ieta, uixi: Kutanga o kidi, nga-nda ku sengulula muene jinzu janzungule, katé ni mazemba mʼònene ma-ndu xala jingundu.
Ku mutendu ua akua jimonde ni ifanda ia mifula, jisanzala joso muene ja-nda kulenga; a-nda kuia mu mazalakata, ni ku kanduka ku matadi; jisanzala joso ja-nda ku xala jingundu, ki bhu kala dingi muthu u tunga-mu.
Nga kà jikinisa muene ni athu ni iama, nga kà jima jinjila ji bhita bhulu ni jimbiji mu kalunga, nga kà jimunaku o idibhukanu ioso kumoxi ni iá abhukumuka; Jihova uixi: Nga kà muanga athu oso, kulu dia mundu anga abhua-ku.
Mukonda kioso o Jijudé kia a kaie, o mundu ua biluka makambʼ a Nzambi. Kia kà bhita-phe kiebhi hinu Jijudé kia kà a xikina dingi? Kia kà kala muenhu phala oso afu kiá!
Jihova ua ka mi muangena muʼaxaxi ka miji ioso tunde kua tundu oxi ʼté ku maẋokololo ku iasuku; o kuenhoko kuene kiua ku ua kà bhikila o jinzambi jengi, ja bhingi nʼeie ni jitata jé kiluua mu jʼijiia ngó; jinzambi ja miẋi ni ja matadi.