Izaía 6:10 - O Mikanda Ikola

¹⁰ Mbata o muẋima ua mundu iú, uakolokota, mátui mâ, ma kokoloka kuívua; mesu mâ a ma jika; kuiengesa o kumona ni mesu, kuívua ni mátui, kuijiia ni muẋima, nʼalunguluke dingi, Eme ni ngʼa sake.

Izaía 6:10 ပူးပေါင်းရင်းမြစ်များ

Jisálamu 119:70

Ene mixima iâ ia nete kala banha, ki i moneka kiáxi; eme-phe ngonge ié iene ia ngi kala mu vondadi.

Jisálamu 17:10

Enhó a bumbu ni kuneta, kʼevu kima; maka ma dikanu diâ ma izala ioso.

Jisálamu 69:23

Mesuʼâ a kale ni kavunda, mbé a lémbue kumona; o miongo iâ i kale jinge ni kuteketa a lémbue kuenda.

Makatukilu 10:27

Maji-phe Jihova ua kolesʼê o muxima ua Falaó, ka ẋikina ku a eha.

Makatukilu 11:10

Ni Mozé ni Alá ene a bhange o isuma ioso iii bhu pholo ia Falaó; Jihova-phe ua kolesa o muxima ua Falaó, o kueha anʼa Izalaiele kutunda mʼoxi iê, ka ẋikina ku ki bhanga.

Makatukilu 14:17

Eme-ze ngi kolesa o miẋima ia akua Ijitu, phala ene uâ a kutuke-mu mu ku a kaiela; bhenhobho ngi tambula fuma ku thandu dia Falaó, ni ku kilômbo kiê kioso, ni makalu ê a ita, ni kavalelu jê.

Makatukilu 7:3

Eme-phe ngi kolesa o muxima ua Falaó, ngi vudisa ijimbuete iami ni madiuanuʼami mʼoxi ia Ijitu.

Jisabhu 16:30

Muthu uaiibha kieza kufunha o isunji, ku mesu u badikinha-ku; uila u di kokota ku mizumbu-phe, phulu ua i bhange kiá.

Ndongixi 3:3

Sai thembu ia kujibha, ni thembu ia kusaka (kutumba); thembu ia kubula, ni thembu ia kutunga.

Izaía 19:22

Jihova anga ua kà kuama akua-Ijitu, hé u a saka ue; anga ene a kà bhiluka kua Jihova, o muene ki evua misambu iâ, henda i mu kuata, hé u a bhana o kudisanza.

Izaía 28:13

Uila kikiphe, o kizuelu kia Jihova kua ene, kia kà kala ngonge mu ngonge, ngonge ku thandu dia ngonge; phangu ku phangu, phangu ku thandu dia phangu; kama bhabha, kama bhaná; nda aie, a dibhale ni dima, o kia-nda kuila a zoza, a fue bhu mubhetu, nda a a bhange jipelezo.

Izaía 29:10

Mbata Jihova ua mu lunduluila nzumbi ia kilu kia muioko-ioko; o jipolofeta ja di bhange ene o mesu menu, a a jika; ni ilôlo ienu, akua-lumono, kiòmuene.

Izaía 29:14

Uila kiki, eme hanji ngi kolokota ni kukalakala kima kia madiuanu muʼaxaxi ka mundu iú; ngi bhanga kisunji nda adiuane, kuma o unjimu ua jinjimu jâ, ua kà jikinina, o kuijiia kua jingânji jâ kua kà suama.

Izaía 29:9

Kokolokenu, mu diuane! Sangulukenu, mu dikole! A kodiua, maji ki vinhu ia a kodiuisa! A bhendujuka muene, maji ki ualende ua ki bheka.

Izaía 44:18

Kejiia kima, kene ku tongolola; kuma ua a xiti mesu, a lémbue kumona, ni miẋima iâ ue, a lémbue o kuijiia.

Izaía 63:17

O kiki-phe, Jihova ua tu luezesa kiebhi o kuenda mu jinjila jé? o muẋima uala ku tu kolesa-u kiebhi, phala tu lémbue ku ku xila? Mu henda ia selevende jé, vutukisa o miji ia undundu ué.

Jelemiia 17:9

O muẋima ua muthu u bhomba kinéne, ima ioso ndenge, ua bhukumuka kiavulu: mukuahi u tena ku uijiia?

Jelemiia 5:21

Kindala ivenu-kiu-ze, enu mu mundu ua tekuka, mua kamba o muẋima, muedi mesu muala-nâ, maji mu tokoka o kumona, o matui mualanâ, maji mu tokoka o kuívua.

Jelemiia 6:10

Enu mala, mukuahi ngi mu tela maka hé ngi mu bhela umbangi, nʼevue? Talesa, kuma ene ala ni mátui a musununu a lémbua kuivua; tala-phe, kuma o maka ma Jihova, phala ene, kima kia jisonhi; ka ma uabhela.

Kuditenda 3:65

Eie u a bhana o ufuófuo ua muẋima, mázui mé nda ma tule ku tandu diâ.

Zakadiia 11:15

Jihova anga u ngambela, uixi: Tambula hanji ingolongondo ia mubidi ua kiôua.

Zakadiia 7:11

Ene-phe anga a ditunʼâ kuívua, mu kubhukumuka kuâ a ngi bhana dikunda, mátui mâ a ma jika phala a lémbue kuívua.

Matesu 13:15

Mbata o muẋima ua mundu iú ua kolokota, Mátui mâ ma kokoloka kuívua, mesu mâ a ma jika; ku lengesa o kumona ni mesu, kuívua ni mátui, kuijiia ni muẋima, nʼa lunguluke dingi, eme ni ngʼa sake.

Nzuá 12:40

Nzambi muene ua a fuisa mesu, iú ua a kolesa o miẋima; kuiengesa kuila ka mone ni mesu, nʼ a tongolole ni muẋima, nʼ a lunguluke dingi, eme ni ngʼ a sake.

Jipoxolo 28:27

Mbata o muẋima ua mundu iú ua kolokota, ene o matui mâ a ma xiti, o mesu mâ a ma jika. Hé ki kiene, eji kumona ni mesu, kuivua ni matui, kuijiia ni muẋima, nʼ a lunguluke dingi, eme ni nga a sake.

Jipoxolo 3:19

Enu-phe dielenu, muenhu uenu u biluke, mu vutuke kua Nzambi, o muène ituxi ienu phala a mi jimune-iu.

II Kolindo 2:16

Phala ió a texika, di kala dizumba diaiibha, di bhekela kalunga. Phala iá a bhuluka, di kala dizumba di nuha kiambote, di bhekela muenhu. Uila kiki, nanhi uala ni kutena kua ku bhanga o kikalakalu kiki?

Matendelelu 2:30

Sihone-phe, sobha ia Hezebone, nguê ku tu ehela kubhita moxi iê, mukonda Jihova Nzambi ié ua kolesa o muxima uê, iú ua bhukumuka, phala o ku mu bhana bhu lukuaku lué, kala ki ua di muena lelu.

Matendelelu 29:3

Ijimbuete iamakota ia kidi, eie ua di muena-iú; ni isunji ni madiuanu mònene,

Matendelelu 29:4

maji-phe Jihova ka mi bhana o muxima ua kutetuluka, ni mesu phala kumona, ni mátui phala kuívua katé mu kizuua kia lelu.

Matendelelu 31:20

Mbata kioso ki nga-nda ku a tula mʼoxi i nga lokela jitata jâ, oxi i zunzumuka lete ni uiki, kia-nda kúdia, kia-nda kúnua, anga a neta mukonda dia jimbote ji nga-nda ku a bhana a-nda kulungulukila ku jinzambi jengi, anga a ji sedivila, a-nda ku ngi thathamesa, o kikutu kiami ki nga te-nâ a-nda ku ki bula.

Matendelelu 32:15

Maji Kazola kami kia zubha kiá o kuneta, kua mu iza kiá kubhana isènde: Ua nete, ua hangula! Ua di dikila ni ima ianete! Iu uaxʼiê kiá Nzambi iê, ua mu bhanga. Uate dikunda ku Tadi dia Muenhu uê, di mu bhana o kubhuluka!