Izaía 6:1 - O Mikanda Ikola

¹ Muvu uafu sobha Uziia, nga mono Jihova ua xikama bhu kiandu kia lebha, kia di-leka; o kilômbo kia makuenze mê, anga kizalesa o Tembulu.

Izaía 6:1 ပူးပေါင်းရင်းမြစ်များ

I Jisobha 22:19

Bhenhobho Mika, uixi: Ivua-phe o kizuelu kia Ngana: Nga mono Jihova ua xikama bhu kiandu kiê, ni kifuẋi kioso kia diulu, kiemana bhu mbandu iê ku lukuaku luê lua kúdia ni ku lukuaku luê lua kiasu.

II Jisobha 15:7

Anga Azadiia uzeka ni mukànda ua mavu kala o jitata jê, hé a mu funda bhuamoxi ni jitata jê mu Sanzala ia Davidi; anga Jotamu dia monʼê u hinga ungana bhu kididi kiê.

II Malunda 18:18

Muene uixi dingi: Ivuenu-phe o kizuelu kia Jihova: Nga mono Jihova ua xikama bhu kiandu kiê, o kifuẋi kioso kia diulu kiemana ku mbandu iê ia dilu ni kumbandu ia kiasu.

Jobe 42:5

Ngana, ki nga kuijidile kiambote, nga kuívua jinga ngó ni mátui mami; maji o kiki, mesuʼami ala ku ku mona.

Jisálamu 108:5

Zangalala, Ngana, u Nzambi, ku thandu dia maúlu, o fuma ié i tunde o fuma ioso mu ngongo.

Jisálamu 113:5

Kadi nanhi, u soka ni Jihova, Nzambi ietu? uala ni kiandu kiê bhu ditala dia di leka.

Jisálamu 46:10

Mu batama, phala mu kʼijiie kuma eme ngi Nzambi; eme-muène ngi jînga muʼaxaxi ka matumbu; eme-muène ngi zangalala ue mu ngongo ioso.

Makatukilu 24:9

Kia zubha kubhanga kiki, Mozé ni Alá a banda ni Nadabe ni Abihu, ni makuinhi sambuadi a adiakime a Izalaiele;

Izaía 1:1

Kisuma kia muene Izaia, monʼa Amoji, kia tokala Juda ni Jeluzaleme, mu izuua ia Uziia, ni Jotamu, ni Akaze, ni Ezekiia, jisobha ja Juda.

Izaía 12:4

Bhu kizuua kieneʼokio, mua kèla: Sakidilenu Jihova, diondenu mu dijina diê, tangenu muʼaxaxi ka mundu ikalakalu ia maku mê, tangenu-kiu muene kuma dijina diê kujinga kuahi!

Izaía 57:15

Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Izaía 66:1

Jihova uambe kiki: O diulu kiandu kiami, oxi kibhuna kia inama iami; enu mu ngi tungila onzo ia kidifua kiahi? Kididi ki kuebhi ki ngi nhohena?

Izekiiele 1:1

Ku muvu ua makuinhi a tatu, mu kizuua kia katanu ku mbeji ia kauana, anga ki bhita kuila, kioso ki ngala mu kaxi ka jihutile, bhu ndundu ia ngiji ia Kebale, maúlu a jikuka eme hé ngi mona isunji ia Nzambi.

Izekiiele 10:1

Kienhokio-phe ki nga tale nga mono kuila ku diulu dia kexile ku thandu dia mítue ia jixelube kua tukuluka ku thandu diâ, kima kala ditadi dia Safídia, kia moneka kala kídifua kia kiandu.

Izekiiele 10:4

Kienhokio o unéne ua Jihova anga u tunda ku thandu dia xelubini iala bhu muelu ua kubokuena mʼonzo; o mʼonzo anga muizala dituta, o mu lumbu muizala ni kubenha kua unéne ua Jihova.

Daniiele 10:17

Selevende ié-phe, Nganʼami, tata, ki ngalʼiki, ngi tena kiebhi kuzuela ni Ngana iami ió? Mukonda nga bulukuta, nguzu ki ngala na-iu dingi, o muha ngó ua kubhuima iú u ngi-bhua kiá moxi.

Daniiele 7:9

Eme nga kexe-phe mu kukengelela, katé kia bheka iandu, a i tula, anga Mukulu-ua-Ndamba uxikama. O kizuatu kiê kizela kala neve, o kindemba ku mútue uê kala lâ iazele kiambote; kiandu kiê milengo ia túbhia, o malola mê túbhia tua muzukuta.

Dialuilu 12:8

Muene ngi zuela-nê kanu ni kanu, ki jimbuluka muene, ki ki kala ngó mu ifika; kidifua kia Jihova u ki mona; enu-phe mua kambela-hi uoma ua kuâmba mubhikʼami, kuamba Mozé?

Matesu 25:31

Mu kuzubha maka Jezú uixi: Kià keza Monʼa Muthu-phe, ni ungana uê, kumoxi ni ji-anju joso, ua kà xikama ku kialu kiê kia ungana.

Nzuá 1:18

Kiluua kukala muthu u mona Nzambi. O Mona umoxi-èlele, kuma muène ue Nzambi, uene bhu jihata ja Tata, muene ua tu tukuluila Nzambi.

Nzuá 12:41

Imʼiíi Izaia ua i tangele, mukonda ua muene ungana ua Jezú, iu ua mu tumbula.

I Timote 6:16

Muène ngó ubhekèlele uê uavu o muenhu ki uene mbambe. Nzambi ua tunga mu mukengeji ki u xikina ku u bhixila. Nuka muthu ua mu muene, ka tena ku mu mona. O ujitu ni uzonda sè dizubhilu, u kale jinge uangene ua muène! Amén.

Dijingunuinu 15:8

Tembulu anga izala ni dixi dia tundu mu kubenha kua Nzambi ni kusuina kuê. Kana-bhu ua tena kubokona mu Tembulu, katé o sambuadi dia mabhebhu ma kuata sambuadi dia anju ma zubha kubhita.

Dijingunuinu 20:11

Kia bhiti imʼíii, nga mono kiandu kia dikota kizela, ni muène ua xikama-bhu. O mu kulenga pholo iê, oxi ni diulu ia jimuka, ki ia moneka dingi ku mesu.

Dijingunuinu 3:21

Uoso u tolola, ngi mu bhana o kuxikama nʼeme bhu kiandu kiami, uila eme ki nga tolola, eme nga xikama ni Tata iami bhu kiandu kiê.

Dijingunuinu 4:10

o makuinhi aiadi a kikulakaji ni iuana, a di bhala bhu pholo ia Muène ua xikama bhu kiandu, hé a mu bheza uene ni muenhu uê mu mivu ia kambe dizubhilu. Hé a takula itundu iâ bhu pholo ia kiandu, exi:

Dijingunuinu 4:2

Kithanganʼokio anga ngi kala mu Nzumbi. Ngi talesa kiandu a ki xikika mu diulu, sai-ku ni ió ua xikama bhu kiandu.

Dijingunuinu 4:3

Muène ua xikama bhu kiandu, ku mu tala mesu, uedi kala ditadi dia jáxipe ni dia salado mu kubenha. Anga kukala hongolo ia kondoloka o kiandu, kidifua kiê mukuâ ni ditadi dia zemelada.

Dijingunuinu 4:9

Kithangana ni kithangana, kioso o iama iuana ki i bhana fuma ni ujitu, ni kusakidila ió ua xikama bhu kiandu, uene ni muenhu uê mu mivu ia kambe dizubhilu,

Dijingunuinu 5:1

Anga ngi mona divulu dia dilanda bhu lúkuaku lua dilu lua ió ua xikama bhu kiandu, dia di fu ni dilanda diòuinge, diosoneke ni moxi ni ku kanga, iá a di jika ni sambuadi dia kidimbu.

Dijingunuinu 5:7

O Kambudi muène anga u bhixila, hé u tambula o divulu bhu lúkuaku lua dilu lua ió ua xikama bhu kiandu.

Dijingunuinu 6:16

Anga a dionda o milundu ni jindanji, exi: Tu lundumukinienu, mu tu sueke ku mesu ma ió ua xikama bhu kiandu, ni mukonda dia njinda ia Kambudi!