Izaía 59:9 - O Mikanda Ikola

⁹ Mukonda dia kienhiki, o kuiuka kua tu kala dikanga, o kulúnga ki ku tu bhixila; tuendile mukengeji, maji tala, kua tu iza ngó kitombe; tuendile kubenha, maji tua mu kuendela mua vundu.

Izaía 59:9 ပူးပေါင်းရင်းမြစ်များ

Jobe 19:8

O njila iami muene ua i xiti, nga lémbua kubhita; o mu tu njila tuami ua te-mu kuvunda ni kitombe.

Jobe 30:26

Mukonda dia kiki, nga kexi-phe mu ku kinga o mbote, maji, tala, kua ngʼiza jingongo, nga kinga jinga mukengeji maji kua ngʼiza kitombe.

Jisálamu 82:5

Ene kejiia kima, ka tongoloka, athu engajaka ngó muʼavundu; jingunji ja kuatele o ngongo ja-lu sota kudibhala.

Jisabhu 4:19

O njila-phe ia akua kubhanga kiaiibha mukua ni usuku-ua-nzumba; a di bhukana ku kima, maji ka kʼijiia mba kima kiahi.

Izaía 5:30

A kà a tela nzôngo bhu kizuua kieneʼokio, kala kinuminu kia menha a kalunga, se bhu kala muthu u tala mu kanga, ua kà mona ngó kuvunda, ni mukondo; o mukengeji ua kà biluka kitombe mu jingundu jâ.

Izaía 59:11

Etuʼenhoso tua mu dila kala itôto, o kukema kuetu kala membe, kua kalé kiá; tua kingile o kulúnga maji ki kua moneka; tua kingile kubhuluka, maji kua tu kala dikanga.

Izaía 59:14

Kienhiki o ufundisilu ua kidi ua vutuka kuema, o kuiuka kua di takula dikanga, mukonda o kidi mu nzunga kia muia ni ku-dibhukana, o ku sokelela ki ku xikina ku bokona.

Izaía 59:8

Njila ia kutululuka a lémbua ku ijiia, mu makànda mâ ku sange-mu kutetuluka; o njila jâ ja kubhengalala a di bhangela-ju ene-muène, uoso uendelamu ka tena kumona dinhohenu.

Izaía 8:21

Mu ngongo a kà bhita-mu ni hadi ia vulu ia ku a tatesa, ni nzala; o kia-nda ku a bhondeleka o nzala, njinda ia a kuata, o kia tala bhulu, a kà lebhula sobha iâ ni Nzambi iâ.

Izaía 8:22

O kia tala mu ngongo, a mona-mu mukondo ni kitombe kila muene buí, o mu thulu mua kà a xita ni kikote, anga aia ni ku a lundujuila mua vundu, muedi buí.

Jelemiia 13:16

Jingisenu Jihova, Nzambi ienu, kiosuʼiki kitombe ki kieza luua, kiosuʼ ʼiki ue o inama ienu kiluua i di bhukajana ku milundu ia vundu, ni usuku uila bui; mu kuila enu mua kingile mukengeji, muene hé u u bilula kizenji kia kalunga, anga u bheka-ku kitombe.

Jelemiia 14:19

Kifua Juda ua mu dituninʼaku kiá muene? Inga muenhu ué ua di kumu kiá ni Ziione? Ua tu kuamena-hi, nʼukambe o ku tu saka? Tua kingile kutululuka, mbote-phe ki ia moneka; tuedile tuexi kithangana kia kuiluka kieza, kiki-phe kueza kavuanzá!

Jelemiia 8:15

Tua kinga o kutukuluka, maji kia uabha ki kia moneka; tua kinga o kithangana kia kuiluka, maji kua tuiza dinhengena!

Kuditenda 3:2

Muene ua ngi zangula iú ua ngí batesa mu kitombe, ki mu mukengeji, kana.

Kuditenda 4:14

A babajala mu kuenda kala ifofo mu jinzunga, a di kasanesa ni manhinga; Ki bhinga-phe muthu ka tena kubabata ku izuatu iâ.

Amoji 8:9

Jihova ua zuela, uixi: Ki a kàia-phe kuma, mu izuua mueneʼomo nga kà bhangesa kuila o dikumbi dia kà tula mu muanha ua mediia, o ngongo ia kà vunda ni kitombe mu kumbi hanji dia muanha uatu.

Mikeia 1:12

Mukonda monʼa muhatu ua tunga bhu Malote, uene mu kuinda o mbote; mbata o divuua dia tundu kua Jihova, dia bhiẋila katé bhu muelu ua Jeluzaleme.

Habakuke 1:13

Kuzela kuene, Ngana, ku mesu mé, kuma Eie kutené kuiala ima iaiibha mba kutonginina kioso athu kiala kutatesa akuá; abha-phe, Ngana, u lendukila kiebhi athu a bhanga kiaiibha, anga u dixibha muene kioso mukua ituxi kia minha ió ua beta kuiuka kiambote, o muene ndenge?

I Tesalonika 5:3

Bhuala kuila athu: Kuma kua batama, kua tululuka, a kà tukumuka kibuika kiâ kia tula! Kia kà kala ue mukuâ ni muhatu ki mu kuata o mika ia kuvuala, kana bhuma bhua bhitila nʼa lenge.