Izaía 59:6 - O Mikanda Ikola

⁶ Uandanda uâ ki u xikina ku u bhanga kizuatu, midimu iâ ka kà tena ku divunga-iu; midimu iâ midimu ia ituxi, o bhu maku mâ bhuezala ibhangelu ia usuéia.

Izaía 59:6 ပူးပေါင်းရင်းမြစ်များ

Dimatekenu 6:11

Ixi anga i kala iasekala bhu pholo ia Nzambi, mungongo anga muizala usuéia.

Jobe 16:17

sumbala bhu makuʼami ki bhuala kusuína, o musambu uami ua iuka muene.

Jisálamu 55:11

U sanga muala usuéia uoso; o mu nzunga iâ nuka mu kamba mauiii ni makutu.

Jisálamu 58:2

Kana, ku mixima ienu kuala ndunge ja mangonha; mu ngongo maku enu ezalesa-mu ni kusuína ni kubhûnda.

Izaía 30:1

Jihova uambe, uixi: Kokolo dia ana oso a bhukumuka, a mu tambula phangu kuengi, o kokuami kana; ia a di futu ni divunga diengi, ki diene dia tundu kua Nzumbi iami; mbé o ku bandekeza kituxi ku thanduʼa kituxi.

Izaía 5:7

Mbata o díbhia dia muvide ua Jihova dia Ilombo Ieta phe, o dibhata dia Izalaiele; o athu êne mu Juda, ene o phaphu iambote ia phaphe-mu; Jihova phe ua dielelele kuila ende ni kubhanga ima ia kuiuka, maji talesa hanji o ungumba uâ! Bhua kingile o kidi, o kuiuka, bheza ngó jingololo!

Izaía 57:12

Eme nga-nda kutadika kuiuka kué, ni ikalakalu ié ia kingoho ki ia-nda ku ku bhandulula ni kima.

Izaía 58:4

Talesenu, kuma enu mua mu jidila jimvunda ni jiphata, hé mu di-bhana jihome sè ku di-kuatela henda … kana kujila dingi kala ki mua bhange leluʼiki, ni kusuinisa dízui phala ku mʼivua makanga.

Izaía 64:6

Kuma etu-oso tuedi kala kima kia sotama, mauiukilu metu moso medi kala dikoza diala mu nuha kibuzu; etu-oso tu lalumuka muene kala mafe ma kukuta, o ikuma ietu iala ku tu kungulula kala kitembu kia tu ambatesa.

Jelemiia 6:7

Kala o fixi ki i tubhula o menha mê, ni muene kiene kia kuata ku tubhula o phulu iê; momuê mua kalé kiá o undanda ni kuzanga; ni uhaxi, ni jifidila jenhé kiá bhu pholo iami.

Izekiiele 18:12

ni kubhondeleka o phulungu ua tate, ni kunhana, o kia mu ximbikila ku dikongo ka xikina ku ki vutula, uenda ni kuzambula mesu mê ku mahamba, ni kubhanga ima ia isunji;

Izekiiele 7:11

O kusuina kua kulu kiá ku kuate itulu, phala ku kituke mbangala ia ufusa; kala kiki, kokuʼâ ene ki kua-nda kusubhuka kima, mba ku kifuẋi kiâ, mba ku kilungutu kiâ, mba bhu kala ngó ku a dila.

Izekiiele 7:23

Eie bhanga lubhambu, mukonda o ngongo iezala ituxi ni manhinga, o mu mbonge muezala kusuína.

Izekiiele 9:9

Muene-phe uixi: O kuiibha kua dibhata dia Izalaiele ni dibhata dia Juda kua vulu kinene, o ixi i iezala manhinga, o mbonge iezala mangonha; ene amba, exi: O Ngana ixi ua i ambula. Kiene Ngana kia mu kambela kumona.

Amoji 3:10

Mukonda ku bhanga kia iuka a ki tokoka kala kiambe Jihova, o mu mazemba mâ a sueka-mu kusuína ni kusenguluka.

Amoji 6:3

Enu mua fika kizuua kia ibha kiala hanji dikanga, enu mua mu di bunda bhu kididi kia usuéia.

Mikeia 2:8

Kindalʼiki akua muiji uami a balumuka mu ku lunguluka mukuâ ni nguma; iú ua kexile mu kubhita njila ié o thanga a mu bhûndu-iu, edi kala mala ala kutunda ku ita.

Mikeia 6:12

Kuma o jimvuama jenu jezala kusuína, o akua diʼembu diê a zuela makutu, o dimi mu kanu diâ diejidila o kulunguluka ni kunganala athu.

Sofoniia 1:9

Mu kizuʼokio nga kà beta ue ene oso ió a bokuena bhulu dia muelu, anga ezalesa jinzo ja jingana jâ ni kusuina ni usuéia.

Sofoniia 3:1

Kokolo dia mbonge ia xinuka, o mbongeʼoio ia dizange, iezala ni kubhondeleka ni usuéia!

Malakiia 2:16

Mukonda Jihova, Nzambi ia Izalaiele uambe, uixi: Eme, o ku senga nga di zemba na-ku, ni ió u sueka ituxi ni izuatu iê; kiene kia zuela Jihova dia Ifuẋiʼiki. Kala kiki, di langienu mu nzumbi jenu moxi, kana kukala mu akua kusenga ni kukamba kukala fiiele ku ahatuʼenu.