Izaía 59:4 - O Mikanda Ikola

⁴ Ki bhuala muthu u dikola mu ku sota kulûnga, kana-bhu ue muthu u tukuluka mu kufunda phala kusota o kidi, a di-fiiala kingoho, o kuzuela kuâ o makutu; emita milonga, avuala ikuma.

Izaía 59:4 ပူးပေါင်းရင်းမြစ်များ

Jobe 15:31

Ku dielele-phe ku ima ia ukumbu ni ku di nganala é-muène, mukonda ni kisakidilu kié kia kà kala muene ukumbu ngó.

Jobe 15:35

Emita phulu, anga a vuala ituxi; mbata o muxima uâ uia ngó ni kufunha mangonha.

Jisálamu 12:3

Jihova hinu u batula o mizumbu i bhomba kiki, ni dimi ue di zuela ni izala,

Jisálamu 62:10

Kana ku di fiiala ungúngu, mba u kala mu ku ta thathe ni jimbongo ja kubhûnda; ku fike kuila u di bhanga ni uii; jimbongo se ji di vuala, ku ji dielele; katula-ku muene o muẋima ué.

Jisálamu 62:4

Ene a-lu di longesa mudiâ phala kulundumuna o muthu uangene bhu ditala diê dia ujitu; kia a uabhela o makutu; a hanza muene ni dikanu diâ maji o ku muẋima moxi-phe akua mázui. (Selah.)

Jisálamu 7:15

Ua j ikula diela, ua di kande muene, diazongo, iú uafu-mu muene, mu dikungu diê dia kande.

Jisabhu 4:16

Kiene kialʼokio, kaii ku kilu, se ka bhange phulu; o kia kamba ku luezesa muthu mu njila jê, kilu ki a lenga mu mesu.

Izaía 10:1

Lamba dia ió oso a bhana jingonge ja mangonha! Lamba dia asoneki akua kusoneka jingonge ja ku talesa athu hadi!

Izaía 26:18

Tuemitʼetu muene, o misusu ia kuvuala tua bhiti na-iu, maji tua vuala ngó kitembue; maji o ubhulukilu ku mundu ki tu u bheka-ku, o a tunga mu ngongo ue ka tembujuka.

Izaía 28:15

Enu, kuma muambe, muixi: Kalungʼangombe tua bangana-nê, o inferno tuate na-iu kikutu kia ukamba; kioso kia-nda kuiza divuua dia kibeto kala mvula ia dilúvio, etu ki kia-nda ku tu bhixila, kana; kuma dilengelu dietu o makutu, disuamenu dietu o kudinga o kidi.

Izaía 29:20

Kuma o kisuéia sai sukilu diê, o semenhi ua kà jikinina, oso a di bhakula mu kubhanga ituxi a kà jima o mbutu;

Izaía 30:12

Mukonda dia kienhiki Dilemba dia Izalaiele uambe kiki: O ki muedi kizuelu kiki mua di tunu-kiu, enu mua dielela o ungumba ni phulu, enu kuenhuku kuene kiá ngó ku mua xamenena.

Izaía 30:9

Mukonda athu iâ kuhuka kuvula, ni makutu ana iá, ana a di tunu kuívua o ngonge ia Jihova.

Izaía 33:11

Enu muemita ixaxi, mua-nda kuvuala ibhiate; o muha uenu u mua bhusu, ua-nda ku mi hábula kala túbhia.

Izaía 44:20

Lémbue: ukuata ku di-dikila ni uthôkua; muẋima uê ua juuala uene ua mu luezesa; bhua telʼobho ka tena dingi kubhulula o muenhu uê, mba kuila: Mbé bhu lukuaku luami lua kúdia ki bhuala makutu?

Izaía 47:10

Kuma uadielela o phulu ié, uixi: Ki bhuala u tena ku ngi mona; o unjimu ué ni ndunge jé ji ua di-longo, jene ja ku bhekela kujimbila, eie uambe ku muẋima ué, uixi: Eme-muène ngó, kana-ku muthu ni mukuetu nga soko-nê.

Izaía 5:18

Lamba dia ió, oso o kubhuma a kusunga ni mikolo ia izala, o ituxi a i sunga ni mikolo kala makalu.

Izaía 5:7

Mbata o díbhia dia muvide ua Jihova dia Ilombo Ieta phe, o dibhata dia Izalaiele; o athu êne mu Juda, ene o phaphu iambote ia phaphe-mu; Jihova phe ua dielelele kuila ende ni kubhanga ima ia kuiuka, maji talesa hanji o ungumba uâ! Bhua kingile o kidi, o kuiuka, bheza ngó jingololo!

Izaía 59:15

Kiene muene, o kidi a ki jimbi, uoso uila nguami kubhanga phulu, o ió, bhulubhulu dia ku mu bhunda. Jihova ua ki mono, ki kia mu iibhila ku mesu mê, kuila, o kubatula milonga mu kidi, ki kuala-ku.

Izaía 59:16

O kia mono kana-ku muthu mukua kilunji, ua diuana-kiu kuila ki bhuala muthu ua di-tambulula ulemba; kienhiki lukuaku luê-muène lua mu bhekela ubhulukilu, kuiuka kua-muene kuene kua mu imika.

Izaía 59:3

Mbata maku menu ma kasana ni manhinga, o milembu ienu ia kasana ni ikuma; o mizumbu ienu i tanga makutu, o dimi dienu dizuela isunji.

Izaía 64:7

Ki bhuala dingi u hingila o dijina diê, mba u phaphumuka nʼa kuatenene kokué; mbata eie ua tu suekela o pholo, eie ua tu bhangesa ku botomoka mukonda dia ikuma ietu.

Izaía 9:15

O kikulakaji (ua kuka) ni mukuakijingo ene o mútue; o musesedi u longa o makutu, muene o mbunda.

Jelemiia 48:7

Mbata, mukonda dia kudielela ku uala-na-ku ku ima ié i uene kubhanga ni jimbongo ji uala na-ju, eie ue a-nda ku ku tolola; o Kamu ua-nda kutu-nda, uia ku ubhika kumoxi ni jinganga jê ni ilamba iê.

Jelemiia 5:1

Jingujukenu mu jinzunga ja Jeluzaleme, dimueninu kiá, mu tokuesa muene, bhitenu mu jisengu jonéne, mu mone mba mu sanga-mu muthu, mba muala ngó o muthu umoxi u kumbidila o kuiuka, mba u sota o kidi; eme inda ió ngi mu loloka.

Jelemiia 7:4

Ki mu dielele maka ma ngoho, muexi: Tembulu ia Jihova, Tembulu ia Jihova, Tembulu ia Jihova ienhiʼii.

Jelemiia 7:8

Nga mono kuma enu mua dielela maka ma difila, ki ma tena kubhandulula kima.

Hozeia 4:1

Ivuenu kizuelu kia Jihova, enu mu anʼa Izalaiele, mbata Jihova ua kuata mvunda ni jitungi ja tunga ku mundu, mukonda mu ngongo ki muala kidi, ki muala henda, ki muala kuijiia Nzambi.

Mikeia 2:1

Kokolo dia ió oso a sota kuta ituxi ni kufunha kubhanga kiaiibha bhu jihama jâ bhu a zeka; anga aia ni ku ki bhangela muene mu muanha uatu, mukonda o kutena kuala bhu lukuaku luâ.

Jipoxolo 24:9

Jijudé anga ji mu kuatekesa mu kufunda exi imʼ iii ia kidi.

Tiiaku 1:15

Kienhiki, o hânji iaiibha ienhiʼii, ki i zubha o kuimita, i vuala kituxi. O kituxi kʼila kiza ku kitala, ki vuala kalunga.