Izaía 58:3 - O Mikanda Ikola

³ Exi-phe: Tua jidilaʼhi ngoho eie-muène ku ki suu? Tua di-taleselaʼhi hadi, manhi eie ku kʼijiia? Talesenu, mu kizuua kia kujila muala kusota ngó kioso kia mi uabhela enu, muexi-phe a tu fute-kiu, o kikalakaluʼiki.

Izaía 58:3 ပူးပေါင်းရင်းမြစ်များ

Ejidala 8:21

Bhenhobho anga ngi kola-bhu hanji o mujile ua kujila bhu mbanduʼa honga ia ngiji ia Ahava, mbé o kutoloka bhu pholo ia Nzambi ietu, nda tu mu bhinge njila ia kambe íbhidi phala etu ni anʼetu ni imbamba ioso ia tu tokala.

Nehemiia 5:7

Anga ngi kala mu banza imʼiii ku muẋima uami! Hé ngi bazela o jingana ni atumini, anga ngʼa tangela, ngixi: Mu kuvualesa o makongo enu, muala kubhûnda, muthu u bhûnda mukuá muthu u bhûnda mukuá, o ene phange jenu. Anga ngʼa bhongoluela kionge kia dikota kia athu.

Jobe 34:9

Kuma uambe, uixi: Mu ku di tuma ni Nzambi, muthu ka katula-mu kima.

Jisálamu 69:10

Nga didi, nga di talesa muene hadi ni kujila; maji o kienhiki ue, kia ngi bongesa malebhu!

Jisabhu 28:9

Uoso o mátui mê u ma landukisa, nguaiê kubatekela mu kuividila o ngonge, katé ngó ni musambu uê, u kituka kisunji kiaiibha kua Ngana!

Izaía 22:12

O Jihova phe, Jihova dia Ilômbo Ieta, mu kizuua kiná ua kà mʼixanena kudila, ni kuta jingololo, ni dikongelu dia mítue, ni kuzuata jisaku.

Izaía 22:13

Maji o kiki-phe, uamono, muala ku kemba ni kusanguluka, mu jibha jingombe, mu jibha jimbudi, mu-dia xitu, mu-nua vinhu, mu amba muixi: Tu dienutu, tu nuenutu, mungu tu kane o kúfua!

Izaía 47:6

Nga thathamana kiavulu ni mundu uami, undundu uami nga u kasanesa, eme nga ku bhakuila-nâ bhu lukuaku lué; eie-phe ngué ku a kuatela jihenda, katé ni ikulakaji, akuka, ua a tuika kimbamba kia neme.

Ijila 16:29

O kiki kijila ki xialela katé ku hádia; bhu mbeji ia sambuadi mu kizuua kia kakuinhi ku mbeje, huhenu o mienhu ienu, ikalakalu ehelenu-iu bhoxi enu-oso muene, ni akua-bhata, ni nzuangiza uoso ua tungu momuenu.

Ijila 16:31

Ikale-phe sabhalu ia dinhohenu phala enu; mienhu ienu-phe kibhinga mu i nhohesa; kijila kiki ki xialela katé ku hádia.

Ijila 23:27

Maji o mbeji iene ia kasambuadiʼoio, mu kizuua kiê kia kuinhi, kiene-phe kikala kizuua kia kiamenga; mu kala ni kionge kikôla, anga mu jila; mu bhana-phe ujitu ua kubhakula ni tuíbhia kua Jihova.

Malakiia 3:14

Enu muambe, muexi: Ku bhikila Nzambi hadi ia hatu; o kualuka ijila ia Ngana, ni kuenda bhu pholo ia Jihova dia Ifuẋi ni mukondo, tua nganhala-ku mbote iahi?

Dialuilu 23:4

Nzambi anga u takana ni Balamu, o Balamu u mu ambela, uixi: Nga iudika sambuadi dia kalatódio, kalatodio ni kalatódio nga satela-ku ngombe ni kilumbe.

Luka 15:29

Muène-phe u kumbulula tatʼâ, uixi: Mivu ioso iíi i nga ku kalakela kala ngi mubhika, kiluua-phe ngi xibhaka ngó kima ki ua ngi tumu. Maji né kienhókio, eie-phe kua ngi bhana né ngó lumoxi, kahombo ka kubhanga fesa ni makamba mami.