Izaía 57:3 - O Mikanda Ikola

³ Enu-phe bhiẋilenu bhabha, mu anʼa mama ia tambula uanga, mbutu ia kidianzunga ni ndumbu.

Izaía 57:3 ပူးပေါင်းရင်းမြစ်များ

Dimatekenu 3:15

Nga-nda kuta unguma bhu kaẋi ké eie ni muhatu, ni bhu kaẋi ka mbutu ié-eie ni mbutu iê-muène; muene ua kà ku bula o mutue, eie ua kà mu numata o kasende.

Izaía 1:21

Mbonge iami ia kexe fiiele, ia biluka kiebhi kidianzunga, tata! O ki ia kexe, kuiuka kuvula! O kufundisa mu kidi kua tungile moxi diê, maji leluʼidi mueza ijibhanganga.

Izaía 1:4

Kifuxi kiki lamba diâ, mukonda kiezala ni ituxi, mundu ua kubhuma, muiji ua isuéia, mbutu iaiibha i sambukisa kubola; Jihova a mu te dikunda. Delemba dia Izalaiele a mu tembula, ia a vutuka kuema!

Izaía 45:20

Di-phophienu nda muize; ejilenu bhuamoxi enu oso mua bhulaka ku ifuẋi; kʼeji kima oso akua kuambata o iteka ia kuseta ia mixi, anga a samba ni kudionda ku nzambi ki i tena kubhulula muthu.

Izaía 48:16

Ngi zukamienu, muivue kiki: Tundé mu dimatekenu ki ngi fueta, kana; maji tundé bhaná bhu kia di-bhangela, eme bhene bhu nga kexe; kindala-phe Muadi Jihova, ua ngi tumikisa o Nzumbi iê.

Izaía 57:7

Muanza ué kaxi ua u zale bhu thalʼa milundu ia di-leka; kuene ku uene kubanda mu bhana o jisata.

Izaía 58:2

Sumbala kiene, maji kizuua ni kizuua ene ku ngi sota, kia a uabhela muene kudilonga mauendelu mami, edi kala povo iambote, ia di tumu ni Nzambi iâ; ala ku ngʼibhula kioso kienda o jiphangu ja ulungilu, a uabhela kuzuama kua Nzambi.

Jelemiia 3:6

Jihova uambe dingi mu izuua ia sobha Joziia, uixi: Eie ua mono kia bhange Izalaiele dia kuẋinuka? ua bhita-bhita ku milundu ioso ia di-leka ni bhu ikota ia mixi ioso ia uisu kuenhoko kuene kua bhangela jinga undumbu.

Jelemiia 3:9

Anga ki bhita kuma o kia sambuka fenge ia undumbu uê, oxi-phe ua i kasanesa; kuma ua te jiphanda ni matadi ni miẋi.

Hozeia 1:2

Ku dimatekenu dia kizuelu kia Jihova kua Hozeia, Jihova uambela Hozeia, uixi: Ndé, sakana muhatu, uoso uejidila undumbu, u vuale-nê ana a undumbu; mbata oxi ia di te mu undumbu ua dikota, o kua Jihova a batukaku.

Hozeia 2:4

Mbata katé-phe ni anʼê ngi dituna kiá o ku a lendukila; mukonda ana a tundu mu undumbu.

Hozeia 2:6

Kala kiki, njila iê nga-nda ku i sakela ni minha, anga ngi bhitisa-ku lumbu, anga u lémbua kumona dingi o jihoka jê muene mu ku di tela.

Malakiia 3:5

Bhenhobho, Jihova, uixi: Kienhókio nga kà mi zukama kiá, milonga ienu nga kʼèza mu ku i fundisa anga ngi kala ngi mbangi ia kubatula lusolo mu kubelesa aloji, ni akua ku ta jiphanda, ni iá a loka mu makutu, ni iá a kamba kufuta kitadi kia jingunza ja a a kalakalela, ni ió a bhingi kuila o mutudi, ni monʼa difundu, a a bhondeleka muene, ka xikina kubatula ni kuiuka o mulonga ua ngenji-a-thumba ua tundu dikanga, a lémbua ku ngi kuatela uôma, eme ngi Jihova dia Ilombo Ieta.

Matesu 12:34

Enu mu muiji ua madiuta! Mu tena kiebhi, ki mua iibhʼiki, o kuzuela ima iambote? Mbata kioso kiezala mu muẋima, kiene ki zuela o dikanu.

Matesu 16:4

Muiji uaiibha, ua akua jiphànda, u sota kijimbuete! Kijimbuete-phe ka a bhana-kiu, kikale ngó o kijimbuete kia Jona, kuabhu! Anga u a-xa bhobho, uia kuengi.

Matesu 23:33

Mu jinhoka, mu anʼa madiuta! Mua-nda kulenga kiebhi o kaxtiku ka ifernu?

Matesu 3:7

Nzuá muène-phe kia mono ku jifalizeu ni ku jisaduseu kueza athu ku batizu iê, uixi: Enu mu ana a madiuta, nanhi ua mi dimuna kulenga o njinda ia-nda kuiza-ku, itunda kua Nzambi?

Luka 3:7

Nzuá anga uambela kifuẋi kieza kua muène mu ku a batizala, uixi: Muiji ua nhoka ja ísueia! Nanhi ua mi tendelela kulenga o njinda ia Nzambi ia-ndu kuiza-ku?

Tiiaku 4:4

Mu akua jiphànda! Kifua ki mua kʼijiia kuma o ukamba ua mundu unguma kua Nzambi? Uila kiki, uoso ua mesena kukala kamba dia mundu, ua di bhange nguma ia Nzambi.

I Nzuá 3:10

Muene mu di monekena o anʼa Nzambi ni anʼa Diabhu. Uoso u kamba kubhanga iaiuka, ni ió kiá uoso u kamba kuzola phangʼiê, ka tokala Nzambi.