Izaía 57:2 - O Mikanda Ikola

² Nʼa bokona muene ku uembu; a-nda kunhohena bhu mianza iâ, oso enda ni kuiuka.

Izaía 57:2 ပူးပေါင်းရင်းမြစ်များ

Dimatekenu 17:1

Mbalamu kia kala kiá mu makuinhiʼvua a muvu nʼivua, Jihova u tukulukila Mbalamu, u mu ambela, uixi; Eme ngi Nzambi, Muteni-a-Ioso; enda jinga bhu pholo iami, u kale u muthu ua tenena.

II Malunda 16:14

Inga a mu funda mu mbila iêmuène, ia di kandeia mu mbonge ia Davidi, anga a mu zekesa bhu hama iezalesa ni ima ia mazumba ni ima iate kiavulu, iò iudike kuala jimesene ja ima ia mazumba ma mbote; anga a mu bhangela kiohela kionène ni ima ienʼiii.

Jobe 3:17

Momo kiá ni athu a ibha ka tena dingi kuzukutisa; muenhomo mua bhingi kuila ni iá a bhuila a sanga kunhoha.

Jisálamu 37:37

Batekela o muthu u bhanga ima ia kidi, u tale kiambote uemana nzanza; kuma ku pholo kuia muthu ió, kuà kala kutululuka.

Ndongixi 12:7

O fufuta ni i vutukila ku mavu kala ki ia kexile, o nzumbi anga i vutukila kua Nzambi ua i bhele.

Izaía 14:18

Jisobha joso ja ifuẋi, xi, jene joso muene, ja zeka ni ujitu, sobha ni sobha mu sanzala iê.

Izaía 26:7

O njila ia muthu uaiuka, iene ioso i sokelela kiambote. Eie, o uendelu ua muthu uaiuka, uene ku u zonga ni kuiuka kuoso.

Jelemiia 6:16

Jihova uambe kiki: Kutukenu mu jinjila, mu tale nda mu ibhule ikoka ia xahulu, ioso o njila iauabha, muʼendele muenhomo; nda mu sange o dinhohenu dia jinzumbi jenu: Maji ene-phe exi: Nguetu kuenda.

Izekiiele 32:25

O mu kaxi kà ia a a kubujula, muene mua mu tudila o muanza uê, muʼaxaxe ka mundu uê uoso; o mu jimbandu jê, muene muala o jimbila jâ; ene oso muene akua inhunga a a kubujula ku xibhata; mbata a kuatesa jinga uôma mu ngongo ia athu a muenhu, o jisonhi jâ ia aii na-ju kumoxi ni iá a seiela mu kina; a mu tula mu kaxi ka ia a a kubujula.

Daniiele 12:13

Eie-phe, suluka kienhiki katé ku mbambe; mbata ua-ndu nhoha-ku, maji o mu kizuua kia kà suka-ku, ua kà fundumuka anga u tambula o undundu ué ua ku xikamena.

Matesu 25:21

Kuala ngana iê: Kiauabha! Diebhe-ku selevende iambote, ia fiiele. Eie ua kexi fiiele mu imbamba iófele, ngi ku zangeleka ku imbamba iavulu. Bokona mu ngalasa ía ngana ié.

Luka 1:6

Kiiadi kiâ anga a kala athu aiuka bhu pholo ia Nzambi, athu a kuenda mu itumu ioso ni ijila ia Ngana, sé kima ki tokala ku a bazela.

Luka 16:22

Ngadiamʼ iii anga i fua, anga a mu ambata kuala ji-anjo bhu jihata ja Mbalahamu, ku mbanza, ku fesa. Mvuama ue ifua, anga a mu fûnda.

Luka 2:29

Kiki Ngana, mubhikʼê mu katule-ku kiá ni kutululuka, kala ki ua ki tanga.

Luka 7:50

Jezú-phe uambela o muhatu, uixi: O kuxikana kué kua ku bhandulula. Ndaié ni kutululukka.

II Kolindo 5:1

Mukonda tua kʼijiia kuila kioso kia-nda kubudika o fundu iii mu tua tungu, uene o mukutu uetu mu ngongo mumu, Nzambi ku diulu hinu ua kà tu bhana inzu mu tu tunga. Inzuʼoio-phe a i tungu kuala Nzambi muene, i xalela-ku kiá katé ku hadia ni hadia.

II Kolindo 5:8

Tua suina dingi kiengi, kieju tu uabhela kuila tueha kutunga mu mukutu iú, anga tuia mu kutunga ni Ngana.

Filipe 1:23

Ngala-phe bhu kibhidi kia ngi phopheka ku mbandu ni mbandu, mukonda ngala ni vondadi iavulu ia kukatuka kunu, phala kuà kala-mi kiá ni Kristu; kuma ujitu uê u kala kotʼ èlele.

Dijingunuinu 14:13

Anga bhenhobho ngʼívua dízui di tunda mu diulu, dixi: Kiki soneka-kiu; Azediua o madifundu tundé kiki a fuila mu kikalakalu kia Ngana! O Nzumbi ia Nzambi anga uitaia, uixi: Eua! Kiokio kidi muene! Mukonda ene a kà nhohaku kiá ku ikalakalu iâ, ia hadi, mbata o mbote i tunda mu kukalakala kuâ, a kàia na-iu.