Izaía 57:18 - O Mikanda Ikola

¹⁸ Eme ngala kumona o jinjila jâ, phala ni ngʼa sake, ngʼa batesa ue, hé ngʼa bhana dingi o kukondama ni ene ni mundu uâ ua di-kuata o mukondo ua kudila.

Izaía 57:18 ပူးပေါင်းရင်းမြစ်များ

Jisálamu 23:2

U ngi bheka kunhoha mu iangu ia sabhelela; u ngi songuela bhuala menha matululuka.

Jisálamu 51:12

Tona dingi ku ngi bhana o ngalasa ia ubhulukilu ué; u ngi fikidile ni vondadi ia ku ku tumaka.

Jisálamu 94:19

Hele jivula jandekele ku ngi kuata mu muẋima, maji mu ukamba ué, muẋima uami ua batama dingi.

Ndongixi 9:4

Tala-phe, kuila o muthu kioso kia kala hanji muʼaxaxe ka athu a muenhu, sai-ku kia kudielela. Kuma, kota o ímbua iala ni muenhu, kuindi o hoji ia fu kiá.

Izaía 1:18

Izenu-phe kiá, mu ngi sambulule, eme Jihova. Né-mbé ituxi ienu ia kusuka kala husu, ia-ndu zela mukuâ ni neve (o kikulakaji); né-mbé iedi nguí kala hundu, iila muene phalatatá mukuâ ni kindemba kia mbudi izela.

Izaía 12:1

Mu kizuua kiná, eie ua kà kumbulula, kuamba: Jihova, nga ku sakidila, tata, mukonda, sumbala ua ngi kuatelele njinda, leluʼidi njinda ié iabhu, uala kiá ku ngi konda malamba.

Izaía 19:22

Jihova anga ua kà kuama akua-Ijitu, hé u a saka ue; anga ene a kà bhiluka kua Jihova, o muene ki evua misambu iâ, henda i mu kuata, hé u a bhana o kudisanza.

Izaía 30:18

Kiene-phe kia-nda ku kingila Jihova ku mi kuatela henda; kiene kianda ku mi zangumuina phala ku mi lendukila, mukonda Jihova uene Nzambi ia kutetuluka; azediua oso a kinga kua Muene.

Izaía 30:26

O mueji ua mbeje ua kà soka ni muanha, o muanha uene ua kà di bandekeza lusambuadi mu kútua, mukuâ ni muanha ua sambuadi dia izuua ua di lunjika kumoxi; kiki ki bhita bhu kizuua kia Jihova, kia-nda ku sokejeka o mundu uê ua budijika, ni kia tumba o kilônda kiâ.

Izaía 49:10

Ka kala dingi ni nzala, kà kala dingi ni dinhota, né muzukuta né muanha ki ua kà a kuama dingi; kuma muenhó mukua ku a lendukila, ua kà endesa, anga ua kà a batesa kilendu katé ku jifiẋi ja menha.

Izaía 51:12

Eme, eme-muène ngi muthu ua ku mi konda o malamba; eie-phe u muthu uami, u kala ni uoma ua muthu ni mukuenu, uà xikamena kufua? mba o monʼa muthu u lela kala iangu?

Izaía 52:12

Kuma ki mua-nda kutunda ni lusolo, kana, ki mua-nda kuila kala mua lenge; mbata Jihova muene ua-nda ku mi tuamenena ku pholo, O Nzambi ia Izalaiele anga ua kà kala kuema dienu.

Izaía 53:5

Maji muene a mu kuama mukonda dia itondalu ietu, a mu tutujula mukonda dia ikuma ietu; O hadi i tu bhekela o kutululuka ni kubatama ia kexile ku thandu diê, o italakanha iê iene ia tu sake.

Izaía 57:15

Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Izaía 58:11

O Jihova u ku endesa izuua ioso, anga u dikila o muenhu ué mu ididi ia kukuta, hé u ku bhana o nguzu mu ifuba; eie-muene u kala mukuâ ni díbhia diotekele, kala fiẋi ia kunuina, menhʼé kene mu kamba.

Jelemiia 13:17

O kiki se mu kamba ku kʼivua, muenhu uami ua kà didila mu jihota ja di sueka, mukonda dia ku di zangeleka kuenu, mesu mami ma kà dila lujiji, anga ma koboka mu kisoxi, mbata o kilunga kia Jihova a ki ambata ku ubhika.

Jelemiia 3:22

Vutukenu, mbaluke ja ana, eme nga-nda ku mi saka o makuẋinuka menu. Etuʼetú, tueza kokué, mbata eʼmuène u Jihova Nzambi ietu.

Jelemiia 30:17

Mukonda o kudisanza kué nga-nda ku ku vutuila-ku anga ngi saka o itoto ié, eme ngi Jihova, kuma ala ku kuixana: Na kahukunhu, ni kuila exi: Na Ziione, mukonda ka moneka dingi muthu u muʼibhula.

Jelemiia 31:3

Kithangana kiá kia bhiti-bhu tundé kia ngi tukulukila Jihova, uixi: Tala, nga ku zolo ni henda ki i moneka dizubhilu, nga ku sungu ue ni jihenda ja kulenduka, kokuami.

Jelemiia 33:6

Maji tala-ze, nganda ku bheka ku thandu diâ, kudisanza ni kuiluka anga ngʼa saka muene, anga ngʼa tukuluila jinzungule ja kutululuka ni ja kidi.

Zakadiia 1:13

Anju ia kexi mu zuela ni eme, Jihova anga u mu vutuila maka a mbote, maka a tululuisa muẋima.

Luka 15:20

Anga u balumuka, hé uiza kua tatʼâ. Ki ala mú kuiza-phe, hanji uala dikanga, tatʼâ ua mu mono. Anga henda ia monʼê i mu kuata, u lenga lusolo, u di bhubhala-nê, u mu bhana jibeju.

Loma 5:20

O Kitumu kieza phala kuvudisa o kutondala. Maji bhuoso bhua vulu o ituxi, o kiadi kia Nzambi kia somboka dingi mu kusubhajaka kiavulu.

Dijingunuinu 7:17

Kuma o Kambudi uene muʼaxaxe ka kiandu, u kala mubidi uâ, muène u a endesa jinga bhu jithu ja menha ma muenhu. O Nzambi anga ua kondona masoxi moso mu mesu.